पालकमंत्र्यांच्या उपस्थितीमध्ये पाणीटंचाईच्या संदर्भामध्ये आढावा बैठक संपन्न सिंचन प्रकल्पातील अवैध पाणी उपसा रोखण्यासाठी तातडीने आवश्यक उपाययोजना करा - पालकमंत्री शिवेंद्रसिंहराजे भोसले. लातूर (प्रतिनिधी) जिल्ह्यात अपुरा पाऊस आणि संभाव्य पाणी टंचाईच्या पार्श्वभूमीवर सिंचन प्रकल्पातील पाणीसाठा पिण्यासाठी आरक्षित करण्यात आला आहे. या पाण्याचा अवैध उपसा रोखण्यासाठी कठोर पावले उचलून तातडीने आवश्यक कार्यवाही करावी, अशा सूचना पालकमंत्री शिवेंद्रसिंहराजे भोसले यांनी दिल्या. तसेच जिल्ह्यातील पशुधनाला पुरेसा चारा उपलब्ध होण्यासाठी पशुसंवर्धन आणि कृषी विभागाने सूक्ष्म नियोजन करावे, असे सहकार मंत्री बाबासाहेब पाटील यांनी सांगितले. लातूर जिल्ह्यातील पाणी टंचाई आणि पीक परिस्थितीचा आढावा घेण्यासाठी जिल्हाधिकारी कार्यालयात झालेल्या बैठकीत ते बोलत होते. यावेळी जिल्हा परिषदेच्या अध्यक्ष उषाताई पाटील, आमदार विक्रम काळे, आमदार अभिमन्यू पवार, महापौर जयश्री सोनकांबळे, जिल्हाधिकारी डॉ. भारत बास्टेवाड, पोलीस अधीक्षक अमोल तांबे, जिल्हा परिषदेचे मुख्य कार्यकारी अधिकारी राहूल कुमार मीना, लातूर शहर महानगरपालिका आयुक्त राहूल कुलकर्णी, निवासी उपजिल्हाधिकारी केशव नेटके यांच्यासह संबंधित विभागांचे अधिकारी व पदाधिकारी उपस्थित होते. तसेच आमदार संजय बनसोडे दूरदृश्य प्रणालीद्वारे बैठकीत सहभागी झाले होते. पिण्याच्या पाण्याला सर्वोच्च प्राधान्य देवून जिल्ह्यातील सिंचन प्रकल्पातील पाणीसाठा पिण्यासाठी आरक्षित करण्यात आला आहे. त्यामुळे या प्रकल्पांतील पाण्याचा अवैध उपसा रोखण्यासाठी विशेष पथके गठीत करावीत आणि सातत्यपूर्ण कार्यवाही करावी. महानगरपालिका, महावितरण, पोलीस आणि महसूलसह सर्व संबंधित विभागांनी संयुक्त मोहीम हाती घेवून मांजरा धरणातून होणारा अवैध पाणी उपसा आणि लातूर शहराला पाणीपुरवठा करणाऱ्या पाईपलाईनमधून होणारी पाणी चोरी रोखण्यासाठी प्रभावी कार्यवाही करावी, असे निर्देश पालकमंत्री श्री. भोसले यांनी दिल्या. एखाद्या गावात पाणी टंचाईची स्थिती निर्माण झाल्यास तिथे त्वरित उपाययोजना हाती घेवून पाणीपुरवठा सुरू करावा, असे पालकमंत्री श्री. भोसले म्हणाले. आगामी काळात सिंचन प्रकल्पातील मृत जलसाठा पिण्यासाठी वापरावा लागणार आहे. त्यासाठी आवश्यक कार्यवाही तातडीने सुरू करून ऐनवेळी गैरसोय होऊ नये यासाठी प्रशासनाने पूर्ण सज्जता ठेवावी, असे त्यांनी सांगितले. पावसाच्या अत्यल्प प्रमाणामुळे खरीप पिकांचे मोठे नुकसान झाले असून या संकट काळात बळीराजाच्या पाठीशी खंबीरपणे उभे राहण्याची शासनाची भूमिका आहे. त्यामुळे पीक कापणी प्रयोगात नुकसानाची काळजीपूर्वक नोंद करावी आणि नुकसानाची वस्तुस्थिती अचूक अहवालातून मांडली जाईल याची पूर्ण काळजी घ्यावी, असे पालकमंत्री म्हणाले. शेतकऱ्यांसाठी पशुधन अत्यंत महत्त्वाचे असल्याने पाणी टंचाईच्या काळात जनावरांच्या