ঢেকীয়াজুলিত এগৰাকী যুৱতীয়ে সৈনিক শিল্পী কলাগুৰু বিষ্ণু প্ৰসাদ ৰাভাৰ গীতৰ সৈতে নৃত্য পৰিৱেশন কৰে।

ঢেকীয়াজুলিত এগৰাকী যুৱতীয়ে সৈনিক শিল্পী কলাগুৰু বিষ্ণু প্ৰসাদ ৰাভাৰ গীতৰ সৈতে নৃত্য পৰিৱেশন কৰে।

ধিং উন্নয়ন খণ্ডৰ অন্তৰ্গত ধনীয়াভেটি পঞ্চায়তৰ জি পি চিৰ বিