ముఖ్యమంత్రి చంద్రబాబు అమరావతి రాజధానిలో భవిష్యత్ నగర నిర్మాణానికి అనుగుణంగా అర్బన్ మొబిలిటీ ప్లానింగ్ చేయాలని ఆదేశించారు. క్యాంపు కార్యాలయంలో సీఎం అధ్యక్షతన జరిగిన 61వ సీఆర్డీఏ అథారిటీ సమావేశంలో ఈ కీలక నిర్ణయాలు తీసుకున్నారు. సీఆర్డీఏ ప్రతిపాదించిన 18 అంశాలపై ఈ సమావేశంలో చర్చించి ఆమోదం తెలిపారు. రూ.547.07 కోట్ల వ్యయంతో హైకోర్టు భవనాలకు సంబంధించిన వివిధ మౌలిక సదుపాయాల కల్పనకు సీఆర్డీఏ అథారిటీ ఆమోదాన్ని తెలియజేసింది. పీపీపీ ప్రాతిపదికన అమరావతిలో పర్యాటకాన్ని ప్రోత్సహించేలా జెయింట్ అబ్జర్వేషన్ వీల్ నిర్మాణానికి, అలాగే పీపీపీ లేదా జాయింట్ వెంచర్ విధానంలో సిటీ గ్యాస్ డిస్ట్రిబ్యూషన్ నెట్వర్క్ కల్పనకు అథారిటీ అంగీకరించింది. ఎల్పీఎస్ లేఅవుట్లలో వీధిపోట్లు ఉన్న ప్లాట్లలో ఏటీఎంలు, కియోస్క్‌ల వంటి మౌలిక సదుపాయాల ఏర్పాటుకు కూడా ఆమోదం లభించింది. నెగోషియబుల్ సెటిల్మెంట్ పాలసీలో భాగంగా అనువుగా లేని ప్లాట్లకు గ్రామకంఠంలో 5 సెంట్ల వరకు కేటాయించేందుకు అథారిటీ అంగీకారం తెలిపింది. ప్రపంచ బ్యాంకు, ఆసియా అభివృద్ధి బ్యాంకు మార్గదర్శకాలకు అనుగుణంగా రాజధాని పరిధిలో దిగువ, మధ్యతరగతి ప్రజల నివాసానికి గృహ సముదాయాలను ఏర్పాటు చేయాలని ముఖ్యమంత్రి ఆదేశించారు. అమరావతి ప్రాంతంలో భవనాలు, అక్రమ నిర్మాణాల వివాదాల పరిష్కారం కోసం ప్రత్యేక ట్రైబ్యునల్ ఏర్పాటుకు అథారిటీ ఆమోదం తెలపగా, ఈ వివాదాలను పరిష్కరించుకునేలా ఒక మీడియేషన్ సెంటర్‌ను ఏర్పాటు చేయాలని ముఖ్యమంత్రి ఆదేశించారు. రాజధానిలో ఫైర్ వింగ్ ఏర్పాటు చేసుకుని ఎన్ఓసీలను జారీ చేసేందుకు సొంత అగ్నిమాపక నియంత్రణా వ్యవస్థ ఏర్పాటుకు కూడా అథారిటీ ఆమోదం తెలియజేసింది. రాజధాని ప్రాంతంలో డిస్ట్రిక్ట్ కూలింగ్ సిస్టమ్ ఏర్పాటుకు సంబంధించి గతంలో కుదిరిన టాబ్రీడ్ ఒప్పందాన్ని రద్దు చేసి కొత్తగా టెండర్లు పిలవడానికి అథారిటీ అంగీకరించింది. ఎల్పీఎస్ లేఅవుట్లలోని 495 మంది రైతుల కొత్త అలాట్మెంట్ కోడ్‌లు మారినందున వారికి రిజిస్ట్రేషన్ ఫీజు మినహాయింపునకు కూడా అథారిటీ ఆమోదాన్ని తెలియజేసింది. అమరావతి ఎకనామిక్ రీజియన్ అభివృద్ధికి సంబంధించి ప్రణాళిక రూపకల్పన కోసం ఆర్ఎఫ్ పీ తయారు చేసేందుకు అధారిటీ ఆమోదం తెలిపింది. ఏలూరు నుంచి ప్రకాశం వరకు 9 జిల్లాల్లో అభివృద్ధి ప్రణాళికలను రూపొందించాలని సీఎం ఆదేశించారు. రాజధానిలోని అన్ని భవనాలు, కార్యాలయాలకు ఒక సెంట్రల్ కూలింగ్ వ్యవస్థ ఏర్పాటు చేయాలని ముఖ్యమంత్రి నిర్దేశించారు. డక్ట్‌ల ద్వారా పైపుల నుంచి ఇళ్లు, కార్యాలయాలకు ఈ వ్యవస్థ చేరేలా చూడాలని, ఏపీలో ఉన్న బల్క్ చిల్లింగ్ యంత్రాల తయారీ సంస్థలను సమర్థంగా వినియోగించుకోవాలని సీఎం దిశానిర్దేశం చేశారు. బ్లూ గ్రీన్ సిటీగా నిర్మితమవుతున్న అమరావతిలో కొత్త సాంకేతిక వ్యవస్థలపై విస్తృతమైన అవగాహన కల్పించాలని ఆయన స్పష్టం చేశారు. అమరావతి రాజధాని ప్రాంతంలో నిర్మితమయ్యే ప్రతి టౌన్‌షిప్‌లోనూ వర్క్ ఫ్రమ్ హోమ్ సహా లివబుల్, కమర్షియల్ కార్యకలాపాల కేంద్రాలుగా ఉండాలని సూచించారు. రాజధాని ప్రాంతంలో ఆర్థిక కార్యకలాపాలు ఉండేలా ప్రణాళికలు ఉండాలని సీఎం అధికారులకు దిశానిర్దేశం చేశారు. అమరావతిలో నిర్మించే ఆసుపత్రుల్లో రోగుల అటెండెంట్లకు కూడా వసతి ఉండేలా చూడాలని, రాజధాని ప్రాంతంలో హోటళ్లు, కన్వెన్షన్ కేంద్రాలను వేగంగా అందుబాటులోకి తేవాలని సీఎం ఆదేశించారు. ఈ సమావేశానికి పురపాలక శాఖ మంత్రి పి. నారాయణ, సీఎస్ జి. సాయి ప్రసాద్, పురపాలక శాఖ ముఖ్యకార్యదర్శి సురేశ్ కుమార్, ఏడీసీ, సీఆర్డీఏ అధికారులు హాజరయ్యారు.

