తెలంగాణ రాష్ట్రంలోని విద్యాసంస్థల్లో విద్యారంగ సమస్యలు 'ఎక్కడ వేసిన గొంగడి అక్కడే' అన్న చందంగా మారాయని అఖిల భారత ప్రజాతంత్ర విద్యార్థి సమాఖ్య (AIFDS) రాష్ట్ర అధ్యక్ష, కార్యదర్శులు పల్లె మురళి, జబ్బర్ తీవ్ర ఆవేదన వ్యక్తం చేశారు. కామారెడ్డి జిల్లాలో, విద్యార్థులు ఎదుర్కొంటున్న పలు కీలక సమస్యలను వెంటనే పరిష్కరించాలని AIFDS కమిటీ తరఫున వారు ప్రభుత్వానికి విప్లవ అభివందనాలతో ఒక ప్రకటన విడుదల చేశారు. ఈ ప్రకటన ద్వారా వారు తమ డిమాండ్లను ముందుంచారు.

ప్రపంచ పర్యావరణ దినోత్సవం సందర్భంగా ప్రతి ఒక్కరూ మొక్కలు నాటి వాటిని పెంచాలని మెదక్ ఎంపీ రఘునందన్ రావు పిలుపునిచ్చారు. శుక్రవారం నూతన భారతీయ జనతా పార్టీ కార్యాలయ ఆవరణలో మొక్కలు నాటిన ఆయన, పెరుగుతున్న కాలుష్యం వల్ల వాతావరణ సమతుల్యత దెబ్బతింటోందని, వేసవిలో ఏసీలు లేకుండా ఉండలేని పరిస్థితి నెలకొందని అన్నారు. ప్లాస్టిక్ వస్తువుల అధిక వినియోగం వల్ల క్యాన్సర్ కణాలు శరీరంలో ప్రవేశించి క్యాన్సర్ రోగానికి కారణమవుతున్నాయని, పాలు, పెరుగు, టీ కప్పులు, ఇస్తరాకులు, త్రాగే మంచినీటితో సహా అన్నీ ప్లాస్టిక్‌లో వస్తున్నందున దేశంలో డయాబెటిక్ రోగుల కంటే క్యాన్సర్ రోగులు రోజురోజుకు పెరుగుతున్నారని ఆయన ఆందోళన వ్యక్తం చేశారు. ప్రజలు అవగాహన పెంపొందించుకొని స్వచ్ఛందంగా ప్లాస్టిక్ వినియోగం తగ్గించుకొని ఆరోగ్యంగా జీవించాలని సూచించారు. ఈ నెల రోజుల్లో మెదక్ నుండి ఎల్కతుర్తి జాతీయ రహదారికి ఇరువైపులా లక్ష మొక్కలు ఒకేసారి నాటే కార్యక్రమానికి పూనుకున్నట్లు ఎంపీ రఘునందన్ రావు తెలిపారు. త్వరలో తేదీని ప్రకటిస్తామని, ఆ రోజున జాతీయ రహదారిని ఆనుకొని ఉన్న గ్రామాల ప్రజలు, అంగన్‌వాడీ కార్యకర్తలు, ఆశా కార్యకర్తలు, విద్యార్థులు, గ్రామ సర్పంచులు, ఉపాధ్యాయులు, ఉద్యోగులు అందరూ కదిలి వచ్చి మొక్కలు నాటి రహదారికి పూర్వ వైభవం తీసుకురావాలని ఆయన కోరారు. దేశ ప్రధాని నరేంద్ర మోడీ పిలుపు మేరకు ప్రతి ఒక్కరూ అమ్మ పేరు మీద ఒక మొక్క నాటి, దానిని సంరక్షించే బాధ్యత తీసుకోవాలని, దేశవ్యాప్తంగా భారతీయ జనతా పార్టీ కార్యకర్తలు, నాయకులు ఈ కార్యక్రమాన్ని ప్రారంభించినట్లు ఆయన వివరించారు. భావితరాలకు ఆరోగ్యవంతమైన సమాజాన్ని నిర్మించేందుకు ప్రతి ఒక్కరూ మొక్కలు నాటాలని ఎంపీ రఘునందన్ రావు పిలుపునిచ్చారు. ఈ కార్యక్రమంలో బిజెపి జిల్లా ప్రధాన కార్యదర్శి రంజిత్ రెడ్డి, రాగి రాములు, వెల్మకన్న రాజేందర్, బెండవీన నాయన ప్రసాద్, పాపన్నపేట, హవేలీ ఘన్పూర్, నర్సింగి, చిన్న శంకరంపేట, మెదక్ మండలం, మెదక్ పట్టణం బిజెపి కార్యకర్తలు, నాయకులు తదితరులు పాల్గొన్నారు.

