‘प्रधानमंत्री सिल्व्हर कप’ स्पर्धेत रत्नागिरीचे पोलीस अधीक्षक नितीन बगाटे प्रथम पाच अधिकाऱ्यांमध्ये रत्नागिरी जिल्हा पोलीस दलासाठी अभिमानाची आणि कौतुकाची बाब समोर आली आहे. ‘प्रधानमंत्री सिल्व्हर कप’ स्पर्धेत रत्नागिरीचे पोलीस अधीक्षक नितीन बगाटे यांची देशातील ‘प्रथम पाच’ पोलीस अधिकाऱ्यांमध्ये निवड झाली आहे. त्यांच्या संकल्पनेतून साकारलेल्या RAIDS ॲपची राष्ट्रीय स्तरावर दखल घेण्यात आली असून, या ॲपचे सादरीकरण हैदराबाद येथील सरदार वल्लभभाई पटेल राष्ट्रीय पोलीस अकादमीत करण्यात आले. अज्ञात आणि बेवारस मृतदेहांची ओळख पटविण्यासाठी कृत्रिम बुद्धिमत्ता अर्थात AI तंत्रज्ञानाचा वापर या ॲपच्या माध्यमातून केला जातो. मृतदेहाची अवस्था खराब असल्यामुळे चेहरा ओळखणे कठीण असतानाही उपलब्ध छायाचित्रे आणि माहितीच्या आधारे चेहऱ्याची डिजिटल प्रतिकृती तयार करून ओळख पटविण्यास मदत केली जाते. बेपत्ता व्यक्तींच्या शोधासाठीही चेहऱ्याच्या विविध डिजिटल प्रतिकृती तयार करून तांत्रिक पद्धतीने शोध घेण्यात येतो. आतापर्यंत RAIDS ॲपमध्ये १५३ बेवारस मृतदेहांची नोंद करण्यात आली आहे. रत्नागिरी जिल्ह्यातील १३५ मृतदेहांच्या डिजिटल प्रतिकृती तयार करण्यात आल्या असून, त्यापैकी १४ प्रकरणांमध्ये ओळख पटविण्यात यश आले आहे. जिल्ह्याबाहेरील १९ बेवारस मृतदेहांपैकी ७ प्रकरणांमध्येही ओळख पटविण्यात आली आहे. तसेच ॲपमध्ये ३८१ बेपत्ता व्यक्तींची नोंद असून, रत्नागिरी जिल्ह्यातील ११ बेपत्ता व्यक्तींच्या शोधात यश आले आहे. AI आणि आधुनिक तंत्रज्ञानाचा प्रभावी वापर करून पोलिसिंगमध्ये नवा प्रयोग करणाऱ्या RAIDS ॲपची ‘प्रधानमंत्री सिल्व्हर कप’ स्पर्धेतील प्रथम पाच अधिकाऱ्यांमध्ये झालेली निवड ही रत्नागिरी जिल्हा पोलीस दलाच्या नाविन्यपूर्ण कार्याची राष्ट्रीय स्तरावर झालेली महत्त्वपूर्ण दखल मानली जात आहे.

1 hr ago

राकेश कोळी

Local News Reporter खेड, रत्नागिरी, महाराष्ट्र•

1 hr ago

‘प्रधानमंत्री सिल्व्हर कप’ स्पर्धेत रत्नागिरीचे पोलीस अधीक्षक नितीन बगाटे प्रथम पाच अधिकाऱ्यांमध्ये रत्नागिरी जिल्हा पोलीस दलासाठी अभिमानाची आणि कौतुकाची बाब समोर आली आहे. ‘प्रधानमंत्री सिल्व्हर कप’ स्पर्धेत रत्नागिरीचे पोलीस अधीक्षक नितीन बगाटे यांची देशातील ‘प्रथम पाच’ पोलीस अधिकाऱ्यांमध्ये निवड झाली आहे. त्यांच्या संकल्पनेतून साकारलेल्या RAIDS ॲपची राष्ट्रीय स्तरावर दखल घेण्यात आली असून, या ॲपचे सादरीकरण हैदराबाद येथील सरदार वल्लभभाई पटेल राष्ट्रीय पोलीस अकादमीत करण्यात आले. अज्ञात आणि बेवारस मृतदेहांची ओळख पटविण्यासाठी कृत्रिम बुद्धिमत्ता अर्थात AI तंत्रज्ञानाचा वापर या ॲपच्या माध्यमातून केला जातो. मृतदेहाची अवस्था खराब असल्यामुळे चेहरा ओळखणे कठीण असतानाही उपलब्ध छायाचित्रे आणि माहितीच्या आधारे चेहऱ्याची डिजिटल प्रतिकृती तयार करून ओळख पटविण्यास मदत केली जाते. बेपत्ता व्यक्तींच्या शोधासाठीही चेहऱ्याच्या विविध डिजिटल प्रतिकृती तयार करून तांत्रिक पद्धतीने शोध घेण्यात येतो. आतापर्यंत RAIDS ॲपमध्ये १५३ बेवारस मृतदेहांची नोंद करण्यात आली आहे. रत्नागिरी जिल्ह्यातील १३५ मृतदेहांच्या डिजिटल प्रतिकृती तयार करण्यात आल्या असून, त्यापैकी १४ प्रकरणांमध्ये ओळख पटविण्यात यश आले आहे. जिल्ह्याबाहेरील १९ बेवारस मृतदेहांपैकी ७ प्रकरणांमध्येही ओळख पटविण्यात आली आहे. तसेच ॲपमध्ये ३८१ बेपत्ता व्यक्तींची नोंद असून, रत्नागिरी जिल्ह्यातील ११ बेपत्ता व्यक्तींच्या शोधात यश आले आहे. AI आणि आधुनिक तंत्रज्ञानाचा प्रभावी वापर करून पोलिसिंगमध्ये नवा प्रयोग करणाऱ्या RAIDS ॲपची ‘प्रधानमंत्री सिल्व्हर कप’ स्पर्धेतील प्रथम पाच अधिकाऱ्यांमध्ये झालेली निवड ही रत्नागिरी जिल्हा पोलीस दलाच्या नाविन्यपूर्ण कार्याची राष्ट्रीय स्तरावर झालेली महत्त्वपूर्ण दखल मानली जात आहे.

More news from Maharashtra and nearby areas