सांगली जिल्ह्यात नीट-युजी फेरपरीक्षा 2026 सुरळीत, सुरक्षित, कॉपीमुक्त आणि पारदर्शक वातावरणात पार पाडण्यासाठी जिल्हा प्रशासन पूर्णपणे सज्ज आहे. जिल्हाधिकारी तथा जिल्हा दंडाधिकारी डॉ. मैनाक घोष यांनी ही माहिती दिली. जिल्ह्यात 21 जून 2026 रोजी 10 परीक्षा केंद्रांवर एकूण 4572 विद्यार्थी ही फेरपरीक्षा देणार आहेत. या परीक्षेच्या पूर्वतयारी आढावा बैठकीत डॉ. घोष यांनी नियुक्त संबंधित सर्व यंत्रणांना समन्वयाने काम करण्याच्या सूचना दिल्या. परीक्षेच्या संपूर्ण प्रक्रियेवर बारकाईने लक्ष ठेवण्यात येणार असून, प्रश्नपत्रिका व उत्तरपत्रिकांच्या वाहतुकीपासून ते परीक्षा संपेपर्यंत प्रत्येक टप्प्यावर कडक सुरक्षा उपाययोजना राबविण्यात येतील. परीक्षा केंद्र परिसरात पुरेसा पोलीस बंदोबस्त ठेवण्यात येणार असून, केंद्रांवर प्रवेश करण्यापूर्वी उमेदवारांची सखोल तपासणी केली जाईल. पोलीस अधीक्षक तुषार दोशी यांनी परीक्षा केंद्रांभोवती सुरक्षा व्यवस्था मजबूत करण्यात आल्याची माहिती देत वाहतूक नियंत्रण व संवेदनशील ठिकाणांवर विशेष लक्ष ठेवण्यात येणार असल्याचे सांगितले. बैठकीत मूलभूत सुविधा, प्रश्नपत्रिका हाताळणी, उमेदवारांच्या प्रवेश प्रक्रियेतील दक्षता, वाहतूक व्यवस्थापन, वीजपुरवठा, आरोग्य सुविधा आणि आपत्कालीन परिस्थिती हाताळण्यासाठीच्या उपाययोजनांचाही आढावा घेण्यात आला. या बैठकीस माध्यमिक शिक्षणाधिकारी राजेसाहेब लोंढे आणि संबंधित अधिकारी उपस्थित होते. कोणत्याही प्रकारचा गैरप्रकार, अफवा किंवा अनुचित प्रकार आढळल्यास तात्काळ संबंधित अधिकाऱ्यांना माहिती देण्याचे आवाहन जिल्हाधिकारी डॉ. मैनाक घोष यांनी केले आहे. तसेच, परीक्षार्थींनी प्रवेशपत्रासह वैध ओळखपत्र सोबत आणावे आणि परीक्षा सुरू होण्याच्या निर्धारित वेळेपूर्वी केंद्रावर उपस्थित राहावे, असे आवाहनही प्रशासनातर्फे करण्यात आले आहे.

EXPRESS NEWS

Press advisory मिरज, सांगली, महाराष्ट्र•

3 hrs ago

सांगली जिल्ह्यात नीट-युजी फेरपरीक्षा 2026 सुरळीत, सुरक्षित, कॉपीमुक्त आणि पारदर्शक वातावरणात पार पाडण्यासाठी जिल्हा प्रशासन पूर्णपणे सज्ज आहे. जिल्हाधिकारी तथा जिल्हा दंडाधिकारी डॉ. मैनाक घोष यांनी ही माहिती दिली. जिल्ह्यात 21 जून 2026 रोजी 10 परीक्षा केंद्रांवर एकूण 4572 विद्यार्थी ही फेरपरीक्षा देणार आहेत. या परीक्षेच्या पूर्वतयारी आढावा बैठकीत डॉ. घोष यांनी नियुक्त संबंधित सर्व यंत्रणांना समन्वयाने काम करण्याच्या सूचना दिल्या. परीक्षेच्या संपूर्ण प्रक्रियेवर बारकाईने लक्ष ठेवण्यात येणार असून, प्रश्नपत्रिका व उत्तरपत्रिकांच्या वाहतुकीपासून ते परीक्षा संपेपर्यंत प्रत्येक टप्प्यावर कडक सुरक्षा उपाययोजना राबविण्यात येतील. परीक्षा केंद्र परिसरात पुरेसा पोलीस बंदोबस्त ठेवण्यात येणार असून, केंद्रांवर प्रवेश करण्यापूर्वी उमेदवारांची सखोल तपासणी केली जाईल. पोलीस अधीक्षक तुषार दोशी यांनी परीक्षा केंद्रांभोवती सुरक्षा व्यवस्था मजबूत करण्यात आल्याची माहिती देत वाहतूक नियंत्रण व संवेदनशील ठिकाणांवर विशेष लक्ष ठेवण्यात येणार असल्याचे सांगितले. बैठकीत मूलभूत सुविधा, प्रश्नपत्रिका हाताळणी, उमेदवारांच्या प्रवेश प्रक्रियेतील दक्षता, वाहतूक व्यवस्थापन, वीजपुरवठा, आरोग्य सुविधा आणि आपत्कालीन परिस्थिती हाताळण्यासाठीच्या उपाययोजनांचाही आढावा घेण्यात आला. या बैठकीस माध्यमिक शिक्षणाधिकारी राजेसाहेब लोंढे आणि संबंधित अधिकारी उपस्थित होते. कोणत्याही प्रकारचा गैरप्रकार, अफवा किंवा अनुचित प्रकार आढळल्यास तात्काळ संबंधित अधिकाऱ्यांना माहिती देण्याचे आवाहन जिल्हाधिकारी डॉ. मैनाक घोष यांनी केले आहे. तसेच, परीक्षार्थींनी प्रवेशपत्रासह वैध ओळखपत्र सोबत आणावे आणि परीक्षा सुरू होण्याच्या निर्धारित वेळेपूर्वी केंद्रावर उपस्थित राहावे, असे आवाहनही प्रशासनातर्फे करण्यात आले आहे.