రాజన్న సిరిసిల్ల జిల్లా వేములవాడలోని శ్రీ రాజరాజేశ్వర స్వామి దేవస్థానం అనుబంధ ఆలయమైన శ్రీ భీమేశ్వర స్వామి వారిని చొప్పదండి నియోజకవర్గ ఎమ్మెల్యే, కరీంనగర్ డీసీసీ అధ్యక్షులు (ఐఎన్‌సీ) మేడిపల్లి సత్యం తమ జన్మదిన సందర్భంగా దర్శించుకుని ప్రత్యేక పూజలు నిర్వహించారు. ఆలయానికి చేరుకున్న శ్రీ మేడిపల్లి సత్యంకి ఆలయ అర్చకులు, వేద పండితులు స్వస్తితో స్వాగతం పలికారు. అనంతరం స్వామివారి మండపంలో ఆలయ అర్చకులు, వేద పండితులు వేదాశీర్వచనం అందజేసి, తీర్థ ప్రసాదాలు అందించారు. ఈ సందర్భంగా ఆలయ ప్రోటోకాల్ పర్యవేక్షకులు గౌరీభట్ల శ్రీనివాస్ శర్మ స్వామివారి శేషవస్త్రం, లడ్డు ప్రసాదాన్ని ఎమ్మెల్యేకు అందజేశారు. జన్మదిన వేడుకల సందర్భంగా స్వామివారి ఆశీస్సులు పొందిన శ్రీ మేడిపల్లి సత్యం గారు రాష్ట్ర ప్రజలు సుఖశాంతులతో ఉండాలని ప్రార్థించారు.

సిద్దిపేట జిల్లాలోని హుస్నాబాద్ అంబేద్కర్ చౌరస్తాలో ప్రజా సంఘాల జేఏసీ నాయకుల ఆధ్వర్యంలో ధర్నా నిర్వహించారు. తెలంగాణ ప్రజలపై అనుచిత వ్యాఖ్యలు చేశారని ఆరోపిస్తూ ఏపీ డిప్యూటీ సీఎం పవన్ కళ్యాణ్ దిష్టిబొమ్మను దహనం చేశారు. ఈ సందర్భంగా ఆందోళనకారులు "తెలంగాణ ద్రోహులరా ఖబర్దార్" అంటూ నినాదాలు చేశారు. జేఏసీ కన్వీనర్ కవ్వ లక్ష్మారెడ్డి మాట్లాడుతూ, ఇటీవల కాలంలో ప్రధాని మోదీ నుండి బీజేపీ నేతల వ్యాఖ్యలు తెలంగాణ ప్రజలను, ఉద్యమాలను అవమానపరిచే విధంగా ఉన్నాయని మండిపడ్డారు. ముఖ్యంగా పవన్ కళ్యాణ్ చేసిన "తెలంగాణ వాళ్ళ దిష్టి తగిలి కోస్తాంధ్ర వాళ్ళ కొబ్బరి చెట్లు మాడిపోయాయని" వ్యాఖ్య దుర్మార్గమైనదని తీవ్రంగా ఖండించారు. తెలంగాణ ద్రోహులు తెలంగాణను ఆగం చేస్తున్నారని, గొప్ప ప్రజాకవి గద్దర్ ను అవమానపరుస్తున్నారని ఆయన ఆరోపించారు. పోరాడి సాధించుకున్న తెలంగాణ రాష్ట్రాన్ని సీమాంధ్ర పెట్టుబడిదారులే నడిపిస్తున్నారని, వారి కుట్రలు ఇక చెల్లవని స్పష్టం చేశారు. తెలంగాణ ఉద్యమంపై, ప్రజలపై అనుచిత వ్యాఖ్యలు చేయడం ఇకనైనా మానుకోవాలని కవ్వ లక్ష్మారెడ్డి సూచించారు.