జేమ్స్

Vijayawada East, Ntr•

6 hrs ago

ముఖ్యమంత్రి చంద్రబాబు అమరావతి రాజధానిలో భవిష్యత్ నగర నిర్మాణానికి అనుగుణంగా అర్బన్ మొబిలిటీ ప్లానింగ్ చేయాలని ఆదేశించారు. క్యాంపు కార్యాలయంలో సీఎం అధ్యక్షతన జరిగిన 61వ సీఆర్డీఏ అథారిటీ సమావేశంలో ఈ కీలక నిర్ణయాలు తీసుకున్నారు. సీఆర్డీఏ ప్రతిపాదించిన 18 అంశాలపై ఈ సమావేశంలో చర్చించి ఆమోదం తెలిపారు. రూ.547.07 కోట్ల వ్యయంతో హైకోర్టు భవనాలకు సంబంధించిన వివిధ మౌలిక సదుపాయాల కల్పనకు సీఆర్డీఏ అథారిటీ ఆమోదాన్ని తెలియజేసింది. పీపీపీ ప్రాతిపదికన అమరావతిలో పర్యాటకాన్ని ప్రోత్సహించేలా జెయింట్ అబ్జర్వేషన్ వీల్ నిర్మాణానికి, అలాగే పీపీపీ లేదా జాయింట్ వెంచర్ విధానంలో సిటీ గ్యాస్ డిస్ట్రిబ్యూషన్ నెట్వర్క్ కల్పనకు అథారిటీ అంగీకరించింది. ఎల్పీఎస్ లేఅవుట్లలో వీధిపోట్లు ఉన్న ప్లాట్లలో ఏటీఎంలు, కియోస్క్‌ల వంటి మౌలిక సదుపాయాల ఏర్పాటుకు కూడా ఆమోదం లభించింది. నెగోషియబుల్ సెటిల్మెంట్ పాలసీలో భాగంగా అనువుగా లేని ప్లాట్లకు గ్రామకంఠంలో 5 సెంట్ల వరకు కేటాయించేందుకు అథారిటీ అంగీకారం తెలిపింది. ప్రపంచ బ్యాంకు, ఆసియా అభివృద్ధి బ్యాంకు మార్గదర్శకాలకు అనుగుణంగా రాజధాని పరిధిలో దిగువ, మధ్యతరగతి ప్రజల నివాసానికి గృహ సముదాయాలను ఏర్పాటు చేయాలని ముఖ్యమంత్రి ఆదేశించారు. అమరావతి ప్రాంతంలో భవనాలు, అక్రమ నిర్మాణాల వివాదాల పరిష్కారం కోసం ప్రత్యేక ట్రైబ్యునల్ ఏర్పాటుకు అథారిటీ ఆమోదం తెలపగా, ఈ వివాదాలను పరిష్కరించుకునేలా ఒక మీడియేషన్ సెంటర్‌ను ఏర్పాటు చేయాలని ముఖ్యమంత్రి ఆదేశించారు. రాజధానిలో ఫైర్ వింగ్ ఏర్పాటు చేసుకుని ఎన్ఓసీలను జారీ చేసేందుకు సొంత అగ్నిమాపక నియంత్రణా వ్యవస్థ ఏర్పాటుకు కూడా అథారిటీ ఆమోదం తెలియజేసింది. రాజధాని ప్రాంతంలో డిస్ట్రిక్ట్ కూలింగ్ సిస్టమ్ ఏర్పాటుకు సంబంధించి గతంలో

