ଜଗତସିଂହପୁର ଖବର

1 day ago

Rakesh das deba

Journalist ଅଭୟଚାନ୍ଦପୁର, ଜଗତସିଂହପୁର, ଓଡ଼ିଶା•

1 day ago

ଜଗତସିଂହପୁର ଖବର

ଜୀବନ ଜୀବିକା ଉପରେ ସରକାର ଦୃଷ୍ଟି ଦେବାକୁ ଦାବୀ :-ସ୍ବର୍ଣ୍ଣକାର ସଙ୍ଘ ର ୨୮ତମ ସମ୍ମିଳନୀ :-ଶ୍ରୀଧର ସାହୁ ପୁନର୍ବାର ସଭାପତି ଚୟନ କାକଟପୁର :--୦୯/୦୧:-ସୁନା ଦର ବୃଦ୍ଧି ନେଇ ଅନେକ ସ୍ବର୍ଣ୍ଣକାର ଶିଳ୍ପୀ ନିଜର କୌଳିକ ବୃଦ୍ଧି କ୍ରମଶଃ ହରାଇଲେଣି। ଯାହାକୁ ନେଇ ସରକାର ଙ୍କ ନିକଟରେ ସ୍ବର୍ଣ୍ଣକାର ଶିଳ୍ପୀ ଙ୍କ ପ୍ରମୁଖ ଦାବୀ ଗୁଡିକ ଅନେକ ଥର ଉପସ୍ଥାପନ କରାଯାଇଛି। ଖବର ମୁତାବକ ଶୁକ୍ରବାର ମଧ୍ୟାହ୍ନ ରେ ପୁରୀ ଜିଲ୍ଲା କାକଟପୁର ଥାନା ସ୍ବର୍ଣ୍ଣକାର ସଙ୍ଘ ସଭାପତି ଶ୍ରୀଧର ସାହୁ ଙ୍କ ସଭାପତିତ୍ବ ରେ ୨୮ତମ ସମ୍ମିଳନୀ କୁଣ୍ଢେଇଶୁଣୀ ନିକଟରେ ସ୍ଥାନୀୟ ଅଞ୍ଚଳର ସମସ୍ତ ସ୍ବର୍ଣ୍ଣସଙ୍ଘ ସଦସ୍ୟ ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକ ରେ ଶଙ୍କର ପ୍ରସାଦ ସାହୁ, ଉପଦେଷ୍ଟା ପୂର୍ଣ୍ଣଚନ୍ଦ୍ର ସାହୁ, ନିତ୍ୟାନନ୍ଦ ସାହୁ, ଗଗନ ବିହାରୀ ସାହୁ, କଲ୍ୟାଣ ସାହୁ ପ୍ରମୁଖ ଉପସ୍ଥିତ ରେ ସ୍ବର୍ଣ୍ଣକାର ସଙ୍ଘ ସଦସ୍ୟ ମାନେ ନିଜ ନିଜର ସମସ୍ୟା ଉପସ୍ଥାପନ କରିଥିଲେ। ପରେ ପ୍ରତି ତିନି ବର୍ଷ ରେ କର୍ମକର୍ତ୍ତା ଚୟନ ପ୍ରକ୍ରିୟା ରେ ପୁନର୍ବାର ସଭାପତି ଭାବେ ଶ୍ରୀଧର ସାହୁ, ଉପସଭାପତି ଶଙ୍କର ପ୍ରସାଦ ସାହୁ, ସମ୍ପାଦକ ଗଗନ ବିହାରୀ ସାହୁ, ସାଙ୍ଗଠନିକ ସମ୍ପାଦକ କଲ୍ୟାଣ ସାହୁ, ଲିଙ୍ଗରାଜ ସାହୁ, ସହ ସମ୍ପାଦକ ପଦ୍ମଚରଣ ସାହୁ, ନିରଞ୍ଜନ ସାହୁ ଓ ଆବାହନ କଲ୍ୟାଣ ସାହୁ ଓରଫ ଟୁଟୁ ନୂତନ ଭାବେ ଚୟନ କରାଯାଇଥିଲା।ନୂତନ କର୍ମକର୍ତ୍ତା ଙ୍କୁ ଉପସ୍ଥିତ ସଦସ୍ୟ ମାନେ ଉତ୍ତରୀୟ ଓ ପୁଷ୍ପ ଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ। କାକଟପୁର ଥାନା ସ୍ବର୍ଣ୍ଣକାର ସଙ୍ଘ ସଭାପତି କହିବାନୁଯାୟୀ, ସୁନା ଦର ଦିନକୁ ଦିନ ବୃଦ୍ଧି ପାଇବାରୁ ଅନେକ ସ୍ବର୍ଣ୍ଣକାର କାରିଗର କ୍ଷତିଗ୍ରସ୍ତ ହୋଇଛନ୍ତି। ନିଜର ଜୀବନ ଜୀବିକା ଚଳାଇବା କଷ୍ଟକର ହୋଇପଡିଛି। ସରକାର ପ୍ରୋତ୍ସାହନ ରାଶି ବୃଦ୍ଧି କରନ୍ତୁ ଏହା ସହ ବ୍ୟାଙ୍କ ରେ ଯୋଜନା ଗୁଡିକ କାର୍ଯ୍ୟକାରୀ କରିବାକୁ ନିର୍ଦ୍ଧେଶ ଦିଅନ୍ତୁ। ଅନ୍ୟତମ ସଦସ୍ୟ ଶଙ୍କର ପ୍ରସାଦ ସାହୁ କହିଛନ୍ତି ସ୍ବର୍ଣ୍ଣଶିଳ୍ପୀ ମାନ୍ୟତା, ଓବିସି ରେ ସ୍ବର୍ଣ୍ଣକାର ମାନଙ୍କୁ ଅନ୍ତର୍ଭୂକ୍ତ କରାଯାଉ, ଅନେକ କୌଳିକ ବୃତ୍ତି ହରାଇଛନ୍ତି, ଏହା ସହ ଭତ୍ତା ପ୍ରଚଳନ ସୁବିଧା କରାଯାଉ ବୋଲି ଗଣମାଧ୍ୟ୍ୟମ ଜରିଆରେ ସରକାର ଙ୍କ ନିକଟରେ ଦାବୀ ରଖିଛନ୍ତି। ଏହି ୨୮ତମ ସମ୍ମିଳନୀ ରେ ଅସ୍ତରଙ୍ଗ, କାକଟପୁର କୁଣ୍ଢେଇ, ବାଜପୁର ଅଞ୍ଚଳ ବ୍ୟବସାୟୀ ସମେତ କାକଟପୁର ଥାନା ସ୍ବର୍ଣ୍ଣକାର ସଦସ୍ୟ ମାନେ ଓ ବୁଦ୍ଧିଜୀବୀ ପ୍ରମୁଖ ଉପସ୍ଥିତ ଥିଲେ। ରିପୋର୍ଟର :-ପ୍ରକାଶ ବେହେରା

Journalist Prakash Journalist

କାକଟପୁର, ପୁରୀ, ଓଡ଼ିଶା•

11 hrs ago