ଡାବୁଗାଁ ବନ ବିଭାଗ ଏକ ବଡ଼ ସଫଳତା ହାସଲ କରିଛି, ଯେଉଁଥିରେ ବାଘ ଛାଲ ଚୋରାଚାଲାଣ ବେଳେ ଜଣେ ପାଷ୍ଟରଙ୍କୁ ଗିରଫ କରାଯାଇଛି। ପାତ୍ରୀ ଜଙ୍ଗଲରୁ ଏହି ବାଘ ଛାଲ ଜବତ କରାଯାଇଛି।

ଡାବୁଗାଁ ବନ ବିଭାଗ ଏକ ବଡ଼ ସଫଳତା ହାସଲ କରିଛି, ଯେଉଁଥିରେ ବାଘ ଛାଲ ଚୋରାଚାଲାଣ ବେଳେ ଜଣେ ପାଷ୍ଟରଙ୍କୁ ଗିରଫ କରାଯାଇଛି। ପାତ୍ରୀ ଜଙ୍ଗଲରୁ ଏହି ବାଘ ଛାଲ ଜବତ କରାଯାଇଛି।

କୋଟପାଡ଼ ନିର୍ବାଚନ ମଣ୍ଡଳୀ ଅନ୍ତର୍ଗତ କୁନ୍ଦୁରା ବ୍ଳକରେ ଆୟୋଜିତ ଏକ କ୍ରିକେଟ ଟୁର୍ନାମେଣ୍ଟରେ କୋଟପାଡ଼ ବିଧାୟକ ଢେମ୍ସା ନୃତ୍ୟ କରିଥିବା ଦେଖିବାକୁ ମିଳିଛି।

ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକସ୍ଥିତ ରାଜ ଚାଉଁରିଆ ଉଚ୍ଚ ମାଧ୍ୟମିକ ବିଦ୍ୟାଳୟରେ ଅନୁଷ୍ଠାନର ଅଧ୍ୟକ୍ଷା ଶ୍ରୀମତୀ ଅମିତା ରାୟଙ୍କୁ ଏକ ମହାସମାରୋହରେ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଛି। ବିଦ୍ୟାଳୟର ସମ୍ମିଳନୀ କକ୍ଷରେ ଆୟୋଜିତ ଏହି କାର୍ଯ୍ୟକ୍ରମରେ ଅନୁଷ୍ଠାନର ପ୍ରତିଷ୍ଠାତା ତଥା ପୂର୍ବତନ ବିଧାୟକ ଶ୍ରୀ ସଦନ ନାୟକ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ନୂତନ ଭାବେ ଦାୟିତ୍ୱ ଗ୍ରହଣ କରିଥିବା ଅଧ୍ୟକ୍ଷ ଶ୍ରୀ ବିବେକ କୁମାର ମହାଳିକ ଏହି କାର୍ଯ୍ୟକ୍ରମରେ ସଭାପତିତ୍ୱ କରିଥିବା ବେଳେ ଅଧ୍ୟାପକ ଅଖିଳ କୁମାର ଭଟ୍ଟ ମଞ୍ଚ ସଂଯୋଜନା କରିବା ସହ ଅତିଥିମାନଙ୍କୁ ସ୍ୱାଗତ କରିଥିଲେ। ଏହି ଅବସରରେ ବରିଷ୍ଠ ସମାଜସେବୀ ଶ୍ରୀ ଧରମ ସିଂହ, ବଶିଷ୍ଠ ଅଧିବକ୍ତା ଶ୍ରୀ ଦିଲ୍ଲୀପ କୁମାର ବେହେରା, ସମାଜସେବୀ ଶ୍ରୀ ବଦ୍ରି ନାରାୟଣ ସିଂହ, ପରମାନନ୍ଦ ଖୋସଲା, ବିଦାୟୀ ଅଧ୍ୟକ୍ଷା ଶ୍ରୀମତୀ ଅମିତା ରାୟ ଏବଂ ଶ୍ରୀମତୀ ପ୍ରଭାତ ନଳିନୀ ନାୟକ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ଅଧ୍ୟକ୍ଷା ଶ୍ରୀମତୀ ଅମିତା ରାୟ ଦୀର୍ଘ ତିରିଶି ବର୍ଷର ଅଧ୍ୟାପନା କାର୍ଯ୍ୟ ସମାପ୍ତ କରି ଅବସର ଗ୍ରହଣ କରିଥିବାରୁ, ସମସ୍ତ ନିମନ୍ତ୍ରିତ ଅତିଥି ଓ କର୍ମଚାରୀ ତାଙ୍କର ବହୁମୁଖୀ ଗୁଣାବଳୀକୁ ଭାବପ୍ରବଣତାର ସହିତ ସ୍ମରଣ କରିଥିଲେ। ଆଦିବାସୀ ଅଧ୍ୟୁଷିତ ପଛୁଆ ଅଞ୍ଚଳରେ ଉଚ୍ଚ ଶିକ୍ଷାର ବିକାଶ ପାଇଁ ପ୍ରତିଷ୍ଠା ହୋଇଥିବା ଏହି ଅନୁଷ୍ଠାନରେ ନିଜର ଦୀର୍ଘ ଚାକିରୀ କାଳ ମଧ୍ୟରେ ଛାତ୍ରଛାତ୍ରୀମାନଙ୍କର ସର୍ବାଙ୍ଗୀନ ଉନ୍ନତି, ଗୁଣାତ୍ମକ ଶିକ୍ଷା, ଚରିତ୍ର ଗଠନ ଏବଂ କର୍ମଚାରୀମାନଙ୍କ ସହ ଉତ୍ତମ ସମନ୍ୱୟ ରକ୍ଷା କରି ଅନୁଷ୍ଠାନର ଗୌରବ ବୃଦ୍ଧି କରିବାରେ ସେ ଜଣେ ସଫଳ ଅଧ୍ୟକ୍ଷା ଭାବେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି ବୋଲି ଅତିଥିମାନେ ପ୍ରଶଂସା କରିଥିଲେ। ଅଧିବକ୍ତା ଶ୍ରୀ ଅରୁଣ ପ୍ରସନ୍ନ ନାୟକ, ବରିଷ୍ଠ ସାମ୍ବାଦିକ ସମରେନ୍ଦ୍ର ପଟ୍ଟନାୟକ, ଯୁବ ସମାଜସେବୀ ଶ୍ରୀ ତ୍ରିଲୋଚନ ସିଂହ, ବାବୁଲି ବାଘଙ୍କ ସହ ଅନୁଷ୍ଠାନର କର୍ମଚାରୀମାନେ ମଧ୍ୟ ବିଦାୟୀ ଅଧ୍ୟକ୍ଷାଙ୍କ କାର୍ଯ୍ୟକୁ ଉଚ୍ଚ ପ୍ରଶଂସା କରିଥିଲେ। ଶେଷରେ ମୁଖ୍ୟ ଅତିଥି ଶ୍ରୀ ସଦନ ନାୟକ ବିଦାୟୀ ଅଧ୍ୟକ୍ଷା ଶ୍ରୀମତୀ ଅମିତା ରାୟଙ୍କୁ ମାନପତ୍ର ଓ ଉପଢୌକନ ପ୍ରଦାନ କରି ସମ୍ବର୍ଦ୍ଧିତ କରିଥିଲେ। ଅନୁଷ୍ଠାନର କର୍ମଚାରୀ ଏବଂ ଛାତ୍ରଛାତ୍ରୀମାନେ ଭାବବିହ୍ୱଳ ହୋଇ ତାଙ୍କୁ ସ୍ମୃତିଚିହ୍ନ ଭେଟି ଦେଇଥିଲେ। ଅଧ୍ୟାପକ ଶ୍ରୀ ରବି ନାରାୟଣ ପାଣିଗ୍ରାହୀ ମାନପତ୍ର ପାଠ କରିଥିବା ବେଳେ ଶିକ୍ଷା ବିଭାଗର ଅଧ୍ୟାପକ ଦାମୋଦର ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ଅନୁଷ୍ଠାନର ସମସ୍ତ କର୍ମଚାରୀ ଓ ଛାତ୍ରଛାତ୍ରୀ ଉପସ୍ଥିତ ରହି ବିଦାୟୀ ଅଧ୍ୟକ୍ଷାଙ୍କ ପ୍ରତି ଶୁଭକାମନା ଜଣାଇବା ସହ ତାଙ୍କର ଅବସର ପରବର୍ତ୍ତୀ ଜୀବନ ସୁଖମୟ ହେଉ ବୋଲି ଭଗବାନଙ୍କ ନିକଟରେ ପ୍ରାର୍ଥନା କରିଥିଲେ।

କଳାହାଣ୍ଡି ଜିଲ୍ଲା ମୋଟେର ଠାରେ ଘଟିଥିବା ଏକ ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଛି। ଏହି ଦୁର୍ଘଟଣାର ଏକ ଛାତି ଥରା ସିସିଟିଭି ଫୁଟେଜ ସାମ୍ନାକୁ ଆସିଛି।

