મહેસાણા જિલ્લા, જેને રાજકારણની લેબોરેટરી ગણવામાં આવે છે, ત્યાં છેલ્લા ત્રણ દિવસથી કથિત ઓડિયો ક્લિપ્સના કારણે ભારે રાજકીય ગરમાવો જોવા મળી રહ્યો છે. કોર્પોરેટર ચંદ્રકાન્ત પટેલ અને જિલ્લા પંચાયતના પૂર્વ પ્રમુખ તૃષાબેન પટેલના પતિ પિન્ટુ પટેલના ઓડિયો વાયરલ થયા બાદ હવે વિજાપુરના ભાજપના ધારાસભ્ય ડો. સી.જે. ચાવડાનો એક કથિત ઓડિયો સોશિયલ મીડિયામાં વાયરલ થતાં રાજકીય વર્તુળોમાં ચર્ચાઓનું કેન્દ્ર બન્યો છે. નોંધનીય છે કે પૂર્વ નાયબ મુખ્યમંત્રી નીતિનભાઈ પટેલ વિશે અપમાનજનક શબ્દો વાપરતા કોર્પોરેટર ચંદ્રકાન્ત પટેલનો કથિત ઓડિયો પણ તાજેતરમાં વાયરલ થયો હતો. વાયરલ થયેલી આ કથિત ઓડિયો ક્લિપમાં ધારાસભ્ય અને એક અજાણ્યા કાર્યકર વચ્ચેની વાતચીત હોવાનું કહેવાય છે. જેમાં કથિત રીતે સી.જે. ચાવડા એવું કહેતા સંભળાય છે કે, “હું કોંગ્રેસમાંથી આવ્યો એટલે બે કરોડ મળ્યા.” આ કથિત વાતચીતમાં તેઓ ચૂંટણી દરમિયાન પક્ષો દ્વારા મળતા ભંડોળ અને ઉમેદવારોના ખર્ચ અંગે પણ ચર્ચા કરતા હોવાનું ઓડિયોમાં સંભળાય છે. વધુમાં, સામાન્ય રીતે ભાજપ કે કોંગ્રેસ જેવા પક્ષો ઉમેદવારોને મોટું ભંડોળ આપતા નથી અને ઉમેદવારોએ પોતાનો ખર્ચ જાતે ઉઠાવવો પડે છે તેવો ઉલ્લેખ પણ કરવામાં આવ્યો છે. જોકે, ફોર્મ પાછું ખેંચવા અથવા ઉમેદવારને બેસાડી દેવા માટે મોટી રકમોની ઓફર થતી હોવાનો પણ કથિત ઉલ્લેખ છે, અને તાલુકા તેમજ જિલ્લા પંચાયતની ચૂંટણીમાં સક્ષમ ઉમેદવારો પોતે જ ખર્ચ સંભાળતા હોવાની વાત પણ ચર્ચામાં સંભળાઈ રહી છે. આ કથિત ઓડિયોમાં કોંગ્રેસના ભવિષ્ય અંગે પણ ટિપ્પણી કરવામાં આવી હોવાનું સામે આવ્યું છે, જેમાં કથિત રીતે સી.જે. ચાવડા કહી રહ્યા છે કે ગુજરાતમાં આગામી દસ વર્ષ સુધી કોંગ્રેસનું કોઈ ભવિષ્ય દેખાતું નથી અને પક્ષ ચૂંટણી જીતે તેવી સ્થિતિમાં નથી. આ સાથે ભાજપના કેટલાક કાર્યકરો પક્ષના નામે “ધંધો” કરતા હોવાની ચર્ચા પણ સંભળાય છે, જેમાં ખાણ-ખનિજ, રેતીના ગેરકાયદે ધંધા તેમજ સરકારી કામોમાં કમિશન અને કોન્ટ્રાક્ટ દ્વારા કમાણી થતી હોવાના આક્ષેપો પણ સામેલ છે. વાતચીત દરમિયાન, સી.જે. ચાવડાએ એક ગામની મુલાકાતનો ઉલ્લેખ કરતાં એવું પણ કહ્યું હોવાનું વાયરલ ઓડિયોમાં સાંભળવા મળે છે કે, “૧૦-૧૨ વર્ષનું બાળક પણ કહે છે કે મોટા થઈને કોંગ્રેસમાં ઊભા રહેવાનું અને પછી ફોર્મ પાછું ખેંચી લેવાનું એટલે પૈસા મળે.” આ કથિત વાતચીતમાં તેઓએ બાળકોમાં આવી નકારાત્મક માનસિકતા પ્રવેશી જતી હોવાની ચિંતા પણ વ્યક્ત કરી હોવાનું કહેવાય છે. આ કથિત ઓડિયો અંગે ધારાસભ્ય સી.જે. ચાવડાનો સંપર્ક કરવામાં આવતા, તેમણે જણાવ્યું હતું કે, “મને આ વિશે કંઈ ખબર નથી. હું આ બાબતે કંઈ જાણતો નથી. દિલ્હીથી પરત આવીશ પછી ચર્ચા કરીશ.” મહેસાણા જિલ્લામાં સતત બહાર આવી રહેલી આવી ઓડિયો ક્લિપ્સે રાજકીય માહોલ વધુ ગરમાવ્યો છે.