గన్నేరువరం మండలంలోని కాసంపేటలో సుప్రసిద్ధ స్వయంభు మానసా దేవి ఆలయానికి శుక్రవారం భక్తులు అధిక సంఖ్యలో తరలివచ్చారు. వేల సంఖ్యలో వచ్చిన భక్తులతో ఆలయం కిటకిటలాడింది. ఈ సందర్భంగా భక్తులు మానసా దేవి, అపురూప లక్ష్మి అమ్మవార్లకు క్షీరాభిషేకం నిర్వహించారు. అంతేకాకుండా, 108 శివలింగాలకు, జంట నాగులకు జలాభిషేకం చేసి, ఆలయ ఆవరణలో దీపాలను వెలిగించారు. తమ కోరికలు నెరవేరాలని అమ్మవార్లకు ముడుపులు కట్టి, మొక్కులు చెల్లించుకున్నారు. అధిక సంఖ్యలో తరలివచ్చిన భక్తుల సౌకర్యార్థం, మానసా దేవి అన్నదాన సత్రంలో ప్రతిరోజు అన్నదాన కార్యక్రమం నిర్వహిస్తున్నట్లు ఆలయ కమిటీ చైర్మన్ ఏలేటి చంద్రారెడ్డి తెలిపారు.

తెలంగాణకు మోదీ ఏమిచ్చాడు? అని ప్రశ్నించే వారికి సమాధానంగా, గత 45 రోజుల్లో కేంద్ర ప్రభుత్వం తెలంగాణ రాష్ట్రానికి అందించిన నిధులే సాక్ష్యంగా నిలుస్తాయని ఈ సమాచారం స్పష్టం చేస్తుంది.

రాష్ట్ర ముఖ్యమంత్రి తన 99 రోజుల ప్రజా పాలన ప్రణాళికలో భాగంగా పెద్ద ఎత్తున బహిరంగ సభలు నిర్వహించి, ఇచ్చిన హామీలన్నీ అమలు చేశామని గొప్పలు చెబుతున్నారని, అయితే వ్యవసాయ కార్మికులకు సంవత్సరానికి ఇస్తామన్న 12,000 రూపాయలు ఎంతమందికి ఇచ్చారో ఎందుకు చూపడం లేదని ఆల్ ఇండియా అగ్రికల్చర్ వర్కర్స్ యూనియన్ జిల్లా ప్రధాన కార్యదర్శి సుంకరి సంపత్ ప్రభుత్వాన్ని ప్రశ్నించారు. ఈ విషయమై ఆయన జిల్లా ఆఫీసులో జరిగిన ముఖ్య కార్యకర్తల సమావేశంలో ప్రసంగించారు. ఎన్నికల సమయంలో కాంగ్రెస్ ప్రభుత్వం నిరుపేద ప్రజలకు మొత్తం 420 హామీలు ఇచ్చిందని, వాటిని విస్మరించి ఏ విధంగా ప్రగతి ప్రణాళిక సాధించామని చెబుతారని సంపత్ అన్నారు. ఉపాధి హామీ కార్మికులకు సంవత్సరానికి 250 రోజులు పని కల్పిస్తామని, పని ప్రదేశాలలో మౌలిక సదుపాయాలు కల్పిస్తామని హామీ ఇచ్చారని, అయితే ఇప్పటివరకు ఏ ఒక్క హామీ కూడా అమలు చేయలేదని ఆయన విమర్శించారు. పెన్షన్‌ను 2,000 రూపాయల నుండి 4,000 రూపాయలకు పెంచుతామని చెప్పి, దాని ఊసే ఎత్తడం లేదని ఆయన పేర్కొన్నారు. నిరుపేదలకు ఇళ్ళ స్థలాలు ఇస్తామని హామీ ఇచ్చినా, 99 రోజుల ప్రణాళికలో ఏ ఒక్క జిల్లాలో కూడా ప్రభుత్వ భూమిని లేదా ఇతర ప్రభుత్వ భూమిని