ഗുരുവായൂർ ക്ഷേത്രത്തിൽ പ്രസാദ ഊട്ടിനെ ചൊല്ലിയുള്ള തർക്കത്തെ തുടർന്ന് സുരക്ഷാ ജീവനക്കാരന് കുത്തേറ്റു. സംഭവത്തിൽ പാലക്കാട് സ്വദേശിയായ പ്രതിയെ പോലീസ് കസ്റ്റഡിയിലെടുത്തു. ഗുരുവായൂർ ക്ഷേത്ര പരിസരത്ത് സെക്യൂരിറ്റി ജീവനക്കാരന് കുത്തേറ്റു. പൈങ്കുളം സ്വദേശി ഉദയകുമാറിനാണ് പരിക്കേറ്റത്. സംഭവവുമായി ബന്ധപ്പെട്ട് പാലക്കാട് അകത്തേത്തറ സ്വദേശി വിശ്വനാഥനെ ടെമ്പിൾ പോലീസ് കസ്റ്റഡിയിലെടുത്തു. തിങ്കളാഴ്ച ക്ഷേത്രത്തിന്റെ പടിഞ്ഞാറേ നടയിലായിരുന്നു ആക്രമണം ഉണ്ടായത്. പ്രസാദ ഊട്ടിലേക്ക് ഭക്തരെ പ്രവേശിപ്പിക്കുന്നതുമായി ബന്ധപ്പെട്ട് ഇരുവരും തമ്മിൽ ഉണ്ടായ വാക്കുതർക്കമാണ് കയ്യാങ്കളിയിലും തുടർന്ന് കത്തിക്കുത്തിലും കലാശിച്ചത്. ഡ്യൂട്ടിയിലുണ്ടായിരുന്ന ഉദയകുമാറിനെ വിശ്വനാഥൻ കൈവശമുണ്ടായിരുന്ന നെയിൽ കട്ടറിലെ ചെറിയ കത്തി ഉപയോഗിച്ച് കുത്തുകയായിരുന്നു. പരിക്കേറ്റ ഉദയകുമാറിന്റെ നില ഗുരുതരമല്ല. ഇദ്ദേഹത്തെ ദേവസ്വം ആശുപത്രിയിൽ പ്രവേശിപ്പിച്ചു. കസ്റ്റഡിയിലുള്ള പ്രതിയെ പോലീസ് വിശദമായി ചോദ്യം ചെയ്തുവരികയാണ്

Wadakkanchery news

Content Creator (YouTuber) തലപ്പിള്ളി, തൃശ്ശൂർ, കേരളം•

1 day ago

ഗുരുവായൂർ ക്ഷേത്രത്തിൽ പ്രസാദ ഊട്ടിനെ ചൊല്ലിയുള്ള തർക്കത്തെ തുടർന്ന് സുരക്ഷാ ജീവനക്കാരന് കുത്തേറ്റു. സംഭവത്തിൽ പാലക്കാട് സ്വദേശിയായ പ്രതിയെ പോലീസ് കസ്റ്റഡിയിലെടുത്തു. ഗുരുവായൂർ ക്ഷേത്ര പരിസരത്ത് സെക്യൂരിറ്റി ജീവനക്കാരന് കുത്തേറ്റു. പൈങ്കുളം സ്വദേശി ഉദയകുമാറിനാണ് പരിക്കേറ്റത്. സംഭവവുമായി ബന്ധപ്പെട്ട് പാലക്കാട് അകത്തേത്തറ സ്വദേശി വിശ്വനാഥനെ ടെമ്പിൾ പോലീസ് കസ്റ്റഡിയിലെടുത്തു. തിങ്കളാഴ്ച ക്ഷേത്രത്തിന്റെ പടിഞ്ഞാറേ നടയിലായിരുന്നു ആക്രമണം ഉണ്ടായത്. പ്രസാദ ഊട്ടിലേക്ക് ഭക്തരെ പ്രവേശിപ്പിക്കുന്നതുമായി ബന്ധപ്പെട്ട് ഇരുവരും തമ്മിൽ ഉണ്ടായ വാക്കുതർക്കമാണ് കയ്യാങ്കളിയിലും തുടർന്ന് കത്തിക്കുത്തിലും കലാശിച്ചത്. ഡ്യൂട്ടിയിലുണ്ടായിരുന്ന ഉദയകുമാറിനെ വിശ്വനാഥൻ കൈവശമുണ്ടായിരുന്ന നെയിൽ കട്ടറിലെ ചെറിയ കത്തി ഉപയോഗിച്ച് കുത്തുകയായിരുന്നു. പരിക്കേറ്റ ഉദയകുമാറിന്റെ നില ഗുരുതരമല്ല. ഇദ്ദേഹത്തെ ദേവസ്വം ആശുപത്രിയിൽ പ്രവേശിപ്പിച്ചു. കസ്റ്റഡിയിലുള്ള പ്രതിയെ പോലീസ് വിശദമായി ചോദ്യം ചെയ്തുവരികയാണ്