*नेताजी सुभाषचंद्र बोस महाविद्यालयात लोकप्रतिनिधींचा गौरव सोहळा आमदार अमरनाथ राजूरकर यांची १० लाखांच्या निधीची घोषणा* शिवकुमार काळे सविस्तर वृत्त दि.२ ऑगस्ट रोजी नांदेड : अभिनव भारत शिक्षण संस्था संचलित नेताजी सुभाषचंद्र बोस कला, वाणिज्य व विज्ञान महाविद्यालयात महाराष्ट्र विधान परिषदेवर आमदार म्हणून नियुक्ती झाल्याबद्दल आमदार अमरनाथ राजूरकर, नांदेड-वाघाळा महानगरपालिकेच्या भारतीय जनता पक्षाच्या पहिल्या महापौर म्हणून निवड झाल्याबद्दल महापौर कविताताई मुळे तसेच उपमहापौर म्हणून निवड झाल्याबद्दल दीपकसिंह रावत यांचा भव्य नागरी सत्कार करण्यात आला. उत्साहपूर्ण वातावरणात झालेल्या या कार्यक्रमास विविध क्षेत्रांतील मान्यवरांची मोठ्या संख्येने उपस्थिती लाभली. कार्यक्रमाच्या अध्यक्षस्थानी अभिनव भारत शिक्षण संस्थेचे अध्यक्ष बालासाहेब पांडे होते. सरस्वती पूजन व दीपप्रज्वलनाने कार्यक्रमाची सुरुवात झाली. त्यानंतर मान्यवरांचे पुष्पगुच्छ, शाल, श्रीफळ व स्मृतिचिन्ह देऊन संस्थेच्या वतीने यथोचित स्वागत व सत्कार करण्यात आला. सत्काराला उत्तर देताना आमदार अमरनाथ राजूरकर यांनी समाजहित, शिक्षणाचा विकास आणि जनतेच्या विश्वासाला पात्र ठरण्यासाठी कटिबद्ध राहण्याचा निर्धार व्यक्त केला. तसेच नेताजी सुभाषचंद्र बोस महाविद्यालयाच्या सर्वांगीण विकासासाठी आपल्या आमदार निधीतून १० लाख रुपयांचा निधी देण्याची घोषणा केली. महापौर कविताताई मुळे यांनी नांदेड शहरातील शैक्षणिक विकासासाठी सातत्याने प्रयत्न करणार असल्याचे सांगत महाविद्यालयाचे प्रलंबित प्रश्न प्राधान्याने मार्गी लावण्याची ग्वाही दिली. उपमहापौर दीपकसिंह रावत यांनी आपण या महाविद्यालयाचे माजी विद्यार्थी असल्याचा उल्लेख करत महाविद्यालयाच्या शैक्षणिक प्रगतीसाठी सर्वतोपरी सहकार्य करण्याचे आश्वासन दिले. तसेच शहरातील नागरिकांचे प्रश्न प्रामाणिकपणे व पारदर्शकपणे सोडविण्यासाठी कटिबद्ध असल्याचे त्यांनी नमूद केले. यावेळी भारतीय जनता पक्षाचे महानगराध्यक्ष प्रवीणभाऊ साले यांनी विद्यार्थ्यांना मार्गदर्शन करत भारतीय संस्कृती, संस्कार आणि परंपरांचे जतन करण्याचे आवाहन केले. आधुनिकतेसोबतच आपल्या सांस्कृतिक मूल्यांची जपणूक करणे ही काळाची गरज असल्याचे त्यांनी सांगितले. कार्यक्रमाचे प्रास्ताविक महाविद्यालयाचे प्राचार्य डॉ. महेंद्रकुमार कुलकर्णी यांनी केले. त्यांनी महाविद्यालयाच्या शैक्षणिक, सामाजिक व सांस्कृतिक वाटचालीचा आढावा घेत कार्यक्रमामागील उद्देश स्पष्ट केला. अध्यक्षीय समारोपात संस्थेचे अध्यक्ष बालासाहेब पांडे यांनी शहराच्या विकासासाठी आणि शिक्षण क्षेत्राच्या प्रगतीसाठी लोकप्रतिनिधी व शैक्षणिक संस्था यांच्यातील समन्वय अधिक दृढ होण्याची आवश्यकता असल्याचे प्रतिपादन केले. यावेळी संस्थेचे कोषाध्यक्ष कैलासचंद काला, संतोषभाऊ मुळे, विजय येवनकर, अरविंद भारतीया, नगरसेविका पुनम ठाकूर, सुषमा थोरात यांच्यासह संस्थेचे पदाधिकारी, प्राध्यापक, शिक्षकेतर कर्मचारी, विद्यार्थी तसेच सामाजिक व राजकीय क्षेत्रातील मान्यवर मोठ्या संख्येने उपस्थित होते. कार्यक्रमाचे प्रभावी सूत्रसंचालन प्रा. डॉ. संदीप काळे यांनी केले, तर अंतर्गत गुणवत्ता हमी कक्षाचे समन्वयक प्रा. डॉ. मनीष देशपांडे यांनी उपस्थितांचे आभार मानले.

