मुंबईतील पूर्व आणि पश्चिम उपनगरांना जोडणाऱ्या गोरेगाव-मुलुंड जोडरस्त्याच्या कामातील अडथळे दूर करण्यासाठी महानगरपालिकेच्या टी विभाग कार्यालयाच्या अतिक्रमण निर्मूलन पथकाने रविवारी (दिनांक ३१ मे २०३६) मोठी कारवाई केली आहे. या अंतर्गत अमर नगर, खिंडीपाडा येथील १५० रहिवासी आणि वाणिज्यिक अनधिकृत बांधकामे हटवण्यात आली. हा गोरेगाव-मुलुंड लिंक रस्ता १२.२० किमी लांबीचा असून, त्याचे काम रस्ता, भूमिगत बोगदा आणि उड्डाणपूल अशा चार टप्प्यांत पूर्ण केले जाणार आहे. टी विभागाच्या हद्दीतील अमर नगर, खिंडीपाडा येथील एकूण सुमारे ३८४ बांधकामे या जोडमार्गाच्या उभारणीत बाधित ठरणारी होती. त्यापैकी १५० बांधकामे निष्कासित करण्यात आली असून, उर्वरीत २३४ अनधिकृत बांधकामे पुढील आठवड्यात हटवली जाणार आहेत. उपायुक्त (परिमंडळ ६) यांच्या मार्गदर्शनाखाली आणि सहायक आयुक्त 'टी' विभाग यांच्या नेतृत्वात ही कारवाई पार पडली. महापालिकेचे १० अभियंते आणि १०० कर्मचारी यांनी २ पोकलेन संयंत्र, ४ जेसीबी संयंत्र व १० डंपर यांच्या सहाय्याने ही सर्व बांधकामे हटवली. सुरक्षेसाठी मुलुंड पोलिस ठाण्याचे वरिष्ठ पोलीस निरीक्षक श्री. अजय जोशी यांच्या नेतृत्वाखाली ५० पोलीस कर्मचारी बंदोबस्तासाठी तैनात होते.

Amit Omprakash tiwari

मुंबई, मुंबई, महाराष्ट्र•

1 hr ago

मुंबईतील पूर्व आणि पश्चिम उपनगरांना जोडणाऱ्या गोरेगाव-मुलुंड जोडरस्त्याच्या कामातील अडथळे दूर करण्यासाठी महानगरपालिकेच्या टी विभाग कार्यालयाच्या अतिक्रमण निर्मूलन पथकाने रविवारी (दिनांक ३१ मे २०३६) मोठी कारवाई केली आहे. या अंतर्गत अमर नगर, खिंडीपाडा येथील १५० रहिवासी आणि वाणिज्यिक अनधिकृत बांधकामे हटवण्यात आली. हा गोरेगाव-मुलुंड लिंक रस्ता १२.२० किमी लांबीचा असून, त्याचे काम रस्ता, भूमिगत बोगदा आणि उड्डाणपूल अशा चार टप्प्यांत पूर्ण केले जाणार आहे. टी विभागाच्या हद्दीतील अमर नगर, खिंडीपाडा येथील एकूण सुमारे ३८४ बांधकामे या जोडमार्गाच्या उभारणीत बाधित ठरणारी होती. त्यापैकी १५० बांधकामे निष्कासित करण्यात आली असून, उर्वरीत २३४ अनधिकृत बांधकामे पुढील आठवड्यात हटवली जाणार आहेत. उपायुक्त (परिमंडळ ६) यांच्या मार्गदर्शनाखाली आणि सहायक आयुक्त 'टी' विभाग यांच्या नेतृत्वात ही कारवाई पार पडली. महापालिकेचे १० अभियंते आणि १०० कर्मचारी यांनी २ पोकलेन संयंत्र, ४ जेसीबी संयंत्र व १० डंपर यांच्या सहाय्याने ही सर्व बांधकामे हटवली. सुरक्षेसाठी मुलुंड पोलिस ठाण्याचे वरिष्ठ पोलीस निरीक्षक श्री. अजय जोशी यांच्या नेतृत्वाखाली ५० पोलीस कर्मचारी बंदोबस्तासाठी तैनात होते.