শিৱসাগৰৰ আমগুৰিত কুশল দুৱৰীৰ নিৰ্বাচনী প্ৰচাৰঃঅখিল গগৈক তীব্ৰ সমালোচনা শিৱসাগৰ বিধানসভা সমষ্টিৰ বিজেপিৰ প্ৰক্ষেপিত প্ৰাৰ্থী কুশল দুৱৰীয়ে আজি আমগুৰিত বয়োজ্যেষ্ঠসকলৰ আশীৰ্বাদ গ্ৰহণ কৰি নিৰ্বাচনী প্ৰচাৰ অভিযানৰ সূচনা কৰে। প্ৰচাৰৰ মাজতে বিধায়ক অখিল গগৈক লক্ষ্য কৰি দুৱৰীয়ে কয় যে যোৱাবাৰ শিৱসাগৰবাসীয়ে গগৈক উন্নয়নৰ বাবে নহয়, কেৱল কাৰাগাৰৰ পৰা উলিয়াবলৈহে নিৰ্বাচিত কৰিছিল। এইবাৰ ৰাইজে উন্নয়নৰ স্বাৰ্থত বিজেপিৰ পক্ষতেই ভোটদান কৰিব বুলি তেওঁ দৃঢ়তাৰে প্ৰকাশ কৰে।​অখিল গগৈয়ে কংগ্ৰেছৰ সহায়ত নিৰ্বাচনী বৈতৰণী পাৰ হ’বলৈ চেষ্টা কৰা কাৰ্যক কটাক্ষ কৰি দুৱৰীয়ে কয় যে আকাশত চাং পাতি গগৈৰ কোনো লাভ নহয়। গগৈয়ে ৰাজহুৱা কৰা ৬১ জনীয়া তালিকাখনক মিছা বুলি অভিহিত কৰি তেওঁ প্ৰত্যাহ্বান জনায় যে যদিহে অভিযোগসমূহ সত্য হ’লহেঁতেন, তেন্তে ইমান দিনে কিয় কোনোবাই ন্যায়ালয়ৰ দ্বাৰস্থ হোৱা নাই। আনকি অখিল গগৈৰ বিৰুদ্ধেও বিস্ফোৰক ব্যক্তিগত অভিযোগ উত্থাপন কৰি দুৱৰীয়ে কয় যে তেওঁ কাকো ব্যক্তিগত আক্ৰমণ কৰিব নিবিচাৰে, তেওঁৰ মূল লক্ষ্য কেৱল শিৱসাগৰৰ উন্নয়ন।

Farid Ali.

Local News Reporter শিৱসাগৰ, শিৱসাগৰ, অসম•

7 hrs ago

শিৱসাগৰৰ আমগুৰিত কুশল দুৱৰীৰ নিৰ্বাচনী প্ৰচাৰঃঅখিল গগৈক তীব্ৰ সমালোচনা শিৱসাগৰ বিধানসভা সমষ্টিৰ বিজেপিৰ প্ৰক্ষেপিত প্ৰাৰ্থী কুশল দুৱৰীয়ে আজি আমগুৰিত বয়োজ্যেষ্ঠসকলৰ আশীৰ্বাদ গ্ৰহণ কৰি নিৰ্বাচনী প্ৰচাৰ অভিযানৰ সূচনা কৰে। প্ৰচাৰৰ মাজতে বিধায়ক অখিল গগৈক লক্ষ্য কৰি দুৱৰীয়ে কয় যে যোৱাবাৰ শিৱসাগৰবাসীয়ে গগৈক উন্নয়নৰ বাবে নহয়, কেৱল কাৰাগাৰৰ

পৰা উলিয়াবলৈহে নিৰ্বাচিত কৰিছিল। এইবাৰ ৰাইজে উন্নয়নৰ স্বাৰ্থত বিজেপিৰ পক্ষতেই ভোটদান কৰিব বুলি তেওঁ দৃঢ়তাৰে প্ৰকাশ কৰে।​অখিল গগৈয়ে কংগ্ৰেছৰ সহায়ত নিৰ্বাচনী বৈতৰণী পাৰ হ’বলৈ চেষ্টা কৰা কাৰ্যক কটাক্ষ কৰি দুৱৰীয়ে কয় যে আকাশত চাং পাতি গগৈৰ কোনো লাভ নহয়। গগৈয়ে ৰাজহুৱা কৰা ৬১ জনীয়া তালিকাখনক

মিছা বুলি অভিহিত কৰি তেওঁ প্ৰত্যাহ্বান জনায় যে যদিহে অভিযোগসমূহ সত্য হ’লহেঁতেন, তেন্তে ইমান দিনে কিয় কোনোবাই ন্যায়ালয়ৰ দ্বাৰস্থ হোৱা নাই। আনকি অখিল গগৈৰ বিৰুদ্ধেও বিস্ফোৰক ব্যক্তিগত অভিযোগ উত্থাপন কৰি দুৱৰীয়ে কয় যে তেওঁ কাকো ব্যক্তিগত আক্ৰমণ কৰিব নিবিচাৰে, তেওঁৰ মূল লক্ষ্য কেৱল শিৱসাগৰৰ উন্নয়ন।