સુરત કડોદરા પોલીસ સ્ટેશન વિસ્તારમાં મોબાઈલ સ્નેચિંગ કરતા એક જૂથના બે સભ્યોની ધરપકડ કરવામાં આવી છે.

સુરત કડોદરા પોલીસ સ્ટેશન વિસ્તારમાં મોબાઈલ સ્નેચિંગ કરતા એક જૂથના બે સભ્યોની ધરપકડ કરવામાં આવી છે.

પલસાણા તાલુકાના વાંકાનેડા ગામની સીમમાં આવેલી પાણીની નહેરમાંથી આશરે 35 થી 40 વર્ષીય એક અજાણ્યા પુરુષનો મૃતદેહ મળી આવતા સમગ્ર વિસ્તારમાં ચકચાર મચી ગઈ છે. ઘટનાની જાણ થતા જ કડોદરા GIDC પોલીસે તાત્કાલિક સ્થળ પર પહોંચી કાર્યવાહી હાથ ધરી હતી. પોલીસ પાસેથી મળેલી માહિતી મુજબ, ચલથાણથી નિયોલ તરફ જતી પાણીની નહેરમાં, વાંકાનેડા ગામની સીમમાં આવેલા ટર્નિંગ પોઇન્ટ રિહેબિલિટેશન સેન્ટર નજીક આ અજાણ્યો પુરુષ પાણીમાં ડૂબેલી હાલતમાં જોવા મળ્યો હતો. સ્થાનિક રહેવાસી પિયુષકુમાર બાબુભાઈ ઢીમ્મરે પોલીસને આ અંગે જાણ કરી હતી. પ્રાથમિક તપાસમાં પાણીમાં ડૂબી જવાથી મોત થયાની આશંકા વ્યક્ત કરવામાં આવી રહી છે, જોકે મૃત્યુનું ચોક્કસ કારણ પોસ્ટમોર્ટમ રિપોર્ટ બાદ જ સ્પષ્ટ થશે. મૃતદેહની ઓળખ હજુ સુધી થઈ શકી નથી. પોલીસે મૃતદેહનો કબજો લઈ પોસ્ટમોર્ટમ સહિતની કાયદેસરની કાર્યવાહી શરૂ કરી દીધી છે અને કડોદરા GIDC પોલીસ સ્ટેશનમાં અકસ્માત મોત હેઠળ નોંધ કરવામાં આવી છે. આ સમગ્ર બનાવની વધુ તપાસ પોલીસ સબ-ઇન્સ્પેક્ટર એ. એમ. પટેલ દ્વારા હાથ ધરવામાં આવી રહી છે, તેમજ પોલીસે મૃતકની ઓળખ માટે જરૂરી કાર્યવાહી પણ શરૂ કરી છે.

કડોદરા GIDC પોલીસે મારા-મારીના ગુનામાં છેલ્લા એક વર્ષથી નાસતા-ફરતા રીઢા આરોપી રોહિત ઉર્ફે ભુવાને સફળતાપૂર્વક ઝડપી પાડ્યો છે.

સુરત લિંબાયત પોલીસે લિંબાયત પોલીસ સ્ટેશન વિસ્તારમાં આવેલા સંજય નગર સર્કલ નજીક વાહન ચેકિંગ દરમિયાન એક વ્યક્તિને ચાકુ સાથે પકડી પાડ્યો હતો. આ વ્યક્તિ વિરુદ્ધ કાયદેસરની કાર્યવાહી હાથ ધરવામાં આવી રહી છે.

સોમવારે સુરત સહિત સમગ્ર દક્ષિણ ગુજરાતમાં મેઘરાજાએ જોરદાર એન્ટ્રી કરી, જેના કારણે વાતાવરણમાં અચાનક પલટો આવ્યો હતો. બપોર બાદ અનેક વિસ્તારોમાં કાળા ડિબાંગ વાદળો છવાઈ ગયા હતા અને વીજળીના કડાકા-ભડાકા સાથે ધોધમાર વરસાદ વરસતા લોકોમાં રાહતની લાગણી જોવા મળી હતી. સુરત શહેરમાં ભારે વરસાદને પગલે મુખ્ય માર્ગો પર પાણી ભરાઈ ગયા હતા અને અનેક સ્થળોએ પાણી વહેવા લાગતાં વાહનચાલકોને મુશ્કેલીનો સામનો કરવો પડ્યો હતો. જોકે, વરસાદને કારણે શહેરનું વાતાવરણ ખુશનુમા બન્યું હતું અને છેલ્લા કેટલાક દિવસોથી અનુભવાતી ઉકળાટભરી ગરમીમાંથી લોકોને આંશિક રાહત મળી હતી. આ ઉપરાંત, જિલ્લાના પલસાણા તાલુકાના ગ્રામ્ય વિસ્તારો જેવા કે જોલવા, કડોદરા, બગુમરા, હળધરુ, દસ્તાન સહિતના ગામોમાં પણ ભારે પવન અને ગાજવીજ સાથે સારો વરસાદ નોંધાયો હતો, જેનાથી ખેતરો અને રસ્તાઓ પાણીથી તરબતર થઈ ગયા હતા અને ગ્રામ્ય વિસ્તારોમાં ઠંડક પ્રસરી ગઈ હતી. ભારે વરસાદના કારણે કેટલાક નીચાણવાળા વિસ્તારોમાં પાણી ભરાવાની સ્થિતિ સર્જાઈ હતી, તેમ છતાં લોકોમાં ખુશીનું વાતાવરણ જોવા મળ્યું હતું. ખાસ કરીને ખેડૂતોમાં ખુશીની લાગણી છવાઈ ગઈ હતી, કારણ કે આ વરસાદને ખેતી માટે આશીર્વાદ સમાન માનવામાં આવી રહ્યો છે અને ખરીફ પાકની વાવણીને વેગ મળશે તેવી આશા વ્યક્ત કરવામાં આવી રહી છે. હવામાનમાં આવેલા આ અચાનક ફેરફારથી સમગ્ર વિસ્તારમાં ઠંડક પ્રસરી છે અને આગામી દિવસોમાં પણ દક્ષિણ ગુજરાતમાં વરસાદી માહોલ યથાવત રહેવાની સંભાવના વ્યક્ત કરવામાં આવી રહી છે, જેનાથી ખેડૂતો સહિત સામાન્ય નાગરિકોમાં આશાનું નવું કિરણ જાગ્યું છે.

સુરત શહેરના લિંબાયત વિસ્તારમાં પોલીસે પેટ્રોલિંગ દરમિયાન એક યુવકને ચાકુ સાથે ઝડપી પાડ્યો છે. લિંબાયત પોલીસ દ્વારા આ મામલે મોટી કાર્યવાહી કરવામાં આવી છે.