కుదిరిన టాబ్రీడ్ ఒప్పందాన్ని రద్దు చేసి కొత్తగా టెండర్లు పిలవడానికి అథారిటీ అంగీకరించింది. ఎల్పీఎస్ లేఅవుట్లలోని 495 మంది రైతుల కొత్త అలాట్మెంట్ కోడ్‌లు మారినందున వారికి రిజిస్ట్రేషన్ ఫీజు మినహాయింపునకు కూడా అథారిటీ ఆమోదాన్ని తెలియజేసింది. అమరావతి ఎకనామిక్ రీజియన్ అభివృద్ధికి సంబంధించి ప్రణాళిక రూపకల్పన కోసం ఆర్ఎఫ్ పీ తయారు చేసేందుకు అధారిటీ ఆమోదం తెలిపింది. ఏలూరు నుంచి ప్రకాశం వరకు 9 జిల్లాల్లో అభివృద్ధి ప్రణాళికలను రూపొందించాలని సీఎం ఆదేశించారు. రాజధానిలోని అన్ని భవనాలు, కార్యాలయాలకు ఒక సెంట్రల్ కూలింగ్ వ్యవస్థ ఏర్పాటు చేయాలని ముఖ్యమంత్రి నిర్దేశించారు. డక్ట్‌ల ద్వారా పైపుల నుంచి ఇళ్లు, కార్యాలయాలకు ఈ వ్యవస్థ చేరేలా చూడాలని, ఏపీలో ఉన్న బల్క్ చిల్లింగ్ యంత్రాల తయారీ సంస్థలను సమర్థంగా వినియోగించుకోవాలని సీఎం దిశానిర్దేశం చేశారు. బ్లూ గ్రీన్ సిటీగా నిర్మితమవుతున్న అమరావతిలో కొత్త సాంకేతిక వ్యవస్థలపై విస్తృతమైన అవగాహన కల్పించాలని ఆయన స్పష్టం చేశారు. అమరావతి రాజధాని ప్రాంతంలో నిర్మితమయ్యే ప్రతి టౌన్‌షిప్‌లోనూ వర్క్ ఫ్రమ్ హోమ్ సహా లివబుల్, కమర్షియల్ కార్యకలాపాల కేంద్రాలుగా ఉండాలని సూచించారు. రాజధాని ప్రాంతంలో ఆర్థిక కార్యకలాపాలు ఉండేలా ప్రణాళికలు ఉండాలని సీఎం అధికారులకు దిశానిర్దేశం చేశారు. అమరావతిలో నిర్మించే ఆసుపత్రుల్లో రోగుల అటెండెంట్లకు కూడా వసతి ఉండేలా చూడాలని, రాజధాని ప్రాంతంలో హోటళ్లు, కన్వెన్షన్ కేంద్రాలను వేగంగా అందుబాటులోకి తేవాలని సీఎం ఆదేశించారు. ఈ సమావేశానికి పురపాలక శాఖ మంత్రి పి. నారాయణ, సీఎస్ జి. సాయి ప్రసాద్, పురపాలక శాఖ ముఖ్యకార్యదర్శి సురేశ్ కుమార్, ఏడీసీ, సీఆర్డీఏ అధికారులు హాజరయ్యారు.