મહીસાગર જિલ્લામાં આયોજિત નેશનલ લોક અદાલતને ભારે પ્રતિસાદ મળ્યો છે, જેમાં પ્રિલિટીગેશન અને પેન્ડિંગ કેસો મળીને કુલ ૯૮૬૮ કેસોનો સુખદ નિકાલ કરવામાં આવ્યો છે. નવી દિલ્હીની નેશનલ લીગલ સર્વિસીસ ઓથોરીટીના સૂચનથી મહીસાગર જિલ્લા કાનૂની સેવા સત્તા મંડળ દ્વારા ૧૧ મી જુલાઈ, ૨૦૨૬ ના રોજ આ સફળ આયોજન કરાયું હતું. મુખ્ય જિલ્લા ન્યાયાધીશ શ્રી એમ.એન.ગડકરીના માર્ગદર્શન હેઠળ યોજાયેલી આ લોક અદાલતમાં પક્ષકારો તરફથી બહોળો પ્રતિસાદ મળ્યો હતો. આ આયોજન દરમિયાન જિલ્લાની વિવિધ અદાલતોમાં સમાધાન પાત્ર પ્રિલિટીગેશનના ૮૨૬૮ અને પેન્ડિંગ ૧૬૦૦ કેસોનો સફળતાપૂર્વક નિકાલ કરવામાં આવ્યો હતો. આ લોક અદાલતમાં મોટર અકસ્માત, બેંક લેણા, ચેક રીટર્ન, સામાન્ય મારામારીના સમાધાન પાત્ર કેસો, મિલકત સંબંધી દાવાઓ, લગ્ન સંબંધી કેસો, સમાધાન પાત્ર વીજળી તથા પાણીના બિલના કેસો, જમીન સંપાદનના કેસો અને સર્વિસ મેટર જેવા વિવિધ પ્રકારના કેસોનો પરસ્પર સહમતીથી નિકાલ કરવામાં આવ્યો હતો. લોક અદાલતને કારણે લોકોના નાણાં અને સમયની મોટી બચત થાય છે અને 'બન્ને ઘરે દીવા થાય છે' તેવી ભાવના સાર્થક થાય છે. અહીં કેસોનો ચુકાદો આખરી હોય છે, જેમાં અપીલની કોઈ જોગવાઈ હોતી નથી અને પક્ષકારોને અન્ય કોઈ આર્થિક ખર્ચ પણ થતો નથી. આ નેશનલ લોક અદાલતને સફળ બનાવવા અને પક્ષકારોને યોગ્ય માર્ગદર્શન પૂરું પાડી સત્વરે ન્યાય અપાવવા માટે મહીસાગર ડિસ્ટ્રિક્ટ કોર્ટ જિલ્લા કાનૂની સેવા સત્તા મંડળના સચિવશ્રી કે.ટી.ગુરનાની અને સમગ્ર ટીમે ભારે જહેમત ઉઠાવી હતી.

DILIPBHAI BARIA

Photographer Santrampur, Mahisagar•

1 hr ago

મહીસાગર જિલ્લામાં આયોજિત નેશનલ લોક અદાલતને ભારે પ્રતિસાદ મળ્યો છે, જેમાં પ્રિલિટીગેશન અને પેન્ડિંગ કેસો મળીને કુલ ૯૮૬૮ કેસોનો સુખદ નિકાલ કરવામાં આવ્યો છે. નવી દિલ્હીની નેશનલ લીગલ સર્વિસીસ ઓથોરીટીના સૂચનથી મહીસાગર જિલ્લા કાનૂની સેવા સત્તા મંડળ દ્વારા ૧૧ મી જુલાઈ, ૨૦૨૬ ના રોજ આ સફળ આયોજન કરાયું હતું. મુખ્ય જિલ્લા ન્યાયાધીશ શ્રી એમ.એન.ગડકરીના માર્ગદર્શન હેઠળ યોજાયેલી આ લોક અદાલતમાં પક્ષકારો તરફથી બહોળો પ્રતિસાદ મળ્યો હતો. આ આયોજન દરમિયાન

જિલ્લાની વિવિધ અદાલતોમાં સમાધાન પાત્ર પ્રિલિટીગેશનના ૮૨૬૮ અને પેન્ડિંગ ૧૬૦૦ કેસોનો સફળતાપૂર્વક નિકાલ કરવામાં આવ્યો હતો. આ લોક અદાલતમાં મોટર અકસ્માત, બેંક લેણા, ચેક રીટર્ન, સામાન્ય મારામારીના સમાધાન પાત્ર કેસો, મિલકત સંબંધી દાવાઓ, લગ્ન સંબંધી કેસો, સમાધાન પાત્ર વીજળી તથા પાણીના બિલના કેસો, જમીન સંપાદનના કેસો અને સર્વિસ મેટર જેવા વિવિધ પ્રકારના કેસોનો પરસ્પર સહમતીથી નિકાલ કરવામાં આવ્યો હતો. લોક અદાલતને કારણે લોકોના નાણાં અને સમયની મોટી બચત થાય

છે અને 'બન્ને ઘરે દીવા થાય છે' તેવી ભાવના સાર્થક થાય છે. અહીં કેસોનો ચુકાદો આખરી હોય છે, જેમાં અપીલની કોઈ જોગવાઈ હોતી નથી અને પક્ષકારોને અન્ય કોઈ આર્થિક ખર્ચ પણ થતો નથી. આ નેશનલ લોક અદાલતને સફળ બનાવવા અને પક્ષકારોને યોગ્ય માર્ગદર્શન પૂરું પાડી સત્વરે ન્યાય અપાવવા માટે મહીસાગર ડિસ્ટ્રિક્ટ કોર્ટ જિલ્લા કાનૂની સેવા સત્તા મંડળના સચિવશ્રી કે.ટી.ગુરનાની અને સમગ્ર ટીમે ભારે જહેમત ઉઠાવી હતી.