ৰূপহী হাটৰ শিঙিমাৰী বজাৰ অঞ্চলত বিদ্যুৎ বিভাগৰ চূড়ান্ত গাফিলতিৰ বিৰুদ্ধে ৰাইজে তীব্ৰ অভিযোগ উত্থাপন কৰিছে। চামগুৰি উপ-সংমণ্ডলৰ অধীনস্থ এই অঞ্চলত বিদ্যুৎ বিভাগৰ চূড়ান্ত গাফিলতিৰ ফলত স্থানীয় লোকসকল বিভিন্ন সমস্যাৰ সন্মুখীন হ'বলগীয়া হৈছে বুলি অভিযোগ কৰা হৈছে। স্থানীয় লোকসকলৰ মতে, বজাৰৰ মাজমজিয়াত থকা কেবল তাঁৰৰ সংযোগ বাকচত প্ৰায়ে দুই-তিনিদিনৰ মূৰে মূৰে জুই লাগে, যাৰ ফলত বিদ্যুৎ যোগান ব্যাহত হয়। বিভাগীয় কৰ্তৃপক্ষই কেৱল মেৰামতিৰ নামত সাময়িক ব্যৱস্থা গ্ৰহণ কৰে যদিও ইয়াৰ স্থায়ী সমাধানৰ বাবে কোনো ফলপ্ৰসূ পদক্ষেপ লোৱা নাই। ইয়াৰ উপৰি, গ্ৰাহকসকলে আগতীয়াকৈ ৰিচাৰ্জৰ জৰিয়তে বিদ্যুতৰ মূল্য পৰিশোধ কৰাৰ পিছতো তেওঁলোকে নিয়মীয়া বিদ্যুৎ সেৱাৰ পৰা বঞ্চিত হৈ আহিছে। বজাৰৰ মাজত থকা সংযোগ বাকচত সঘনাই জুই জ্বলাৰ ঘটনাই ব্যৱসায়ী আৰু সাধাৰণ পথচাৰীৰ মাজত এক ভয়াৱহ পৰিৱেশৰ সৃষ্টি কৰিছে, আৰু যিকোনো সময়তে এক ডাঙৰ দুৰ্ঘটনা সংঘটিত হোৱাৰ আশংকাত স্থানীয় ৰাইজ আতংকিত হৈ পৰিছে। এই সমস্যাৰ স্থায়ী সমাধানৰ বাবে অঞ্চলবাসীয়ে সংশ্লিষ্ট বিভাগক অতি শীঘ্ৰে প্ৰয়োজনীয় ব্যৱস্থা গ্ৰহণ কৰিবলৈ দাবী জনাইছে।

Daily Time

Newsagent ৰূপাহী, নগাঁও, অসম•

4 hrs ago

ৰূপহী হাটৰ শিঙিমাৰী বজাৰ অঞ্চলত বিদ্যুৎ বিভাগৰ চূড়ান্ত গাফিলতিৰ বিৰুদ্ধে ৰাইজে তীব্ৰ অভিযোগ উত্থাপন কৰিছে। চামগুৰি উপ-সংমণ্ডলৰ অধীনস্থ এই অঞ্চলত বিদ্যুৎ বিভাগৰ চূড়ান্ত গাফিলতিৰ ফলত স্থানীয় লোকসকল বিভিন্ন সমস্যাৰ সন্মুখীন হ'বলগীয়া হৈছে বুলি অভিযোগ কৰা হৈছে। স্থানীয় লোকসকলৰ মতে, বজাৰৰ মাজমজিয়াত থকা কেবল তাঁৰৰ সংযোগ বাকচত প্ৰায়ে দুই-তিনিদিনৰ মূৰে মূৰে জুই লাগে, যাৰ ফলত বিদ্যুৎ যোগান ব্যাহত হয়। বিভাগীয় কৰ্তৃপক্ষই কেৱল মেৰামতিৰ নামত সাময়িক ব্যৱস্থা গ্ৰহণ কৰে যদিও ইয়াৰ স্থায়ী সমাধানৰ বাবে কোনো ফলপ্ৰসূ পদক্ষেপ লোৱা নাই। ইয়াৰ উপৰি, গ্ৰাহকসকলে আগতীয়াকৈ ৰিচাৰ্জৰ জৰিয়তে বিদ্যুতৰ মূল্য পৰিশোধ কৰাৰ পিছতো তেওঁলোকে নিয়মীয়া বিদ্যুৎ সেৱাৰ পৰা বঞ্চিত হৈ আহিছে। বজাৰৰ মাজত থকা সংযোগ বাকচত সঘনাই জুই জ্বলাৰ ঘটনাই ব্যৱসায়ী আৰু সাধাৰণ পথচাৰীৰ মাজত এক ভয়াৱহ পৰিৱেশৰ সৃষ্টি কৰিছে, আৰু যিকোনো সময়তে এক ডাঙৰ দুৰ্ঘটনা সংঘটিত হোৱাৰ আশংকাত স্থানীয় ৰাইজ আতংকিত হৈ পৰিছে। এই সমস্যাৰ স্থায়ী সমাধানৰ বাবে অঞ্চলবাসীয়ে সংশ্লিষ্ট বিভাগক অতি শীঘ্ৰে প্ৰয়োজনীয় ব্যৱস্থা গ্ৰহণ কৰিবলৈ দাবী জনাইছে।