ধিং উন্নয়ন খণ্ডৰ অন্তৰ্গত ধনীয়াভেটি পঞ্চায়তৰ জি পি চিৰ বিৰুদ্ধে দুৰ্নীতিৰ গুৰুতৰ অভিযোগ উত্থাপন হৈছে।

ধিং উন্নয়ন খণ্ডৰ অন্তৰ্গত ধনীয়াভেটি পঞ্চায়তৰ জি পি চিৰ বিৰুদ্ধে দুৰ্নীতিৰ গুৰুতৰ অভিযোগ উত্থাপন হৈছে।

মৰিগাঁও জিলাৰ লাহৰিঘাটৰ হাঁহচৰা অঞ্চলত দীৰ্ঘদিন ধৰি অৰ্ধনিৰ্মিত অৱস্থাত পৰি থকা দলংখন পুনৰ নিৰ্মাণ কৰা হ’ব বুলি অহা খবৰত স্থানীয় ৰাইজ আনন্দিত হৈ পৰিছে। এই খবৰে অঞ্চলবাসীৰ মাজত এক নতুন আশাৰ সঞ্চাৰ কৰিছে, যিহেতু তেওঁলোকে বহু বছৰ ধৰি দলংখন সম্পূৰ্ণ হোৱাৰ বাবে অপেক্ষা কৰি আছিল। ৰাইজে এই পদক্ষেপক আদৰণি জনাই নিজৰ সন্তুষ্টি প্ৰকাশ কৰিছে।

অৰুণাচল প্ৰদেশত এক ভয়ংকৰ ডাৱৰ বিস্ফোৰণৰ ফলত নিপকোৰ প্ৰকল্পস্থলীত ব্যাপক বানৰ সৃষ্টি হৈছে। এই প্ৰবল বানে মুহূৰ্ততে কেইবাটাও ঘৰ উটুৱাই নিয়াৰ বাতৰি পোৱা গৈছে। বৰ্তমানৰ ভয়াৱহ পৰিস্থিতিৰ মাজতে ৰঙানদী প্ৰকল্পৰ কেইবাখনো গেট খুলি দিয়া হৈছে। এই সমগ্ৰ ভয়ংকৰ ঘটনাৰ ভিডিঅ' বৰ্তমান সামাজিক মাধ্যমত ভাইৰেল হৈ পৰিছে।

মৰিগাঁও জিলাত ডেংগু ৰোগত আক্ৰান্ত হৈ সাগৰিকা ডেকা নামৰ এগৰাকী যুৱতীৰ মৃত্যু হৈছে। গছৰগুৰি গাঁৱৰ নিবাসী যুৱতীগৰাকীয়ে জুন মাহৰ প্ৰায় ৭-৮ তাৰিখে কৰ্মস্থলীৰ পৰা ঘৰলৈ আহি গা বেয়া লগাৰ কথা পৰিয়ালক জনাইছিল। ইয়াৰ পিছত পৰিয়ালবৰ্গই তেওঁক মৰিগাঁও অসামৰিক চিকিৎসালয়লৈ লৈ গৈছিল, কিন্তু চিকিৎসকে কোনো পৰীক্ষা নকৰাকৈয়ে ঘূৰাই পঠিয়াইছিল। পিছলৈ সাগৰিকাক ESIC চিকিৎসালয়ত ভৰ্তি কৰোৱা হৈছিল, য'ত চিকিৎসকসকলে তেওঁ ডেংগু ৰোগত আক্ৰান্ত হোৱাৰ কথা নিশ্চিত কৰিছিল। ডেংগুত আক্ৰান্ত সাগৰিকাক ESIC ৰ পৰা মেট্ৰো চিকিৎসালয়লৈ প্ৰেৰণ কৰা হয় আৰু তাতে তেওঁক ICU ত চিকিৎসাধীন কৰি ৰখা হৈছিল। অৱশেষত, ২৩ জুনত তেওঁ মৃত্যুক সাৱটি লয়। উল্লেখ্য যে, মৃত সাগৰিকা ডেকা আছিল ৰজনী ডেকাৰ পৰিয়ালৰ একমাত্ৰ উপাৰ্জনকাৰী। উচ্চতৰ মাধ্যমিকৰ পৰীক্ষা উত্তীৰ্ণ হোৱাৰ পিছৰে পৰা তেওঁ বিভিন্ন ব্যক্তিগত প্ৰতিষ্ঠানত কাম কৰি পিতৃ, মাতৃ আৰু ভাতৃক লৈ পৰিয়ালটো চলাই আছিল।

