सुरगाणा तालुक्यातील केम डोंगराच्या पायथ्याशी असलेल्या पंगारबारी गावात अपूर्ण स्मशानभूमीमुळे अत्यंत वेदनादायी घटना समोर आली आहे. गावातील १६ वर्षीय खुशी कांतीलाल पिठे हिचे अल्पशा आजाराने निधन झाले, मात्र गेल्या वर्षभरापासून स्मशानभूमीचे बांधकाम अर्धवट पडून असल्याने ग्रामस्थांना मुसळधार पावसात भुईडाग करून तिच्यावर अंत्यसंस्कार करावे लागले. अंत्यसंस्कारासाठी खड्डा खोदताना सतत पावसाचे आणि जमिनीतून झिरपणारे पाणी साचत असल्याने ग्रामस्थांना बादल्या, मोटारपंप आणि इतर साधनांच्या मदतीने अथक प्रयत्न करून पाणी उपसावे लागले. या घटनेमुळे पंगारबारी ग्रामस्थांमध्ये तीव्र संताप पसरला असून त्यांनी ग्रामपंचायत, सरपंच, ग्रामसेवक आणि संबंधित ठेकेदाराच्या कारभारावर गंभीर प्रश्न उपस्थित केले आहेत. सार्वजनिक निधीतून सुरू असलेले काम वर्षभरापासून अपूर्ण का राहिले, याची सखोल चौकशी करून दोषींवर कठोर कायदेशीर कारवाई करण्याची मागणी ग्रामस्थांनी केली आहे. नागरिक आगामी ग्रामसभेत हा मुद्दा ठामपणे मांडून जबाबदारी निश्चित करण्याच्या निर्धारात आहेत. दरवर्षी पावसाळ्यात अपूर्ण स्मशानभूमीमुळे नागरिकांना असा मानसिक व शारीरिक त्रास सहन करावा लागत असल्याने जिल्हा प्रशासन, पंचायत समिती आणि संबंधित विभागांनी तातडीने घटनास्थळी भेट देऊन काम युद्धपातळीवर पूर्ण करावे, अशी मागणी गावकऱ्यांनी केली आहे. भविष्यात कोणत्याही कुटुंबावर अशी वेदनादायी वेळ येऊ नये यासाठी आवश्यक निधी उपलब्ध करून दर्जेदार काम पूर्ण करावे आणि लोकप्रतिनिधींनी या प्रश्नाकडे गांभीर्याने लक्ष द्यावे, अशी अपेक्षा ग्रामस्थांनी व्यक्त केली आहे.

दिव्य भारत बीएसएम न्यूज

Tour Guide नाशिक, नाशिक, महाराष्ट्र•

8 hrs ago

सुरगाणा तालुक्यातील केम डोंगराच्या पायथ्याशी असलेल्या पंगारबारी गावात अपूर्ण स्मशानभूमीमुळे अत्यंत वेदनादायी घटना समोर आली आहे. गावातील १६ वर्षीय खुशी कांतीलाल पिठे हिचे अल्पशा आजाराने निधन झाले, मात्र गेल्या वर्षभरापासून स्मशानभूमीचे बांधकाम अर्धवट पडून असल्याने ग्रामस्थांना मुसळधार पावसात भुईडाग करून तिच्यावर अंत्यसंस्कार करावे लागले. अंत्यसंस्कारासाठी खड्डा खोदताना

सतत पावसाचे आणि जमिनीतून झिरपणारे पाणी साचत असल्याने ग्रामस्थांना बादल्या, मोटारपंप आणि इतर साधनांच्या मदतीने अथक प्रयत्न करून पाणी उपसावे लागले. या घटनेमुळे पंगारबारी ग्रामस्थांमध्ये तीव्र संताप पसरला असून त्यांनी ग्रामपंचायत, सरपंच, ग्रामसेवक आणि संबंधित ठेकेदाराच्या कारभारावर गंभीर प्रश्न उपस्थित केले आहेत. सार्वजनिक निधीतून सुरू असलेले काम वर्षभरापासून

अपूर्ण का राहिले, याची सखोल चौकशी करून दोषींवर कठोर कायदेशीर कारवाई करण्याची मागणी ग्रामस्थांनी केली आहे. नागरिक आगामी ग्रामसभेत हा मुद्दा ठामपणे मांडून जबाबदारी निश्चित करण्याच्या निर्धारात आहेत. दरवर्षी पावसाळ्यात अपूर्ण स्मशानभूमीमुळे नागरिकांना असा मानसिक व शारीरिक त्रास सहन करावा लागत असल्याने जिल्हा प्रशासन, पंचायत समिती आणि संबंधित

विभागांनी तातडीने घटनास्थळी भेट देऊन काम युद्धपातळीवर पूर्ण करावे, अशी मागणी गावकऱ्यांनी केली आहे. भविष्यात कोणत्याही कुटुंबावर अशी वेदनादायी वेळ येऊ नये यासाठी आवश्यक निधी उपलब्ध करून दर्जेदार काम पूर्ण करावे आणि लोकप्रतिनिधींनी या प्रश्नाकडे गांभीर्याने लक्ष द्यावे, अशी अपेक्षा ग्रामस्थांनी व्यक्त केली आहे.