जागतिक तंबाखू विरोधी दिनाचे औचित्य साधून कोल्हापूर महानगरपालिका आणि प्रसारमाध्यम न्यूज यांच्या संयुक्त विद्यमाने "थुंकीमुक्त आणि तंबाखूमुक्त कोल्हापूर" या जनजागृती अभियानाचा आज भवानी मंडप येथे शुभारंभ करण्यात आला. कोल्हापूर शहराला सामाजिक व आरोग्यदृष्ट्या अधिक स्वच्छ, सुंदर आणि निरोगी ठेवण्याच्या उद्देशाने हा उपक्रम राबवण्यात येत असून, तंबाखू सेवन आणि सार्वजनिक ठिकाणी थुंकण्याच्या वाढत्या प्रवृत्तीला आळा घालण्यासाठी व्यापक जनजागृती हे या अभियानाचे उद्दिष्ट आहे. महापौर सौ. रूपाराणी निकम यांनी यावेळी नागरिकांना या अभियानात उत्स्फूर्तपणे सहभागी होऊन महाराष्ट्रासमोर एक आदर्श निर्माण करण्याचे आवाहन केले. कार्यक्रमाची सुरुवात छत्रपती शाहू महाराज यांच्या प्रतिमेचे पूजन करून झाली. महापौर निकम यांनी पुन्हा एकदा प्रसारमाध्यम न्यूज आणि महानगरपालिकेच्या या सामाजिक उपक्रमात मोठ्या संख्येने सहभागी होण्याचे आवाहन केले, तसेच प्रसारमाध्यम न्यूजच्या आगामी सर्व सामाजिक आणि विधायक उपक्रमांना महानगरपालिकेचे सहकार्य कायम राहील अशी ग्वाही दिली. प्रसारमाध्यम न्यूज चॅनेलचे संचालक प्रताप पाटील यांनी सामाजिक विकासात सक्रिय भूमिका बजावण्याचे आणि समाजहिताच्या उपक्रमांद्वारे सकारात्मक परिवर्तन घडवण्याचे आश्वासन दिले. यावेळी विद्यमान नगरसेवक आदिल फरास, देवस्थान समितीचे सचिव शिवराज नायकवडी, नगरसेविका दीपा ठाणेकर, सृष्टी जाधव, दीपा काटकर, माधुरी व्हटकर, रेखा उगवे, माजी नगरसेवक अजित ठाणेकर, किरण नकाते, कसबा बावड्याचे नगरसेवक जाधव, जिल्हा एड्स नियंत्रण कार्यालयाच्या दीपा शिपूरकर व विजय घोडखिंडकर, सामाजिक कार्यकर्ते सुनील पाच्छापुरे, ई-सिटी न्यूज नेटवर्कचे संपादक सागर ठाणेकर यांच्यासह आरोग्य, शिक्षण, प्रशासन आणि सामाजिक क्षेत्रातील अनेक मान्यवर उपस्थित होते. यादरम्यान, महालक्ष्मी भक्त मंडळाचे राजू मेवेकरी, आदर्श प्रशालेचे मुख्याध्यापक आर. व्ही. पाटील, स्वामी विवेकानंद ट्रस्टचे महेश कामत आणि किशोर घाटगे यांनी दूरध्वनीद्वारे शुभेच्छा दिल्या आणि भविष्यात या 'थुंकीमुक्त आणि तंबाखूमुक्त' अभियानात सक्रिय सहभाग नोंदविणार असल्याचे सांगितले. या अभियानाच्या माध्यमातून कोल्हापूर शहरात स्वच्छता, आरोग्य आणि सामाजिक जबाबदारीची भावना अधिक बळकट होण्याची अपेक्षा व्यक्त करण्यात येत आहे.

E city news network

Local News Reporter करवीर, कोल्हापूर, महाराष्ट्र•

1 hr ago

जागतिक तंबाखू विरोधी दिनाचे औचित्य साधून कोल्हापूर महानगरपालिका आणि प्रसारमाध्यम न्यूज यांच्या संयुक्त विद्यमाने "थुंकीमुक्त आणि तंबाखूमुक्त कोल्हापूर" या जनजागृती अभियानाचा आज भवानी मंडप येथे शुभारंभ करण्यात आला. कोल्हापूर शहराला सामाजिक व आरोग्यदृष्ट्या अधिक स्वच्छ, सुंदर आणि निरोगी ठेवण्याच्या उद्देशाने हा उपक्रम राबवण्यात येत असून, तंबाखू सेवन आणि सार्वजनिक ठिकाणी थुंकण्याच्या वाढत्या प्रवृत्तीला आळा घालण्यासाठी व्यापक जनजागृती हे या अभियानाचे उद्दिष्ट आहे. महापौर सौ. रूपाराणी निकम यांनी यावेळी नागरिकांना या अभियानात उत्स्फूर्तपणे सहभागी होऊन महाराष्ट्रासमोर एक आदर्श निर्माण करण्याचे आवाहन केले. कार्यक्रमाची सुरुवात छत्रपती शाहू महाराज यांच्या प्रतिमेचे पूजन करून झाली. महापौर निकम यांनी पुन्हा एकदा प्रसारमाध्यम न्यूज आणि महानगरपालिकेच्या या सामाजिक उपक्रमात मोठ्या संख्येने सहभागी होण्याचे आवाहन केले, तसेच प्रसारमाध्यम न्यूजच्या आगामी सर्व सामाजिक आणि विधायक उपक्रमांना महानगरपालिकेचे सहकार्य कायम राहील अशी ग्वाही दिली. प्रसारमाध्यम न्यूज चॅनेलचे संचालक प्रताप पाटील

यांनी सामाजिक विकासात सक्रिय भूमिका बजावण्याचे आणि समाजहिताच्या उपक्रमांद्वारे सकारात्मक परिवर्तन घडवण्याचे आश्वासन दिले. यावेळी विद्यमान नगरसेवक आदिल फरास, देवस्थान समितीचे सचिव शिवराज नायकवडी, नगरसेविका दीपा ठाणेकर, सृष्टी जाधव, दीपा काटकर, माधुरी व्हटकर, रेखा उगवे, माजी नगरसेवक अजित ठाणेकर, किरण नकाते, कसबा बावड्याचे नगरसेवक जाधव, जिल्हा एड्स नियंत्रण कार्यालयाच्या दीपा शिपूरकर व विजय घोडखिंडकर, सामाजिक कार्यकर्ते सुनील पाच्छापुरे, ई-सिटी न्यूज नेटवर्कचे संपादक सागर ठाणेकर यांच्यासह आरोग्य, शिक्षण, प्रशासन आणि सामाजिक क्षेत्रातील अनेक मान्यवर उपस्थित होते. यादरम्यान, महालक्ष्मी भक्त मंडळाचे राजू मेवेकरी, आदर्श प्रशालेचे मुख्याध्यापक आर. व्ही. पाटील, स्वामी विवेकानंद ट्रस्टचे महेश कामत आणि किशोर घाटगे यांनी दूरध्वनीद्वारे शुभेच्छा दिल्या आणि भविष्यात या 'थुंकीमुक्त आणि तंबाखूमुक्त' अभियानात सक्रिय सहभाग नोंदविणार असल्याचे सांगितले. या अभियानाच्या माध्यमातून कोल्हापूर शहरात स्वच्छता, आरोग्य आणि सामाजिक जबाबदारीची भावना अधिक बळकट होण्याची अपेक्षा व्यक्त करण्यात येत आहे.