संथ गतीने रस्त्याचे काम; खड्ड्यांमुळे अपघातात वाढ, नागरिक संतप्त मानवत (प्रतिनिधी):- मानवत ते पाळोदी मार्गावरील रस्ता विकास कामे संथ गतीने सुरू असल्याने नागरिकांमध्ये तीव्र नाराजी व्यक्त होत आहे. बसस्थानक ते रोडे कॉलनी दरम्यानचे काम मागील सहा महिन्यांपासून अर्धवट अवस्थेत असून, यामुळे या मार्गावर अपघातांची मालिका सुरूच आहे. मार्चअखेरमुळे काही काळ काम ठप्प झाले असले तरी एप्रिल महिन्यातही कामाचा वेग वाढलेला दिसत नाही. उन्हाचा पारा चढत असतानाही संबंधित विभाग व वरिष्ठ अधिकाऱ्यांकडून दुर्लक्ष होत असल्याचा आरोप नागरिकांकडून करण्यात येत आहे. रस्त्यावर खोदकाम करून सोडलेल्या खड्ड्यांमुळे दुचाकीस्वारांचे मोठ्या प्रमाणावर अपघात होत आहेत. अनेक ठिकाणी मोटारसायकली घसरून महिला व प्रवासी जखमी झाले असून काहींना हात-पाय फ्रॅक्चर झाल्याच्या घटनाही घडल्या आहेत. दरम्यान, आज पुन्हा एक चारचाकी वाहन खड्ड्यात जाऊन अपघातग्रस्त झाले. सुदैवाने चालकाचा जीव वाचला. स्थानिक नागरिकांनी तत्परतेने धाव घेत चालकाला बाहेर काढल्याने मोठा अनर्थ टळला. ग्रामीण भागातून मानवत शहरात येण्यासाठी हा मार्ग अत्यंत महत्त्वाचा असून अनेक गावांचा संपर्क याच रस्त्याने आहे. तरीही काम अर्धवट ठेवून नागरिकांच्या जीवाशी खेळ केला जात असल्याची संतप्त प्रतिक्रिया उमटत आहे. संबंधित कंत्राटदार व प्रशासनाने तात्काळ लक्ष देऊन काम पूर्ण करावे, अन्यथा मोठी दुर्घटना घडण्याची भीती नागरिकांनी व्यक्त केली आहे.

Kapil Ashokrao Shinde

मानवत, परभणी, महाराष्ट्र•

2 hrs ago

संथ गतीने रस्त्याचे काम; खड्ड्यांमुळे अपघातात वाढ, नागरिक संतप्त मानवत (प्रतिनिधी):- मानवत ते पाळोदी मार्गावरील रस्ता विकास कामे संथ गतीने सुरू असल्याने नागरिकांमध्ये तीव्र नाराजी व्यक्त होत आहे. बसस्थानक ते रोडे कॉलनी दरम्यानचे काम मागील सहा महिन्यांपासून अर्धवट अवस्थेत असून, यामुळे या मार्गावर अपघातांची मालिका सुरूच आहे. मार्चअखेरमुळे काही काळ काम ठप्प झाले असले तरी एप्रिल महिन्यातही कामाचा वेग वाढलेला दिसत नाही. उन्हाचा पारा चढत असतानाही संबंधित विभाग व वरिष्ठ अधिकाऱ्यांकडून दुर्लक्ष होत असल्याचा आरोप नागरिकांकडून करण्यात येत आहे. रस्त्यावर खोदकाम करून सोडलेल्या खड्ड्यांमुळे दुचाकीस्वारांचे मोठ्या प्रमाणावर अपघात होत आहेत. अनेक ठिकाणी मोटारसायकली घसरून महिला व प्रवासी जखमी झाले असून काहींना हात-पाय फ्रॅक्चर झाल्याच्या घटनाही घडल्या आहेत. दरम्यान, आज पुन्हा एक चारचाकी वाहन खड्ड्यात जाऊन अपघातग्रस्त झाले. सुदैवाने चालकाचा जीव वाचला. स्थानिक नागरिकांनी तत्परतेने धाव घेत चालकाला बाहेर काढल्याने मोठा अनर्थ टळला. ग्रामीण भागातून मानवत शहरात येण्यासाठी हा मार्ग अत्यंत महत्त्वाचा असून अनेक गावांचा संपर्क याच रस्त्याने आहे. तरीही काम अर्धवट ठेवून नागरिकांच्या जीवाशी खेळ केला जात असल्याची संतप्त प्रतिक्रिया उमटत आहे. संबंधित कंत्राटदार व प्रशासनाने तात्काळ लक्ष देऊन काम पूर्ण करावे, अन्यथा मोठी दुर्घटना घडण्याची भीती नागरिकांनी व्यक्त केली आहे.