గుర్తించి ఇళ్ళ స్థలాల పట్టాలు ఇచ్చిన దాఖలాలు లేవని స్పష్టం చేశారు. ఇచ్చిన హామీలను అమలు చేసేందుకు ప్రభుత్వం ప్రయత్నించాలని డిమాండ్ చేశారు. మరోవైపు, బిజెపి ప్రభుత్వం పేదల నడ్డి విరిచే విధంగా ప్రజలపై పెట్రోల్, గ్యాస్, డీజిల్, సిఎన్‌జి గ్యాస్‌ల ధరలను పెంచి భారాలు మోపుతోందని సంపత్ ఆరోపించారు. లక్షల కోట్ల రూపాయల విలువ చేసే బంగారాన్ని విదేశాల్లో అమ్ముతూ, లక్షల కోట్ల రూపాయల రాయితీలను బడా కార్పొరేట్ సంస్థలకు ఇస్తున్నారని, కానీ ఉపాధి హామీ కార్మికులకు ఇవ్వాల్సిన కూలీ డబ్బులు ఇవ్వకుండా ఇబ్బందులకు గురిచేస్తున్నారని ఆయన అన్నారు. పని ప్రదేశాలలో గత చట్టంలో ఉన్న సౌకర్యాలను పూర్తిగా తొలగించారని పేర్కొన్నారు. ఈ విషయాలపై కాంగ్రెస్ ప్రభుత్వం మాటలకే పరిమితమైందని, కేంద్ర ప్రభుత్వంపై ఎటువంటి ఒత్తిడి తీసుకురావడం లేదని ఆయన విమర్శించారు. రాష్ట్రంలో కాంగ్రెస్ ప్రభుత్వం, కేంద్రంలో బిజెపి ప్రభుత్వం రెండూ ప్రజలను మాటలతో మోసం చేస్తూ ప్రజలపై భారాలు మోపే విధానాలను కొనసాగిస్తున్నాయని ఆయన అభిప్రాయపడ్డారు. కేంద్ర, రాష్ట్ర ప్రభుత్వాలు అనుసరిస్తున్న ప్రజా వ్యతిరేక విధానాలపై క్షేత్రస్థాయిలో ఆల్ ఇండియా అగ్రికల్చర్ వర్కర్స్ యూనియన్ ఈ విధానాలను ఎండగడుతూ ప్రజలను సమరశీల పోరాటాలకు సంసిద్ధం చేస్తుందని సంపత్ అన్నారు. ఇచ్చిన హామీలు అమలు చేయకుండా ప్రజలపై భారాలు వేస్తే ప్రజా ఆగ్రహానికి గురికాక తప్పదని ఆయన హెచ్చరించారు. ఈ కార్యక్రమంలో జిల్లా అధ్యక్షులు రాయి కంటి శ్రీనివాస్, జిల్లా కమిటీ సభ్యులు మిరాల రవి, జిల్లా నాయకులు బిస వెంకటేష్, మల్లేష్ తదితరులు పాల్గొన్నారు.

తెలంగాణ రాష్ట్రంలోని విద్యాసంస్థల్లో విద్యారంగ సమస్యలు 'ఎక్కడ వేసిన గొంగడి అక్కడే' అన్న చందంగా మారాయని అఖిల భారత ప్రజాతంత్ర విద్యార్థి సమాఖ్య (AIFDS) రాష్ట్ర అధ్యక్ష, కార్యదర్శులు పల్లె మురళి, జబ్బర్ తీవ్ర ఆవేదన వ్యక్తం చేశారు. కామారెడ్డి జిల్లాలో, విద్యార్థులు ఎదుర్కొంటున్న పలు కీలక సమస్యలను వెంటనే పరిష్కరించాలని AIFDS కమిటీ తరఫున వారు ప్రభుత్వానికి విప్లవ అభివందనాలతో ఒక ప్రకటన విడుదల చేశారు. ఈ ప్రకటన ద్వారా వారు తమ డిమాండ్లను ముందుంచారు.