মৰিগাঁও জিলাৰ গছৰগুৰি গাঁৱৰ সাগৰিকা ডেকা নামৰ এগৰাকী যুৱতীয়ে ২৩ জুনত ডেংগু জ্বৰত আক্ৰান্ত হৈ জীৱন যুদ্ধত হাৰ মানিলে। দৰিদ্ৰতাৰ সৈতে যুঁজি নিজৰ ভৰিৰ ওপৰত থিয় হৈ তেওঁ সমগ্ৰ পৰিয়ালটো পোহপাল দি আছিল, যাৰ ফলত সাগৰিকা আছিল পৰিয়ালটোৰ একমাত্ৰ ভৰসা। নিয়তিৰ এই নিষ্ঠুৰ পৰিহাসত অকালতে হেৰাই যোৱা সাগৰিকাৰ কৰুণ মৃত্যুই অঞ্চলটোৰ লগতে সকলোকে শোকস্তব্ধ কৰি তুলিছে।

প্ৰতিভা কোনো ঘৰৰ দাস নহয়; উপযুক্ত মঞ্চ আৰু সামান্য উৎসাহ পালে গ্ৰাম্য অঞ্চলৰ যুৱকে কেনেকৈ চমক সৃষ্টি কৰিব পাৰে, তাৰ প্ৰমাণ দিলে মৰিয়নিৰ ৰক্তিম ৰয় নামৰ এজন যুৱকে। তেওঁৰ ব্যতিক্ৰমী কণ্ঠে শেহতীয়াকৈ ছচিয়েল মিডিয়াত ধুমুহাৰ সৃষ্টি কৰিছে, য'ত তেওঁৰ কণ্ঠত যেন হুবহু হাৰ্টথ্ৰব জুবিন গাৰ্গৰ যাদুক অনুভৱ কৰা হৈছে। ৰক্তিমে জুবিন গাৰ্গৰ 'মা' এলবামৰ কালজয়ী গীত "জননী তুমি মোৰ... প্ৰাণৰো প্ৰাণ..." নিজৰ বুলবুলীয়া কণ্ঠৰে গাই এতিয়া লাখ লাখ শ্ৰোতাৰ মন জয় কৰিছে। কেৱল কণ্ঠই নহয়, ৰক্তিমৰ আৱেগিক প্ৰকাশভংগীয়েও নেটিজেনক মোহিত কৰিছে। সঁচাকৈয়ে, ডিজিটেল মাধ্যমে আজি গ্ৰাম্য অঞ্চলৰ সুপ্ত প্ৰতিভাক উচিত মৰ্যাদা প্ৰদান কৰিছে। মৰিয়নিৰ এই প্ৰতিভাশালী যুৱকজন অসমৰ সংগীত জগতত আৰু এখোজ আগুৱাই যাওক, তাৰ বাবে নিউজ ডেস্কৰ তৰফৰ পৰা ৰক্তিম ৰয়লৈ যাচিলোঁ অলেখ শুভকামনা।

ঢেকীয়াজুলিত এগৰাকী যুৱতীয়ে সৈনিক শিল্পী কলাগুৰু বিষ্ণু প্ৰসাদ ৰাভাৰ গীতৰ সৈতে নৃত্য পৰিৱেশন কৰে।

অৰুণাচল প্ৰদেশত NEEPCOৰ প্ৰকল্পস্থলীৰ সমীপত এক ভয়ংকৰ ডাৱৰ বিস্ফোৰণ সংঘটিত হৈছে।