Shivkumar kale Press reporter

Nanded, Maharashtra•

6 hrs ago

*नेताजी सुभाषचंद्र बोस महाविद्यालयात लोकप्रतिनिधींचा गौरव सोहळा आमदार अमरनाथ राजूरकर यांची १० लाखांच्या निधीची घोषणा* शिवकुमार काळे सविस्तर वृत्त दि.२ ऑगस्ट रोजी नांदेड : अभिनव भारत शिक्षण संस्था संचलित नेताजी सुभाषचंद्र बोस कला, वाणिज्य व विज्ञान महाविद्यालयात महाराष्ट्र विधान परिषदेवर आमदार म्हणून नियुक्ती झाल्याबद्दल आमदार अमरनाथ राजूरकर, नांदेड-वाघाळा महानगरपालिकेच्या भारतीय जनता पक्षाच्या पहिल्या महापौर म्हणून निवड झाल्याबद्दल महापौर कविताताई मुळे तसेच उपमहापौर म्हणून निवड झाल्याबद्दल दीपकसिंह रावत यांचा भव्य नागरी सत्कार करण्यात आला. उत्साहपूर्ण वातावरणात झालेल्या या कार्यक्रमास विविध क्षेत्रांतील मान्यवरांची मोठ्या संख्येने उपस्थिती लाभली. कार्यक्रमाच्या अध्यक्षस्थानी अभिनव भारत शिक्षण संस्थेचे अध्यक्ष बालासाहेब पांडे होते. सरस्वती पूजन व दीपप्रज्वलनाने कार्यक्रमाची सुरुवात झाली. त्यानंतर मान्यवरांचे पुष्पगुच्छ, शाल, श्रीफळ व स्मृतिचिन्ह देऊन संस्थेच्या वतीने यथोचित स्वागत व सत्कार करण्यात आला. सत्काराला उत्तर देताना आमदार अमरनाथ राजूरकर यांनी समाजहित, शिक्षणाचा विकास आणि जनतेच्या विश्वासाला पात्र ठरण्यासाठी कटिबद्ध राहण्याचा निर्धार व्यक्त केला. तसेच नेताजी सुभाषचंद्र बोस महाविद्यालयाच्या सर्वांगीण विकासासाठी आपल्या आमदार निधीतून १० लाख रुपयांचा निधी देण्याची घोषणा केली. महापौर कविताताई मुळे यांनी नांदेड शहरातील शैक्षणिक विकासासाठी सातत्याने प्रयत्न करणार असल्याचे सांगत महाविद्यालयाचे प्रलंबित प्रश्न प्राधान्याने मार्गी लावण्याची ग्वाही दिली. उपमहापौर दीपकसिंह रावत यांनी आपण या महाविद्यालयाचे माजी विद्यार्थी असल्याचा उल्लेख करत महाविद्यालयाच्या शैक्षणिक प्रगतीसाठी सर्वतोपरी सहकार्य करण्याचे आश्वासन दिले. तसेच शहरातील नागरिकांचे प्रश्न प्रामाणिकपणे व पारदर्शकपणे सोडविण्यासाठी कटिबद्ध असल्याचे त्यांनी नमूद केले. यावेळी भारतीय जनता पक्षाचे महानगराध्यक्ष प्रवीणभाऊ साले यांनी विद्यार्थ्यांना मार्गदर्शन करत भारतीय संस्कृती, संस्कार आणि परंपरांचे जतन करण्याचे आवाहन केले. आधुनिकतेसोबतच आपल्या सांस्कृतिक मूल्यांची जपणूक करणे ही काळाची गरज असल्याचे त्यांनी सांगितले. कार्यक्रमाचे प्रास्ताविक महाविद्यालयाचे प्राचार्य डॉ. महेंद्रकुमार कुलकर्णी यांनी केले. त्यांनी महाविद्यालयाच्या शैक्षणिक, सामाजिक व सांस्कृतिक वाटचालीचा आढावा घेत कार्यक्रमामागील उद्देश स्पष्ट केला. अध्यक्षीय समारोपात संस्थेचे अध्यक्ष बालासाहेब पांडे यांनी शहराच्या विकासासाठी आणि शिक्षण क्षेत्राच्या प्रगतीसाठी लोकप्रतिनिधी व शैक्षणिक संस्था यांच्यातील समन्वय अधिक दृढ होण्याची आवश्यकता असल्याचे प्रतिपादन केले. यावेळी संस्थेचे कोषाध्यक्ष कैलासचंद काला, संतोषभाऊ मुळे, विजय येवनकर, अरविंद भारतीया, नगरसेविका पुनम ठाकूर, सुषमा थोरात यांच्यासह संस्थेचे पदाधिकारी, प्राध्यापक, शिक्षकेतर कर्मचारी, विद्यार्थी तसेच सामाजिक व राजकीय क्षेत्रातील मान्यवर मोठ्या संख्येने उपस्थित होते. कार्यक्रमाचे प्रभावी सूत्रसंचालन प्रा. डॉ. संदीप काळे यांनी केले, तर अंतर्गत गुणवत्ता हमी कक्षाचे समन्वयक प्रा. डॉ. मनीष देशपांडे यांनी उपस्थितांचे आभार मानले.