चाऱ्याचे योग्य नियोजन करून चारा टंचाईची स्थिती निर्माण होणार नाही याची दक्षता घेण्याच्या सूचना सहकार मंत्री बाबासाहेब पाटील यांनी दिल्या. तसेच चारा उपलब्धतेसाठी पशुसंवर्धन विभागाने आतापासूनच पशुपालकांना आवश्यक मार्गदर्शन करावे, असे त्यांनी सांगितले. लातूर महापालिकेने जलवाहिनीतून होणारी पाणी चोरी रोखण्यासाठी तातडीने कार्यवाही सुरू करावी. पशुसंवर्धन विभागाने जनावरांसाठी पुरेसा चारा उपलब्ध करून देण्यासाठी योग्य नियोजन करावे, असे आमदार विक्रम काळे म्हणाले. उदगीर, जळकोट तालुक्यात पिण्यासाठी डिसेंबरपर्यंत पुरेल इतका जलसाठा आहे. त्यानंतर पाणी टंचाई उपाययोजना हाती घ्याव्या लागणार आहेत. जनावरांच्या चाऱ्याचे नियोजन करावे लागणार असल्याचे आमदार संजय बनसोडे म्हणाले. पाण्याचा अपव्यय टाळण्यासाठी आवश्यक उपाययोजना करण्यात याव्यात. जलवाहिन्यांची दुरुस्ती, अनावश्यक पाणी वापर याबाबत तातडीने कार्यवाही करावी. तसेच पाण्याचा काटकसरीने वापर करण्याबाबत जनजगृती करावी, असे आमदार अभिमन्यू पवार यांनी सांगितले. बैठकीच्या सुरुवातीला जिल्हाधिकारी डॉ. भारत बास्टेवाड यांनी जिल्ह्यातील पर्जन्यमान, सिंचन प्रकल्पातील पाणीसाठा आणि खरीप पिकांची सद्यस्थिती याबाबत सविस्तर माहिती सादर केली. तसेच महसूल उपविभागीय अधिकाऱ्यांनी आपल्या उपविभागातील संभाव्य पाणी टंचाई आणि उपाययोजना, पीक परिस्थितीची माहिती दिली.

Laxman Ugile

उदगीर, लातूर, महाराष्ट्र•

1 hr ago

पालकमंत्र्यांच्या उपस्थितीमध्ये पाणीटंचाईच्या संदर्भामध्ये आढावा बैठक संपन्न सिंचन प्रकल्पातील अवैध पाणी उपसा रोखण्यासाठी तातडीने आवश्यक उपाययोजना करा - पालकमंत्री शिवेंद्रसिंहराजे भोसले. लातूर (प्रतिनिधी) जिल्ह्यात अपुरा पाऊस आणि संभाव्य पाणी टंचाईच्या पार्श्वभूमीवर सिंचन प्रकल्पातील पाणीसाठा पिण्यासाठी आरक्षित करण्यात आला आहे. या पाण्याचा अवैध उपसा रोखण्यासाठी कठोर पावले उचलून तातडीने आवश्यक कार्यवाही करावी, अशा सूचना पालकमंत्री शिवेंद्रसिंहराजे भोसले यांनी दिल्या. तसेच जिल्ह्यातील पशुधनाला पुरेसा चारा उपलब्ध होण्यासाठी पशुसंवर्धन आणि कृषी विभागाने सूक्ष्म नियोजन करावे, असे सहकार मंत्री बाबासाहेब पाटील यांनी सांगितले. लातूर जिल्ह्यातील पाणी टंचाई आणि पीक परिस्थितीचा आढावा घेण्यासाठी जिल्हाधिकारी कार्यालयात झालेल्या बैठकीत ते बोलत होते. यावेळी जिल्हा परिषदेच्या अध्यक्ष उषाताई पाटील, आमदार विक्रम काळे, आमदार अभिमन्यू पवार, महापौर जयश्री सोनकांबळे, जिल्हाधिकारी डॉ. भारत बास्टेवाड, पोलीस अधीक्षक अमोल तांबे, जिल्हा परिषदेचे मुख्य कार्यकारी अधिकारी राहूल कुमार मीना, लातूर शहर महानगरपालिका आयुक्त राहूल कुलकर्णी, निवासी उपजिल्हाधिकारी केशव नेटके यांच्यासह संबंधित विभागांचे अधिकारी व पदाधिकारी उपस्थित होते. तसेच आमदार संजय बनसोडे दूरदृश्य प्रणालीद्वारे बैठकीत सहभागी झाले