कोल्हापूरमध्ये ऑलिंपिक वीर खाशाबा जाधव यांचा ७४ वा पदक प्रदान कार्यक्रम आणि विशेष चर्चासत्राचे आयोजन करण्यात आले आहे.

आटपाडीतील जुगाऱ्यांनी आमदार सदाभाऊ खोत यांची गाडी फोडण्याचा इशारा दिला आहे. खोत यांची गाडी फोडणार असल्याचा थेट इशाराच आटपाडी येथील जुगार चालवणाऱ्यांकडून देण्यात आला आहे.

भोर शहरातील महाडनाका परिसरात ठेकेदाराच्या हलगर्जीपणामुळे पाणीपुरवठ्याची मुख्य पाईपलाईन पुन्हा फुटल्याची घटना घडली आहे. या घटनेमुळे हजारो लिटर पाणी वाया गेले असून परिसरातील अनेक नागरिकांच्या घरांमध्ये पाणी शिरले आहे. एकीकडे नागरिकांना पिण्याच्या पाण्यासाठी संघर्ष करावा लागत असताना दुसरीकडे होत असलेल्या पाण्याच्या या नासाडीमुळे नगरपालिका प्रशासनाविरोधात तीव्र संताप व्यक्त केला जात आहे. प्रशासनाने तातडीने दुरुस्तीचे काम हाती घेऊन यावर कायमस्वरूपी उपाययोजना करावी, अशी ठाम मागणी नागरिकांकडून केली जात आहे.

दिवंगत उपमुख्यमंत्री अजितदादा पवार यांच्या जयंतीनिमित्त पवार कुटुंबीयांनी बारामतीतील गोजुबावी येथील अपघातस्थळी जाऊन त्यांना अभिवादन केले. जिथे अजितदादांचा प्रवास अकस्मात थांबला होता, त्याच काळजाला चिरून टाकणाऱ्या ठिकाणी आज त्यांच्या आठवणींचा महापूर उसळला होता. या वेळी उपमुख्यमंत्री सुनेत्रा पवार, खासदार पार्थ पवार, युवा नेते जय पवार आणि अन्य कुटुंबीयांनी दादांच्या स्मृतींना वंदन केले. या प्रसंगी अजितदादांच्या आठवणींनी पवार कुटुंबीयांना भावना अनावर झाल्याचे पाहायला मिळाले.

पुण्यातील लोहगाव चौकातील मुख्य रस्त्यावर ड्रेनेज चेंबरचे झाकण तुटून अनेक दिवसांपासून उघडे पडले आहे. यामुळे त्या ठिकाणी मोठा जीवघेणा खड्डा निर्माण झाला असून दुचाकीस्वार, चारचाकी चालक तसेच पादचाऱ्यांच्या जीविताला गंभीर धोका निर्माण झाला आहे. स्थानिक नागरिकांच्या म्हणण्यानुसार, चेंबरचे तुटलेले झाकण बाजूला पडून असून त्यावर केवळ तात्पुरता पत्रा ठेवण्यात आला आहे. मात्र तो अपुरा ठरत असल्याने कधीही मोठा अपघात होण्याची शक्यता आहे. दररोज या मार्गावरून हजारो वाहनांची वर्दळ असतानाही संबंधित प्रशासनाने अद्याप दुरुस्ती केलेली नाही. नागरिकांनी अनेक वेळा तक्रारी करूनही पुणे महानगरपालिकेच्या नगर रोड क्षेत्रीय कार्यालयाने याकडे दुर्लक्ष केल्याचा आरोप केला आहे. एखादा गंभीर अपघात झाल्यानंतरच प्रशासन जागे होणार का, असा संतप्त सवाल नागरिक उपस्थित करत आहेत. त्यामुळे संबंधित विभागाने तातडीने चेंबरची दुरुस्ती करून हा जीवघेणा खड्डा कायमस्वरूपी बुजवावा, तसेच जबाबदार अधिकाऱ्यांवर कारवाई करावी, अशी मागणी स्थानिक नागरिकांनी केली आहे.

पंढरपूर शहरात करण्यात आलेली सजावट ही वारकऱ्यांसाठी नसून केवळ मुख्यमंत्री आणि पालकमंत्री यांच्यासाठीच करण्यात आल्याचे समोर आले आहे. पंढरपूर सजले असले तरी ते तिथे पोहोचणाऱ्या वारकऱ्यांच्या सोयीसाठी नसून सर्व तयारी आणि सजावट ही पूर्णपणे मुख्यमंत्री व पालकमंत्र्यांसाठीच करण्यात आली आहे.

दिवंगत उपमुख्यमंत्री अजितदादा पवार यांच्या जयंतीनिमित्त संपूर्ण पवार कुटुंबीयांनी बारामती येथील स्मृतीस्थळी जाऊन अजितदादांना अभिवादन केले. या प्रसंगी उपमुख्यमंत्री सुनेत्रा पवार, खासदार पार्थ पवार आणि युवा नेते जय पवार यांच्यासह संपूर्ण पवार कुटुंबीय बारामतीतील स्मृतीस्थळावर उपस्थित होते.

बारामती तालुका पोलिसांनी धडाकेबाज कारवाई करत गावठी पिस्तूल बाळगणाऱ्या एका सराईत आरोपीला अटक केली आहे. बेकायदेशीरपणे गावठी पिस्तूल जवळ बाळगल्याप्रकरणी पोलिसांकडून ही धडक कारवाई करण्यात आली आहे.