పర్యావరణ పరిరక్షణ ప్రతి ఒక్కరి బాధ్యత అని, భవిష్యత్ తరాలకు స్వచ్ఛమైన వాతావరణాన్ని అందించేందుకు మొక్కలు నాటాలని జిల్లా కలెక్టర్ గరిమ అగ్రవాల్ పిలుపునిచ్చారు. 'ప్రజాపాలన - ప్రగతి ప్రణాళిక 99 రోజుల కార్యాచరణ'లో భాగంగా, ప్రపంచ పర్యావరణ దినోత్సవం సందర్భంగా శుక్రవారం ఎల్లారెడ్డిపేట మండలం వెంకటాపూర్ సమీపంలోని పోతిరెడ్డిపల్లె ఫారెస్ట్ రిజర్వ్ బ్లాక్‌లోని అర్బన్ ఫారెస్ట్ పార్క్‌లో అటవీ శాఖ ఆధ్వర్యంలో నిర్వహించిన "ఏక్ పెడ్ మా కే నామ్" పేరుతో ఎక్కువ సాంద్రత కలిగిన మొక్కలు నాటే కార్యక్రమంలో కలెక్టర్ ముఖ్య అతిథిగా పాల్గొన్నారు. ముందుగా ఆమె మొక్క నాటి కార్యక్రమాన్ని ప్రారంభించారు. అనంతరం గ్రామంలోని మహిళలు, విద్యార్థులతో ఏర్పాటు చేసిన అవగాహన సమావేశంలో పర్యావరణ పరిరక్షణపై మాట్లాడుతూ, ప్రతి ఇంటి ఆవరణలో మొక్కలు నాటడానికి గ్రామంలోని నర్సరీ ద్వారా మొక్కలను పంపిణీ చేస్తామని తెలిపారు. నాటిన మొక్కలను సంరక్షించేలా పర్యవేక్షణ చేయాలని, అడవుల శాతం ఎక్కువగా ఉంటేనే వర్షాలు సమృద్ధిగా కురుస్తాయని అందరూ గుర్తించి మొక్కలను పెంచాలని సూచించారు. ప్లాస్టిక్ వినియోగాన్ని పూర్తిగా నియంత్రించడానికి కృషి చేయాలని, ఎల్లారెడ్డిపేట మండలంలోని అన్ని గ్రామాల్లో స్టీల్ బ్యాంకులు ఏర్పాటు చేయడానికి అధికారులు, ప్రజాప్రతినిధులు చొరవ తీసుకోవాలని కోరారు. హరిదాస్ నగర్ గ్రామంలో స్టీల్ బ్యాంకు ఏర్పాటు చేసినందుకు గ్రామ సర్పంచ్ ను కలెక్టర్ అభినందించారు. పర్యావరణ పరిరక్షణలో ప్రతి ఒక్కరూ భాగస్వామ్యులై, మొక్కలను నాటి తమ వంతు బాధ్యతను నిర్వర్తించాలని ఆమె తిరిగి పిలుపునిచ్చారు. కాలుష్య నియంత్రణ మండలి ఆధ్వర్యంలో ప్లాస్టిక్‌కు ప్రత్యామ్నాయంగా పేపర్ ప్లేట్, గ్లాసుల వినియోగంపై ఏర్పాటు చేసిన స్టాల్‌ను కూడా కలెక్టర్ సందర్శించారు. అర్బన్ ఫారెస్ట్ పార్క్‌లోని పిల్లలు ఆడుకునే స్థలం, యోగా షెడ్, వాకింగ్ ట్రాక్, గెజెబో, బెంచీలు, హెర్బల్ గార్డెన్, బుద్ధ విగ్రహం, నీటి మధ్యలో ఉండే బ్రిడ్జ్‌ను పరిశీలించిన కలెక్టర్, అధికారులకు పలు సూచనలు చేశారు. అర్బన్ ఫారెస్ట్ పార్క్‌లో పచ్చదనం, సందర్శకుల సౌకర్యార్థం కల్పించిన మౌలిక సదుపాయాలు, అటవీ సంపదపై విస్తృత ప్రచారం కల్పించి, సందర్శకులు వచ్చేలా సామాజిక మాధ్యమాల వేదికగా రీల్స్ పోటీలు నిర్వహించాలని జిల్లా కలెక్టర్ గరిమ అగ్రవాల్ ఆదేశించారు. అందరినీ ఆకర్షించేలా పార్క్‌పై రీల్స్ పోటీలను నిర్వహించాలని, పార్క్‌లోని విశేషాలు అందరికీ తెలిసేలా సృజనాత్మకంగా రీల్స్ రూపొందించి, సామాజిక మాధ్యమాల ద్వారా ప్రచారం చేయడం ద్వారా ప్రజల్లో అవగాహన పెంపొందుతుందని అన్నారు. రీల్స్ పోటీలలో అత్యుత్తమంగా రీల్స్ రూపొందించిన వారికి నగదు ప్రోత్సాహకాలను అందజేస్తామని జిల్లా కలెక్టర్ తెలిపారు. ఈ కార్యక్రమంలో వ్యవసాయ మార్కెట్ కమిటీ చైర్‌పర్సన్ సబేరా బేగం, డీఎస్పీ నాగేంద్రచారి, డీఆర్‌డీఓ లక్ష్మీనారాయణ, డీఏఓ అఫ్జల్ బేగం, హార్టికల్చర్ అధికారి శరత్, డీవైఎస్‌ఓ రాందాస్, ఏడీ మైన్స్ క్రాంతి, ఎఫ్‌ఆర్‌ఓ నాగేశ్వర్ రావు, హరిదాస్ నగర్, పదిర సర్పంచులు నాగరాజు, మణెమ్మ, తహసీల్దార్ సుజాత, ఎంపీడీఓ సత్తయ్య తదితరులు పాల్గొన్నారు.

