పాతపట్నం నియోజకవర్గం పరిధిలోని కొత్తూరు పోలీస్ స్టేషన్ సీఐ, ఎమ్మెల్సీ దువ్వాడ శ్రీనివాస్‌ను అక్రమంగా అరెస్టు చేశారు.

పాతపట్నం నియోజకవర్గం పరిధిలోని కొత్తూరు పోలీస్ స్టేషన్ సీఐ, ఎమ్మెల్సీ దువ్వాడ శ్రీనివాస్‌ను అక్రమంగా అరెస్టు చేశారు.

విజయనగరంలో, తమకు సమీపంలో ఉన్న ఉత్తమ దంత వైద్యశాలను ఏ విధంగా ఎంపిక చేసుకోవాలి అనేదే ఇక్కడ ప్రధానంగా లేవనెత్తిన ప్రశ్న.

Post by Narasimha Narasimha

కాకినాడ జిల్లా తుని పట్టణంలో దీర్ఘకాలంగా నెలకొన్న ట్రాఫిక్ సమస్యకు సీఐ గీతా రామకృష్ణ ఆధ్వర్యంలో అధికారులు పరిష్కారం చూపారు. పట్టణంలోని ఎప్పుడూ రద్దీగా ఉండే ప్రాంతాల్లో ట్రాఫిక్ సిబ్బందిని నియమించడం ద్వారా ఈ సమస్యను సమర్థవంతంగా నియంత్రించారు. గతంలో గొల్ల అప్పారావు సెంటర్ నుండి రామా థియేటర్ రోడ్డుకు చేరుకోవడానికి కనీసం 30 నిమిషాలకు పైగా సమయం పట్టేదని, అలాగే రెడ్ కాన్వెంట్ వీధిలో నిత్యం ట్రాఫిక్ ఇబ్బందులు ఎదురయ్యేవని స్థానికులు పేర్కొన్నారు. అయితే, ప్రస్తుత పరిష్కారం వల్ల ఆ సమస్యలు తొలగిపోయాయని, దీనితో స్కూలుకు వెళ్లే విద్యార్థులు, కంపెనీలకు వెళ్లే ఉద్యోగస్తులు సకాలంలో గమ్యస్థానాలకు చేరుకుంటున్నారని ఆనందం వ్యక్తం చేస్తున్నారు. ఈ ట్రాఫిక్ సమస్యకు చెక్ పెట్టిన పోలీసులపై ప్రజలు హర్షం వ్యక్తం చేస్తూ, ఈ పరిష్కారం నిత్యం కొనసాగేలా చూడాలని కోరుతున్నారు.

కాకినాడ జిల్లా జనసేన పార్టీ అధ్యక్షులు, డీసీసీబీ చైర్మన్ తుమ్మల రామస్వామి బాబు మంగళవారం కాకినాడ నగరంలోని కాస్మోపాలిటన్ క్లబ్‌లో జరిగిన మీడియా సమావేశంలో వైసీపీ అధినేత వైయస్ జగన్మోహన్ రెడ్డిపై తీవ్ర విమర్శలు గుప్పించారు. కాపు సమాజం పేరుతో సమావేశాలు నిర్వహించి జనసేన పార్టీ అధినేత, రాష్ట్ర ఉప ముఖ్యమంత్రి పవన్ కళ్యాణ్‌పై వైసీపీ నాయకులు విమర్శలు చేయడం వారి రాజకీయ దివాళాకోరుతనానికి నిదర్శనమని తుమ్మల బాబు స్పష్టం చేశారు. గత ఐదేళ్లుగా అధికారంలో ఉన్న వైసీపీ ప్రభుత్వం కాపు రిజర్వేషన్లు, కాపు యువతకు ఉపాధి అవకాశాలు, కాపు కళ్యాణ మండపాల నిర్మాణం వంటి కీలక అంశాలపై ఏమి చేసిందో ప్రజలకు సమాధానం చెప్పాలని ఆయన డిమాండ్ చేశారు. ప్రజా సమస్యలను పక్కనపెట్టి వ్యక్తిగత విమర్శలు, అసత్య ప్రచారాలతో కాలం గడపడం వైసీపీ నాయకులకు అలవాటైందని విమర్శించారు. వైసీపీ కాపు సమాజాన్ని కేవలం ఓటు బ్యాంకుగా మాత్రమే చూస్తోందని, అదే రాజకీయ సంస్కృతిని జగన్ కొనసాగిస్తున్నారని తుమ్మల బాబు ఆరోపించారు. రాష్ట్రంలో ఏ చిన్న సంఘటన జరిగినా దానికి కుల రంగు పులిమి రాజకీయ లబ్ధి పొందేందుకు జగన్ ప్రయత్నిస్తున్నారని ఆయన అన్నారు. డాక్టర్ సుధాకర్, అమర్నాథ్ గౌడ్, చంద్రయ్య వంటి ఘటనలు జరిగినప్పుడు వారికి కులాలు గుర్తుకు రాలేదా అని ప్రశ్నించారు. అలాగే, రామచంద్రపురంలో కాపు సమావేశం నిర్వహించినప్పుడు జనసేన పార్టీలో ఉన్న కాపు నాయకులు గుర్తుకు రాలేదా అని నిలదీశారు. కులాల మధ్య విద్వేషాలు రెచ్చగొట్టడం సరికాదని హితవు పలికిన తుమ్మల బాబు, పవన్ కళ్యాణ్‌కి ఒకే కులానికి చెందిన నాయకుడనే ముద్ర వేయడానికి వైసీపీ ప్రయత్నిస్తోందని ఆగ్రహం వ్యక్తం చేశారు. అయితే, పవన్ కళ్యాణ్ అన్ని కులాలు, అన్ని వర్గాల ప్రజల ఆదరాభిమానాలను చూరగొన్నారని ఆయన స్పష్టం చేశారు. రాష్ట్ర ఉప ముఖ్యమంత్రి పవన్‌ని విమర్శించే స్థాయి వైసీపీ నాయకులకు లేదని తుమ్మల బాబు మండిపడ్డారు. ఈ సమావేశంలో స్టేట్ సివిల్ సప్లైస్ కార్పొరేషన్ డైరెక్టర్ శ్రీమతి కడలి ఈశ్వరి, రాష్ట్ర శెట్టిబలిజ కార్పొరేషన్ డైరెక్టర్ పెంకే జగదీష్, రాష్ట్ర కాపు కార్పొరేషన్ డైరెక్టర్ చల్లా లక్ష్మి, పిఠాపురం మార్కెట్ కమిటీ చైర్మన్ వాకపల్లి దేవి సూర్యప్రకాష్, సూపర్ బజార్ చైర్మన్ పెసంగి ఆదినారాయణ, సామర్లకోట మండల జనసేన పార్టీ అధ్యక్షులు ఈశ్వరరావు, మండల యువత అధ్యక్షులు మలిరెడ్డి బుచ్చిరాజు, ఉమ్మడి తూర్పుగోదావరి జిల్లా జనసేన పార్టీ కార్యదర్శి పిట్ట జానకిరామారావు, పెంకే వెంకటలక్ష్మి, అట్ల సత్యనారాయణ, నల్లం శ్రీనివాస్ (బుల్లెట్ వాసు), నందమూరి వినోద్, ఆకుల శ్రీనివాస్, శ్రీమన్నారాయణ, ఎంపీటీసీ శివరామకృష్ణ, జనసేన పార్టీ కాకినాడ లీగల్ సెల్ సభ్యురాలు అడ్వకేట్ హేమ పద్మజ, సురవరపు సురేష్, పన్నీరు వెంకటేశ్వరరావు, పన్నీరు దొరబాబు తదితరులు పాల్గొన్నారు.

కాకినాడ జిల్లాలోని పిఠాపురంలో ఉన్న ఆర్టీఐహెచ్ (RTIH) గ్రామీణ అవుట్‌పోస్ట్ కేంద్రంలో గ్రామీణ యువత, ఔత్సాహిక పారిశ్రామికవేత్తలు, స్థానిక భాగస్వాములలో స్వయం ఉపాధి, వ్యవస్థాపకత పట్ల అవగాహన పెంపొందించే లక్ష్యంతో నిర్వహిస్తున్న గ్రామీణ పారిశ్రామికవేత్తల అభివృద్ధి కార్యక్రమం (REDP) మరియు వ్యవస్థాపక నైపుణ్యాభివృద్ధి కార్యక్రమం (ESDP) నాలుగో రోజు విజయవంతంగా ముగిసింది. ఈ కార్యక్రమంలో విద్యా, ప్రభుత్వ, స్టార్టప్ రంగాల నుండి వచ్చిన ప్రముఖ నిపుణులు వ్యవస్థాపకత, గ్రామీణ అభివృద్ధి, స్వయం ఉపాధి అవకాశాలపై విలువైన అవగాహన కల్పించారు. మొదటి సెషన్‌లో కాకినాడ ఇన్స్టిట్యూట్ ఆఫ్ ఇంజనీరింగ్ అండ్ టెక్నాలజీకి చెందిన శ్రీ జయకుమార్ “డిజిటల్ పారిశ్రామికత”పై ప్రసంగిస్తూ, డిజిటల్ సాంకేతికతలను ఉపయోగించి గ్రామీణ యువత తమ వ్యాపార అవకాశాలను ఎలా విస్తరించుకోవాలో వివరించారు. రెండవ సెషన్‌లో డాక్టర్ కవల నాగేశ్వరరావు “గ్రామీణ పారిశ్రామికత” అంశంపై మాట్లాడుతూ, గ్రామీణ ప్రాంతాలలోని సమస్యలను సృజనాత్మక ఆలోచనలు, సామాజిక భాగస్వామ్యం, స్థానిక వనరుల వినియోగం ద్వారా స్థిరమైన వ్యాపార అవకాశాలుగా ఎలా మార్చుకోవాలో తెలియజేశారు. మూడవ సెషన్‌లో పిఠాపురం ఏరియా డెవలప్‌మెంట్ అథారిటీ (PADA) ప్రాజెక్ట్ డైరెక్టర్ శ్రీ శివరామ్ ప్రసాద్, గ్రామీణ స్థాయిలో చిన్నతరహా పరిశ్రమలు, మష్రూమ్ సాగు, అలంకరణ చేపల పెంపకం, త్వరలో నిర్వహించనున్న ప్రత్యేక శిక్షణ కార్యక్రమాల గురించి వివరించారు. ఈ వర్క్‌షాప్‌లో ఆర్టీఐహెచ్ రాజమహేంద్రవరం ఇన్‌క్యూబేషన్ హెడ్ శ్రీ కె. చంద్ర ప్రకాశ్, ప్రోగ్రామ్ అసోసియేట్‌లు శ్రీ జి. పాండురంగ, శ్రీ టి. శ్రీనివాస్ పాల్గొన్నారు. కార్యక్రమంలో గ్రామీణ యువత, ఔత్సాహిక పారిశ్రామికవేత్తలు, స్వయం సహాయక సంఘాల సభ్యులు, గ్రామీణ ఆవిష్కర్తలు ఉత్సాహంగా పాలుపంచుకున్నారు. పరస్పర చర్చలు, ప్రాయోగిక ఉదాహరణలు, కార్యాచరణ ఆధారిత కార్యక్రమాల ద్వారా పాల్గొన్నవారు వ్యవస్థాపకత, వ్యాపార నిర్వహణ, ఉపాధి అవకాశాలపై సమగ్ర అవగాహన పొందారని నిర్వాహకులు తెలిపారు. గ్రామీణ ప్రాంతాల్లో వినూత్న వ్యాపార అవకాశాల అన్వేషణకు ఈ కార్యక్రమం ప్రేరణగా నిలిచి, తద్వారా గ్రామీణ ఆర్థికాభివృద్ధి, ఉపాధి కల్పనకు దోహదపడుతుందని నిర్వాహకులు ఆశాభావం వ్యక్తం చేశారు.

