પલસાણા પોલીસે વાહનચોરીના બે ગુનાનો ભેદ ઉકેલ્યો, ત્રણ આરોપી ઝડપાયા સુરત જિલ્લાના પલસાણા પોલીસ સ્ટેશનમાં નોંધાયેલા વાહનચોરીના બે ગુનાઓનો ભેદ ઉકેલવામાં પલસાણા પોલીસને સફળતા મળી છે. પોલીસે ત્રણ આરોપીઓને ઝડપી પાડી તેમની પાસેથી બે ચોરીની મોટરસાઇકલ/મોપેડ સહિત કુલ રૂ.૮૨ હજારનો મુદ્દામાલ કબજે કર્યો છે. આ ગુનામાં એક આરોપીને વોન્ટેડ જાહેર કરી તેની શોધખોળ હાથ ધરવામાં આવી છે. મળતી માહિતી મુજબ, વાહનચોરીના ગુનાઓની ગંભીરતાને ધ્યાનમાં લઈને સુરત વિભાગના પોલીસ મહાનિરીક્ષક પ્રેમ વીર સિંહ તથા સુરત ગ્રામ્ય પોલીસ અધિક્ષક રાજેશ ગઢીયા દ્વારા પલસાણા પોલીસને ગુનાઓનો ભેદ ઉકેલી આરોપીઓને ઝડપી પાડવા જરૂરી માર્ગદર્શન આપવામાં આવ્યું હતું. બારડોલી વિભાગના ડીવાયએસપી એચ.એલ. રાઠોડના માર્ગદર્શન હેઠળ પલસાણા પોલીસ ઈન્સ્પેક્ટર બી.ડી. ઝીલરીયા તથા પોલીસ સ્ટાફે વિસ્તારમાં સઘન ચેકિંગ અને બાતમીદારોને સક્રિય કરી તપાસ હાથ ધરી હતી. દરમિયાન તા.૧૯ સપ્ટેમ્બર, ૨૦૨૬ના રોજ પલસાણા પોલીસ સ્ટેશન વિસ્તારમાં પોલીસ પેટ્રોલિંગમાં હતી. તે સમયે એ.એસ.આઈ. મુકેશભાઈ વેલજીભાઈ તથા પોલીસ કોન્સ્ટેબલ નિલેશભાઈ જગદિશભાઈને ખાનગી બાતમી મળી હતી કે, પલસાણાથી બારડોલી તરફ જતા નેશનલ હાઈવે નં.૫૩ પર વણેસા ઓવરબ્રિજ નીચે ચોરીની મોટરસાઇકલ વેચાણ માટે કેટલાક લોકો ભેગા થયા છે. ચોક્કસ બાતમીના આધારે પોલીસે સ્થળ પર કાર્યવાહી કરી સમીર મોહરમઅલીખાન પઠાણ, અમીનુલ અબુહનીફ શેખ અને તૌફીક યાકુબ શેખને ઝડપી પાડ્યા હતા. પોલીસે તેમની પાસેથી ચોરીના બે વાહનો તથા ચાર મોબાઇલ ફોન સહિત કુલ રૂ.૮૨,૦૦૦નો મુદ્દામાલ કબજે કર્યો હતો. પકડાયેલા આરોપીઓમાં સમીર મોહરમઅલીખાન પઠાણ (ઉં.વ.૨૪), અમીનુલ અબુહનીફ શેખ (ઉં.વ.૨૪) અને તૌફીક યાકુબ શેખ (ઉં.વ.૩૮)નો સમાવેશ થાય છે. જ્યારે આ ગુનામાં સંડોવાયેલા અહેમદ ઉર્ફે મુલ્લા કાલેખાન, રહે. ઇટાળવા, તા.પલસાણા તથા આશિયાનાનગર, ઉન પાટિયા, સુરત શહેરને વોન્ટેડ જાહેર કરવામાં આવ્યો છે. પોલીસ તપાસમાં પલસાણા પોલીસ સ્ટેશનમાં નોંધાયેલા BNS કલમ ૩૦૩(૨) હેઠળના બે વાહનચોરીના ગુનાઓનો ભેદ ઉકેલાયો હોવાનું સામે આવ્યું છે. કબજે કરાયેલ મુદ્દામાલમાં હીરો હોન્ડા કંપનીની મેસ્ટ્રો મોપેડ નં. GJ-21-A-75617, કિંમત રૂ.૨૫,૦૦૦, કાળા રંગની હીરો સ્પ્લેન્ડર પ્રો મોટરસાઇકલ નં. GJ-19-AE-7977, કિંમત રૂ.૩૦,૦૦૦, ચાર મોબાઇલ ફોન કિંમત રૂ.૨૭,૦૦૦ તથા મેસ્ટ્રો મોપેડની એક વધારાની નંબર પ્લેટનો સમાવેશ થાય છે. આમ, પોલીસે કુલ રૂ.૮૨,૦૦૦નો મુદ્દામાલ કબજે કરી આગળની કાયદેસરની કાર્યવાહી હાથ ધરી છે.

રમેશ ખંભાતી

Photographer બારડોલી, સુરત, ગુજરાત•

19 hrs ago

પલસાણા પોલીસે વાહનચોરીના બે ગુનાનો ભેદ ઉકેલ્યો, ત્રણ આરોપી ઝડપાયા સુરત જિલ્લાના પલસાણા પોલીસ સ્ટેશનમાં નોંધાયેલા વાહનચોરીના બે ગુનાઓનો ભેદ ઉકેલવામાં પલસાણા પોલીસને સફળતા મળી છે. પોલીસે ત્રણ આરોપીઓને ઝડપી પાડી તેમની પાસેથી બે ચોરીની મોટરસાઇકલ/મોપેડ સહિત કુલ રૂ.૮૨ હજારનો મુદ્દામાલ કબજે કર્યો છે. આ ગુનામાં એક આરોપીને વોન્ટેડ જાહેર કરી તેની શોધખોળ હાથ ધરવામાં આવી છે. મળતી માહિતી મુજબ, વાહનચોરીના ગુનાઓની ગંભીરતાને ધ્યાનમાં લઈને સુરત વિભાગના પોલીસ મહાનિરીક્ષક પ્રેમ વીર સિંહ તથા સુરત ગ્રામ્ય પોલીસ અધિક્ષક રાજેશ ગઢીયા દ્વારા પલસાણા પોલીસને ગુનાઓનો ભેદ ઉકેલી આરોપીઓને ઝડપી પાડવા જરૂરી માર્ગદર્શન આપવામાં આવ્યું હતું. બારડોલી વિભાગના ડીવાયએસપી એચ.એલ. રાઠોડના માર્ગદર્શન હેઠળ પલસાણા પોલીસ ઈન્સ્પેક્ટર બી.ડી. ઝીલરીયા તથા પોલીસ સ્ટાફે વિસ્તારમાં સઘન ચેકિંગ અને બાતમીદારોને સક્રિય કરી તપાસ હાથ ધરી હતી. દરમિયાન તા.૧૯ સપ્ટેમ્બર, ૨૦૨૬ના રોજ પલસાણા પોલીસ સ્ટેશન વિસ્તારમાં પોલીસ પેટ્રોલિંગમાં હતી. તે સમયે એ.એસ.આઈ. મુકેશભાઈ વેલજીભાઈ તથા પોલીસ કોન્સ્ટેબલ નિલેશભાઈ જગદિશભાઈને ખાનગી બાતમી મળી હતી કે, પલસાણાથી બારડોલી તરફ જતા નેશનલ હાઈવે નં.૫૩ પર વણેસા ઓવરબ્રિજ નીચે ચોરીની મોટરસાઇકલ વેચાણ માટે કેટલાક લોકો ભેગા થયા છે. ચોક્કસ બાતમીના આધારે પોલીસે સ્થળ પર કાર્યવાહી કરી સમીર મોહરમઅલીખાન પઠાણ, અમીનુલ અબુહનીફ શેખ અને તૌફીક યાકુબ શેખને ઝડપી પાડ્યા હતા. પોલીસે તેમની પાસેથી ચોરીના બે વાહનો તથા ચાર મોબાઇલ ફોન સહિત કુલ રૂ.૮૨,૦૦૦નો મુદ્દામાલ કબજે કર્યો હતો. પકડાયેલા આરોપીઓમાં સમીર મોહરમઅલીખાન પઠાણ (ઉં.વ.૨૪), અમીનુલ અબુહનીફ શેખ (ઉં.વ.૨૪) અને તૌફીક યાકુબ શેખ (ઉં.વ.૩૮)નો સમાવેશ થાય છે. જ્યારે આ ગુનામાં સંડોવાયેલા અહેમદ ઉર્ફે મુલ્લા કાલેખાન, રહે. ઇટાળવા, તા.પલસાણા તથા આશિયાનાનગર, ઉન પાટિયા, સુરત શહેરને વોન્ટેડ જાહેર કરવામાં આવ્યો છે. પોલીસ તપાસમાં પલસાણા પોલીસ સ્ટેશનમાં નોંધાયેલા BNS કલમ ૩૦૩(૨) હેઠળના બે વાહનચોરીના ગુનાઓનો ભેદ ઉકેલાયો હોવાનું સામે આવ્યું છે. કબજે કરાયેલ મુદ્દામાલમાં હીરો હોન્ડા કંપનીની મેસ્ટ્રો મોપેડ નં. GJ-21-A-75617, કિંમત રૂ.૨૫,૦૦૦, કાળા રંગની હીરો સ્પ્લેન્ડર પ્રો મોટરસાઇકલ નં. GJ-19-AE-7977, કિંમત રૂ.૩૦,૦૦૦, ચાર મોબાઇલ ફોન કિંમત રૂ.૨૭,૦૦૦ તથા મેસ્ટ્રો મોપેડની એક વધારાની નંબર પ્લેટનો સમાવેશ થાય છે. આમ, પોલીસે કુલ રૂ.૮૨,૦૦૦નો મુદ્દામાલ કબજે કરી આગળની કાયદેસરની કાર્યવાહી હાથ ધરી છે.