కరీంనగర్ పార్లమెంట్ నియోజకవర్గంలో బీఆర్ఎస్ నాయకులు కళ్ళుండి అభివృద్ధిని చూడలేదని, బీఆర్ఎస్ పదేళ్ల పాలనలో చేయలేని అభివృద్ధి పనులను కేంద్ర మంత్రి బండి సంజయ్ కుమార్ ఏడేళ్లలో చేసి చూపించారని బీజేపీ రాష్ట్ర అధికార ప్రతినిధి, డిప్యూటీ మేయర్ యాదగిరి సునీల్ రావు ఆరోపించారు. బీఆర్ఎస్ నాయకులు ఎప్పుడు మాట్లాడినా తమ ప్రభుత్వం తీసుకొచ్చిన పనులంటూ గొప్పలు చెప్పుకోవడం తప్పా చేసిందేమీ లేదని విమర్శించారు. పదేళ్లు అధికారంలో ఉన్నప్పుడు పనులు చేయకుండా ఎవరు అడ్డుకున్నారని, అధికారంలో ఉన్నప్పుడు పనులు ఎందుకు ప్రారంభించలేదని ఆయన సూటిగా ప్రశ్నించారు. బండి సంజయ్ కుమార్ నాయకత్వంలో, నేషనల్ హైవే అథారిటీ ఆఫ్ ఇండియా ఆధ్వర్యంలో కరీంనగర్ నుండి వరంగల్ జాతీయ రహదారి పనులు గత మూడు సంవత్సరాలుగా జరుగుతున్నాయని, మరో ఆరు మాసాల్లో ప్రజలకు అందుబాటులోకి వస్తుందని తెలిపారు. కరీంనగర్ నుండి జగిత్యాల ప్రధాన రహదారికి రూ. 2,395 కోట్లతో అన్ని రకాల అనుమతులు తీసుకొని, దాదాపు 300 ఎకరాల భూమిని సేకరించడం జరిగిందని చెప్పారు. సగం మందికి పైగా డబ్బులు చెల్లించి, అనుమతులు పొంది ఈ ప్రాజెక్టు పనులు ప్రారంభించడానికి సిద్ధంగా ఉందని, దీనికి 2016లోనే అనుమతులు వచ్చాయని బీఆర్ఎస్ నాయకులు మాట్లాడటం శోచనీయం అన్నారు. రెండు జాతీయ రహదారులను దాదాపు రూ. 6 వేల కోట్ల పై చిలుకు నిధులతో సాధించిన ఘనత బండి సంజయ్ కుమార్ దని, త్వరలోనే మంత్రి నితిన్ గడ్కరీ వచ్చి పనులు ప్రారంభం చేసే అవకాశం ఉందని తెలిపారు. నియోజకవర్గంలోని ప్రధాన రోడ్ల సమస్యల పరిష్కారానికి రూ. 800 కోట్ల సీఆర్ఎఫ్ నిధులు, చొప్పదండి నుండి మల్యాల రోడ్డుకు రూ. 50 కోట్లు, లోయర్ మానేరు డ్యాంలో గన్నేరువరం నుండి కరీంనగర్ వరకు రూ. 70 కోట్లతో ఆధునాతన వంతెన పనులు, రూ. 150 కోట్లతో రైల్వే ఓవర్ బ్రిడ్జ్ పనులు కొనసాగుతున్నాయని వివరించారు. కరీంనగర్ నగర అభివృద్ధి కోసం యూసిఎఫ్ కింద రూ. 