పిఠాపురం మున్సిపల్ కార్మికులు తమ సమస్యలను ఎవరికి చెప్పుకోవాలో తెలియక, తమ గోడు వినేవారే కరువయ్యారని తీవ్ర ఆవేదన వ్యక్తం చేశారు. తమ డిమాండ్ల సాధనలో భాగంగా సోమవారం స్థానిక ఎమ్మెల్యేకు వినతిపత్రం అందజేయడానికి వెళ్లిన ఏపీ మున్సిపల్ వర్కర్స్ యూనియన్ (ఏఐటీయూసీ) నాయకులకు, కార్మికులకు చుక్కెదురైంది. ఎమ్మెల్యే అందుబాటులో లేకపోవడం, పార్టీ నియమించిన ఫైమాన్ కమిటీ సభ్యులు కూడా ఫోన్లకు స్పందించకపోవడంతో నిరాశకు గురైన కార్మికులు మున్సిపల్ కార్యాలయం ఎదుట నిరసనకు దిగారు. ఈ సందర్భంగా యూనియన్ గౌరవ అధ్యక్షులు సాకా రామకృష్ణ మాట్లాడుతూ, అధికారుల, ప్రజాప్రతినిధుల తీరుపై తీవ్ర అసహనం వ్యక్తం చేశారు. దీర్ఘకాలంగా విధుల్లో ఉన్న కార్మికులను తక్షణమే పర్మినెంట్ చేయాలని, సమాన పనికి సమాన వేతనం అమలు చేయాలని ఆయన డిమాండ్ చేశారు. అలాగే రిటైర్మెంట్ బెనిఫిట్స్, పెన్షన్ సౌకర్యం కల్పించాలని కోరారు. కార్మికుల పట్ల పాలకవర్గం, అధికారులు నిర్లక్ష్యంగా వ్యవహరిస్తున్నారని సాకా రామకృష్ణ విమర్శించారు. తమ సమస్యలను ప్రభుత్వం దృష్టికి తీసుకెళ్లేందుకు, దశలవారీ పోరాటంలో భాగంగా ఈ నెల 24న కలెక్టరేట్ వద్ద నిర్వహించనున్న మహాధర్నాలో కార్మికులందరూ పెద్ద ఎత్తున పాల్గొని విజయవంతం చేయాలని సాకా రామకృష్ణ పిలుపునిచ్చారు. ఈ కార్యక్రమంలో బంగారు కన్నయ్య, ముత్యాల అప్పారావు, ఎర్రంశెట్టి సత్యనారాయణ, గూడుపు సత్యవతి, ఏడిది మార్తా, ఎర్రవరం పద్మ, ఎం. చిన్న తదితర కార్మికులు పాల్గొన్నారు.

పాతపట్నం నియోజకవర్గంలోని కొత్తూరు పోలీస్ స్టేషన్ C I, MLC దువ్వాడ శ్రీనివాస్‌ను అక్రమంగా అరెస్ట్ చేశారు.