காஞ்சிபுரம் மாவட்டம் கிளார் ஊராட்சியில் உள்ள அறம் வளர்நாயகி சமேத அருள்மிகு அகத்தீஸ்வரர் திருக்கோயிலில் ஆடி மாத பிரதோஷ வழிபாடு வெகு விமர்சையாகக் கொண்டாடப்பட்டது. கைலாய மலையிலிருந்து தென்திசை நோக்கி வந்த அகத்திய மாமுனிவர் தாமே பிரதிஷ்டை செய்து சிவபெருமானை வழிபட்ட புனிதமான தலங்களில் ஒன்றாக இக்கோயில் விளங்குகிறது. தேவலோக பிரதோஷக் காலமாக கருதப்படும் இந்நாளில், பிரதோஷ வேளையில் அறம் வளர்நாயகி அம்பிகையும் அகத்தீஸ்வர பெருமானும் நந்திதேவருக்கு நடுவே வீற்றிருந்து அருள் பாலித்தனர். இச்சிறப்புமிக்க நாளில் செய்யப்படும் வழிபாடு வழக்கமான வழிபாட்டை விடப் பல மடங்கு புண்ணிய பலன்களைத் தரும் என்பதால், இரவு நேரத்திலும் ஏராளமான பக்தர்கள் சுவாமி தரிசனம் செய்தனர். பிரதோஷ வழிபாட்டின் ஒரு பகுதியாக, காஞ்சிபுரம் சதாவரம் அரசு இசைப்பள்ளி மற்றும் சிதம்பரம் ஆலவாய் அண்ணல் தேவார பாடசாலையைச் சேர்ந்த மாணவ-மாணவிகள் ஒன்றிணைந்து தேவாரம் மற்றும் பக்திப் பாடல்களைப் பாடினர். தொடர்ந்து இசைப்பள்ளி மாணவிகளின் பரதநாட்டிய நிகழ்ச்சியும் நடைபெற்றது. ஆன்மீகமும் கலையும் இணைந்து நடைபெற்ற இந்நிகழ்ச்சிகள் பக்தர்களைப் பெரிதும் கவர்ந்தன. இதனிடையே, அகத்தீஸ்வரர் திருக்கோயிலுக்குச் செல்வதற்கு நிரந்தர பாதை வசதி அமைக்கப்பட வேண்டும் என்பதை வலியுறுத்தி, அங்கு திரண்ட பக்தர்கள் அனைவரும் ஒன்றிணைந்து மனமுருகி கூட்டுப் பிரார்த்தனை மேற்கொண்டனர்.

E.LAKSHMI KANTHAN

பத்திரிகையாளர் காஞ்சிபுரம், காஞ்சிபுரம், தமிழ்நாடு•

20 hrs ago

காஞ்சிபுரம் மாவட்டம் கிளார் ஊராட்சியில் உள்ள அறம் வளர்நாயகி சமேத அருள்மிகு அகத்தீஸ்வரர் திருக்கோயிலில் ஆடி மாத பிரதோஷ வழிபாடு வெகு விமர்சையாகக் கொண்டாடப்பட்டது. கைலாய மலையிலிருந்து தென்திசை நோக்கி வந்த அகத்திய மாமுனிவர் தாமே பிரதிஷ்டை செய்து சிவபெருமானை வழிபட்ட புனிதமான தலங்களில் ஒன்றாக இக்கோயில் விளங்குகிறது. தேவலோக பிரதோஷக் காலமாக கருதப்படும் இந்நாளில், பிரதோஷ வேளையில் அறம் வளர்நாயகி அம்பிகையும் அகத்தீஸ்வர பெருமானும் நந்திதேவருக்கு நடுவே வீற்றிருந்து அருள் பாலித்தனர். இச்சிறப்புமிக்க நாளில் செய்யப்படும் வழிபாடு வழக்கமான வழிபாட்டை விடப் பல மடங்கு புண்ணிய பலன்களைத் தரும் என்பதால், இரவு நேரத்திலும் ஏராளமான பக்தர்கள் சுவாமி தரிசனம் செய்தனர். பிரதோஷ வழிபாட்டின் ஒரு பகுதியாக, காஞ்சிபுரம் சதாவரம் அரசு இசைப்பள்ளி மற்றும் சிதம்பரம் ஆலவாய் அண்ணல் தேவார பாடசாலையைச் சேர்ந்த மாணவ-மாணவிகள் ஒன்றிணைந்து தேவாரம் மற்றும் பக்திப் பாடல்களைப் பாடினர். தொடர்ந்து இசைப்பள்ளி மாணவிகளின் பரதநாட்டிய நிகழ்ச்சியும் நடைபெற்றது. ஆன்மீகமும் கலையும் இணைந்து நடைபெற்ற இந்நிகழ்ச்சிகள் பக்தர்களைப் பெரிதும் கவர்ந்தன. இதனிடையே, அகத்தீஸ்வரர் திருக்கோயிலுக்குச் செல்வதற்கு நிரந்தர பாதை வசதி அமைக்கப்பட வேண்டும் என்பதை வலியுறுத்தி, அங்கு திரண்ட பக்தர்கள் அனைவரும் ஒன்றிணைந்து மனமுருகி கூட்டுப் பிரார்த்தனை மேற்கொண்டனர்.