840 కోట్లు తెచ్చి పనులు జరిపించే ఘనత బండి సంజయ్ కుమార్ దే అన్నారు. స్మార్ట్ సిటీ ప్రాజెక్టు వంద నగరాలకు కేంద్రం ఇచ్చిందని, అందులో తెలంగాణ రాష్ట్రం నుండి కరీంనగర్, వరంగల్ ఉన్నాయని, నరేంద్ర మోడీ నాయకత్వంలో కేంద్రం నుండి నిధులు విడుదల చేయించి స్మార్ట్ సిటీ పనులు పూర్తి చేయించిన ఘనత కేవలం బండి సంజయ్ కుమార్ కే దక్కిందని స్పష్టం చేశారు. కరీంనగర్ నగరంలో విలీన శివారు గ్రామాల సమస్యలు, డంపుయార్డు సమస్యను పరిష్కరించడానికి కేంద్రాన్ని మెప్పించి యూసిఎఫ్ స్కీం నిధులు తెచ్చారని కొనియాడారు. రూ. 277 కోట్ల నిధులతో అమృత్ పథకంలో తాగునీటి కొరతను శాశ్వతంగా దూరం చేసి, ప్రజలకు తాగునీరు అందించే పనులు చేపట్టిన ఘనత బండి సంజయ్ కుమార్ దూర దృష్టి ఫలితమే అన్నారు. సామాజిక బాధ్యతగా సి.ఎస్.ఆర్ స్కీంలో దాదాపు 20 వేల సైకిళ్లను ప్రభుత్వ పాఠశాలల పేద విద్యార్థులకు అందించారని, బీఆర్ఎస్ ప్రభుత్వం లో మంత్రులు, ఎమ్మెల్యేలకు ఇలాంటి ఆలోచన ఎందుకు రాలేదని మండిపడ్డారు. ప్రజల ఆరోగ్యం కోసం సి.ఎస్.ఆర్ నిధులతో నగరంలో 18 చోట్ల ఓపెన్ జిమ్ములను ఏర్పాటు చేసిన ఘనత కూడా బండి సంజయ్ కుమార్ దేనన్నారు. హుజూరాబాద్ వంటి పెద్ద ప్రాంతంలో క్రీడాకారుల కోసం రూ. 8 కోట్ల కేంద్ర ప్రభుత్వ నిధులతో సింథటిక్ ట్రాక్ మంజూరు చేయించారని, అన్ని ఆసుపత్రుల్లో కోట్ల రూపాయలతో అధునాతన వైద్య పరికరాలను అందించిన ఘనత కూడా బండి సంజయ్ కుమార్ కే దక్కిందన్నారు. అభివృద్ధిని చూసి ఓర్వలేక బీఆర్ఎస్ నాయకులు చౌకబారు, అవకాలు చవాకులు మాట్లాడుతున్నారని ఆరోపించారు. 5 సంవత్సరాలు శాసన సభ్యులుగా పని చేసిన సుంకే రవిశంకర్ లాంటి వ్యక్తి ఇలా మాట్లాడటం విచారకరమని అన్నారు. ప్రజల ముందున్న వాస్తవాలను గమనించి అభివృద్ధికి సహకరించాలని సూచిస్తూ, ఎలాంటి వ్యాఖ్యలు చేసినా ప్రజల నుండి బండి సంజయ్ కుమార్ మీద ఉన్న అభిమానాన్ని దూరం చేయలేరని అన్నారు. ఈ సమావేశంలో 51వ డివిజన్ కార్పొరేటర్ బండారి వేణు, 36వ డివిజన్ కార్పొరేటర్ తోట అనిల్, 57వ డివిజన్ కార్పొరేటర్ కొలిపాక రమ్మ-శ్రీనివాస్, 39వ డివిజన్ కార్పొరేటర్ మాసం గణేష్, 43వ డివిజన్ కార్పొరేటర్ పొన్నం లక్ష్మి-మొండయ్య గౌడ్, 37వ డివిజన్ కార్పొరేటర్ కె ఎపిపి చంద్ర, కో-ఆప్షన్ సభ్యులు కన్న కృష్ణ, బీజేపీ నాయకులు, బీజేపీ శ్రేణులు పాల్గొన్నారు.