हिंगणघाट पोलिसांनी दारूबंदी कायद्यान्वये कारवाई करत विदेशी दारूची अवैध वाहतूक करणाऱ्या एका आरोपीला अटक केली आहे. या कारवाईत १ लाख २१ हजार ६५० रुपयांचा मुद्देमाल जप्त करण्यात आला आहे. २४ जुलै रोजी हिंगणघाट पोलीस ठाण्यातील कर्मचाऱ्यांना मिळालेल्या खात्रीशीर माहितीच्या आधारे ही धडक कारवाई करण्यात आली. मौजा जाम येथून हिंगणघाटकडे ब्रह्मा पाटील (रा. चाकूर, ता. समुद्रपूर) हा MH-40-DK-8157 क्रमांकाच्या टीव्हीएस ज्युपिटर मोपेडवर विदेशी दारूची वाहतूक करत असल्याची माहिती पोलिसांना मिळाली होती. या माहितीवरून एनएच-४४ सर्व्हिस रोडवरील रायडग हॉटेलजवळ दोन पंचांसमक्ष सापळा रचण्यात आला. संशयिताला थांबवून वाहनाची तपासणी केली असता, मोपेडच्या पुढील चुंगडीत व डिकीत रॉयल स्टॅग कंपनीच्या १८० मिलीच्या ३० निपा (₹१२,०००), ओ.सी.डब्ल्यू. कंपनीच्या ३० निपा (₹१०,५००), ऑल सीझन कंपनीच्या १५ निपा (₹५,७५०) आणि कासबर्ग कंपनीचे ८ बिअर टिन (₹३,२००) आढळून आले. या दारूसाठ्यासह ₹९०,००० किमतीची मोपेडही जप्त करण्यात आली. याप्रकरणी आरोपीविरुद्ध महाराष्ट्र दारूबंदी कायद्यान्वये हिंगणघाट पोलीस ठाण्यात गुन्हा दाखल करण्यात आला आहे. ही कारवाई पोलीस अधीक्षक सौरभकुमार अग्रवाल, अपर पोलीस अधीक्षक सदाशिव वाघमारे आणि उपविभागीय पोलीस अधिकारी सुशीलकुमार नायक यांच्या मार्गदर्शनाखाली तसेच पोलीस निरीक्षक अनिल राऊत यांच्या निर्देशानुसार पोलीस हवालदार प्रविण बोधाने, स्वप्नील जिवने, जगदीश चव्हाण आणि पोलीस अंमलदार सागर समृतवार व अमोल गीते यांनी पार पाडली.

Ravi yenorkar PRESS -IN BCN NEWS

हिंगणघाट, वर्धा, महाराष्ट्र•

5 hrs ago

हिंगणघाट पोलिसांनी दारूबंदी कायद्यान्वये कारवाई करत विदेशी दारूची अवैध वाहतूक करणाऱ्या एका आरोपीला अटक केली आहे. या कारवाईत १ लाख २१ हजार ६५० रुपयांचा मुद्देमाल जप्त करण्यात आला आहे. २४ जुलै रोजी हिंगणघाट पोलीस ठाण्यातील कर्मचाऱ्यांना मिळालेल्या खात्रीशीर माहितीच्या आधारे ही धडक कारवाई करण्यात आली. मौजा जाम येथून हिंगणघाटकडे ब्रह्मा पाटील (रा. चाकूर, ता. समुद्रपूर) हा MH-40-DK-8157 क्रमांकाच्या टीव्हीएस ज्युपिटर मोपेडवर विदेशी दारूची वाहतूक करत असल्याची माहिती पोलिसांना मिळाली होती. या माहितीवरून एनएच-४४ सर्व्हिस रोडवरील रायडग हॉटेलजवळ दोन पंचांसमक्ष सापळा रचण्यात आला. संशयिताला थांबवून वाहनाची तपासणी केली असता, मोपेडच्या पुढील चुंगडीत व डिकीत रॉयल स्टॅग कंपनीच्या १८० मिलीच्या ३० निपा (₹१२,०००), ओ.सी.डब्ल्यू. कंपनीच्या ३० निपा (₹१०,५००), ऑल सीझन कंपनीच्या १५ निपा (₹५,७५०) आणि कासबर्ग कंपनीचे ८ बिअर टिन (₹३,२००) आढळून आले. या दारूसाठ्यासह ₹९०,००० किमतीची मोपेडही जप्त करण्यात आली. याप्रकरणी आरोपीविरुद्ध महाराष्ट्र दारूबंदी कायद्यान्वये हिंगणघाट पोलीस ठाण्यात गुन्हा दाखल करण्यात आला आहे. ही कारवाई पोलीस अधीक्षक सौरभकुमार अग्रवाल, अपर पोलीस अधीक्षक सदाशिव वाघमारे आणि उपविभागीय पोलीस अधिकारी सुशीलकुमार नायक यांच्या मार्गदर्शनाखाली तसेच पोलीस निरीक्षक अनिल राऊत यांच्या निर्देशानुसार पोलीस हवालदार प्रविण बोधाने, स्वप्नील जिवने, जगदीश चव्हाण आणि पोलीस अंमलदार सागर समृतवार व अमोल गीते यांनी पार पाडली.