SAIYEDJI BUKHARI PRESS REPORTER PRESS REPORTER

REPORTER વિજાપુર, મહેસાણા, ગુજરાત•

7 hrs ago

મહેસાણા જિલ્લા, જેને રાજકારણની લેબોરેટરી ગણવામાં આવે છે, ત્યાં છેલ્લા ત્રણ દિવસથી કથિત ઓડિયો ક્લિપ્સના કારણે ભારે રાજકીય ગરમાવો જોવા મળી રહ્યો છે. કોર્પોરેટર ચંદ્રકાન્ત પટેલ અને જિલ્લા પંચાયતના પૂર્વ પ્રમુખ તૃષાબેન પટેલના પતિ પિન્ટુ પટેલના ઓડિયો વાયરલ થયા બાદ હવે વિજાપુરના ભાજપના ધારાસભ્ય ડો. સી.જે. ચાવડાનો એક કથિત ઓડિયો સોશિયલ મીડિયામાં વાયરલ થતાં રાજકીય વર્તુળોમાં ચર્ચાઓનું કેન્દ્ર બન્યો છે. નોંધનીય છે કે પૂર્વ નાયબ મુખ્યમંત્રી નીતિનભાઈ પટેલ વિશે અપમાનજનક શબ્દો વાપરતા કોર્પોરેટર ચંદ્રકાન્ત પટેલનો કથિત ઓડિયો પણ તાજેતરમાં વાયરલ થયો હતો. વાયરલ થયેલી આ કથિત ઓડિયો ક્લિપમાં ધારાસભ્ય અને એક અજાણ્યા કાર્યકર વચ્ચેની વાતચીત હોવાનું કહેવાય છે. જેમાં કથિત રીતે સી.જે. ચાવડા એવું કહેતા સંભળાય છે કે, “હું કોંગ્રેસમાંથી આવ્યો એટલે બે કરોડ મળ્યા.” આ કથિત વાતચીતમાં તેઓ ચૂંટણી દરમિયાન પક્ષો દ્વારા મળતા ભંડોળ અને ઉમેદવારોના ખર્ચ અંગે પણ ચર્ચા કરતા હોવાનું ઓડિયોમાં સંભળાય છે. વધુમાં, સામાન્ય રીતે ભાજપ કે કોંગ્રેસ જેવા પક્ષો ઉમેદવારોને મોટું ભંડોળ આપતા નથી અને ઉમેદવારોએ પોતાનો ખર્ચ જાતે ઉઠાવવો પડે છે તેવો ઉલ્લેખ પણ કરવામાં આવ્યો છે. જોકે, ફોર્મ પાછું ખેંચવા અથવા ઉમેદવારને બેસાડી દેવા માટે મોટી રકમોની ઓફર થતી હોવાનો પણ કથિત ઉલ્લેખ છે, અને તાલુકા તેમજ જિલ્લા પંચાયતની ચૂંટણીમાં સક્ષમ ઉમેદવારો પોતે જ ખર્ચ સંભાળતા હોવાની વાત પણ ચર્ચામાં સંભળાઈ રહી છે. આ કથિત ઓડિયોમાં કોંગ્રેસના ભવિષ્ય અંગે પણ ટિપ્પણી કરવામાં આવી હોવાનું સામે આવ્યું છે, જેમાં કથિત રીતે સી.જે. ચાવડા કહી રહ્યા છે કે ગુજરાતમાં આગામી દસ વર્ષ સુધી કોંગ્રેસનું કોઈ ભવિષ્ય દેખાતું નથી અને પક્ષ ચૂંટણી જીતે તેવી સ્થિતિમાં નથી. આ સાથે ભાજપના કેટલાક કાર્યકરો પક્ષના નામે “ધંધો” કરતા હોવાની ચર્ચા પણ સંભળાય છે, જેમાં ખાણ-ખનિજ, રેતીના ગેરકાયદે ધંધા તેમજ સરકારી કામોમાં કમિશન અને કોન્ટ્રાક્ટ દ્વારા કમાણી થતી હોવાના આક્ષેપો પણ સામેલ છે. વાતચીત દરમિયાન, સી.જે. ચાવડાએ એક ગામની મુલાકાતનો ઉલ્લેખ કરતાં એવું પણ કહ્યું હોવાનું વાયરલ ઓડિયોમાં સાંભળવા મળે છે કે, “૧૦-૧૨ વર્ષનું બાળક પણ કહે છે કે મોટા થઈને કોંગ્રેસમાં ઊભા રહેવાનું અને પછી ફોર્મ પાછું ખેંચી લેવાનું એટલે પૈસા મળે.” આ કથિત વાતચીતમાં તેઓએ બાળકોમાં આવી નકારાત્મક માનસિકતા પ્રવેશી જતી હોવાની ચિંતા પણ વ્યક્ત કરી હોવાનું કહેવાય છે. આ કથિત ઓડિયો અંગે ધારાસભ્ય સી.જે. ચાવડાનો સંપર્ક કરવામાં આવતા, તેમણે જણાવ્યું હતું કે, “મને આ વિશે કંઈ ખબર નથી. હું આ બાબતે કંઈ જાણતો નથી. દિલ્હીથી પરત આવીશ પછી ચર્ચા કરીશ.” મહેસાણા જિલ્લામાં સતત બહાર આવી રહેલી આવી ઓડિયો ક્લિપ્સે રાજકીય માહોલ વધુ ગરમાવ્યો છે.