होते. पिण्याच्या पाण्याला सर्वोच्च प्राधान्य देवून जिल्ह्यातील सिंचन प्रकल्पातील पाणीसाठा पिण्यासाठी आरक्षित करण्यात आला आहे. त्यामुळे या प्रकल्पांतील पाण्याचा अवैध उपसा रोखण्यासाठी विशेष पथके गठीत करावीत आणि सातत्यपूर्ण कार्यवाही करावी. महानगरपालिका, महावितरण, पोलीस आणि महसूलसह सर्व संबंधित विभागांनी संयुक्त मोहीम हाती घेवून मांजरा धरणातून होणारा अवैध पाणी उपसा आणि लातूर शहराला पाणीपुरवठा करणाऱ्या पाईपलाईनमधून होणारी पाणी चोरी रोखण्यासाठी प्रभावी कार्यवाही करावी, असे निर्देश पालकमंत्री श्री. भोसले यांनी दिल्या. एखाद्या गावात पाणी टंचाईची स्थिती निर्माण झाल्यास तिथे त्वरित उपाययोजना हाती घेवून पाणीपुरवठा सुरू करावा, असे पालकमंत्री श्री. भोसले म्हणाले. आगामी काळात सिंचन प्रकल्पातील मृत जलसाठा पिण्यासाठी वापरावा लागणार आहे. त्यासाठी आवश्यक कार्यवाही तातडीने सुरू करून ऐनवेळी गैरसोय होऊ नये यासाठी प्रशासनाने पूर्ण सज्जता ठेवावी, असे त्यांनी सांगितले. पावसाच्या अत्यल्प प्रमाणामुळे खरीप पिकांचे मोठे नुकसान झाले असून या संकट काळात बळीराजाच्या पाठीशी खंबीरपणे उभे राहण्याची शासनाची भूमिका आहे. त्यामुळे पीक कापणी प्रयोगात नुकसानाची काळजीपूर्वक नोंद करावी आणि नुकसानाची वस्तुस्थिती अचूक अहवालातून मांडली जाईल याची पूर्ण काळजी घ्यावी, असे पालकमंत्री म्हणाले. शेतकऱ्यांसाठी पशुधन अत्यंत महत्त्वाचे असल्याने पाणी टंचाईच्या काळात जनावरांच्या चाऱ्याचे योग्य नियोजन करून चारा टंचाईची स्थिती निर्माण होणार नाही याची दक्षता घेण्याच्या सूचना सहकार मंत्री बाबासाहेब पाटील यांनी दिल्या. तसेच चारा उपलब्धतेसाठी पशुसंवर्धन विभागाने आतापासूनच पशुपालकांना आवश्यक मार्गदर्शन करावे, असे त्यांनी सांगितले. लातूर महापालिकेने जलवाहिनीतून होणारी पाणी चोरी रोखण्यासाठी तातडीने कार्यवाही सुरू करावी. पशुसंवर्धन विभागाने जनावरांसाठी पुरेसा चारा उपलब्ध करून देण्यासाठी योग्य नियोजन करावे, असे आमदार विक्रम काळे म्हणाले. उदगीर, जळकोट तालुक्यात पिण्यासाठी डिसेंबरपर्यंत पुरेल इतका जलसाठा आहे. त्यानंतर पाणी टंचाई उपाययोजना हाती घ्याव्या लागणार आहेत. जनावरांच्या चाऱ्याचे नियोजन करावे लागणार असल्याचे आमदार संजय बनसोडे म्हणाले. पाण्याचा अपव्यय टाळण्यासाठी आवश्यक उपाययोजना करण्यात याव्यात. जलवाहिन्यांची दुरुस्ती, अनावश्यक पाणी वापर याबाबत तातडीने कार्यवाही करावी. तसेच पाण्याचा काटकसरीने वापर करण्याबाबत जनजगृती करावी, असे आमदार अभिमन्यू पवार यांनी सांगितले. बैठकीच्या सुरुवातीला जिल्हाधिकारी डॉ. भारत बास्टेवाड यांनी जिल्ह्यातील पर्जन्यमान, सिंचन प्रकल्पातील पाणीसाठा आणि खरीप पिकांची सद्यस्थिती याबाबत सविस्तर माहिती सादर केली. तसेच महसूल उपविभागीय अधिकाऱ्यांनी आपल्या उपविभागातील संभाव्य पाणी टंचाई आणि उपाययोजना, पीक परिस्थितीची माहिती दिली.