ଜଣେ ମହିଳାଙ୍କ ପ୍ରତି ହୋଇଥିବା ଦୁଷ୍କର୍ମ ଉଦ୍ୟମ ବିଫଳ ହେବା ପରେ ତାଙ୍କୁ ଆକ୍ରମଣ କରାଯାଇଛି। ଏହି ଘଟଣାକୁ ନେଇ ଅଭିଯୁକ୍ତ ବିରୋଧରେ ଏକ ମାମଲା ରୁଜୁ କରାଯାଇଛି।

ଜଡାମୁଣ୍ଡା ଗ୍ରାମରେ ଧାନ ବିକ୍ରି କରି ନପାରି ଜଣେ ଚାଷୀ ଆତ୍ମହତ୍ୟା କରିଥିବା ସୂଚନା ମିଳିଛି। ଏହି ଘଟଣା ପରେ ଶତାଧିକ ଚାଷୀ ଜାତୀୟ ରାଜପଥ ଅବରୋଧ କରିଥିଲେ। ସେମାନେ ଆତ୍ମହତ୍ୟା କରିଥିବା ଚାଷୀଙ୍କ ପରିବାର ପାଇଁ କ୍ଷତିପୂରଣ ପ୍ରଦାନ ଦାବି କରିଛନ୍ତି।

ଜୟପୁର ଉପଜିଲ୍ଲାପାଳ SIR କାର୍ଯ୍ୟକ୍ରମକୁ ନେଇ ସୂଚନା ପ୍ରଦାନ କରିଛନ୍ତି।

ପୋଲିସ ନେତାଜୀ ଷ୍ଟାଡିୟମ ଭିତରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର କରିଛି। ମୃତକଙ୍କୁ ନାଲକୋର ଅବସରପ୍ରାପ୍ତ କର୍ମଚାରୀ ବାଳକୃଷ୍ଣ ମହାରଣା ବୋଲି ଚିହ୍ନଟ କରାଯାଇଛି। ମୃତଦେହର ଡାହାଣ ହାତ ପେଟ ଉପରେ ଥିବା ବେଳେ ବାମ ହାତ ପିନ୍ଧିଥିବା ସାର୍ଟ ସହ ଛାତି ଉପରେ ରହିଥିଲା। ଅଣ୍ଟା ଠାରୁ ଛାତି ପର୍ଯ୍ୟନ୍ତ ଶରୀର ମୁକୁଳା ଥିଲା। ଘଟଣାସ୍ଥଳରୁ ଏକ ମୋବାଇଲ ଫୋନ ମିଳିଥିବା ବେଳେ ତାଙ୍କ ସ୍କୁଟି ନାଲକୋ ଟାଉନସିପ୍ ସ୍ଥିତ ସେକ୍ଟର ୩ ମାର୍କେଟ ପାଖରେ ମିଳିଥିଲା। ସୋମବାର ବିଳମ୍ବିତ ରାତିରେ ତାଙ୍କର ମୃତ୍ୟୁ ଘଟିଥିବା ଅନୁମାନ କରାଯାଉଛି। ବାଳକୃଷ୍ଣ ମହାରଣା ମୂଳତଃ କୁମୁଲି ଅଞ୍ଚଳରୁ ଆସିଥିବା ବେଳେ, ସେ ତିନି ବର୍ଷ ତଳେ ନାଲକୋରୁ ଅବସର ଗ୍ରହଣ କରି ସ୍ଥାନୀୟ ସେମିଳିଗୁଡାରେ ନିଜ ପତ୍ନୀଙ୍କ ସହ ଘର କରି ରହୁଥିଲେ। ତାଙ୍କର ଏକମାତ୍ର ପୁଅ ଭୁବନେଶ୍ୱରରେ ଏକ କମ୍ପାନୀରେ କାର୍ଯ୍ୟ କରୁଛନ୍ତି ଏବଂ ତାଙ୍କ ଝିଅର ବାହାଘର ଗତ ବର୍ଷ ହୋଇସାରିଛି। ବାଳକୃଷ୍ଣ ଜଣେ ମିଷ୍ଟଭାଷୀ, ପରୋପକାରୀ ତଥା ଭଲ ସ୍ୱଭାବର ବ୍ୟକ୍ତି ଭାବେ ଜଣାଶୁଣା ଥିଲେ, କିନ୍ତୁ ଗତ କିଛି ବର୍ଷ ଧରି ସେ ମଦ୍ୟପାନ କରୁଥିଲେ। ଦାମନଯୋଡି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି, ତେବେ ତାଙ୍କ ମୃତ୍ୟୁର କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି।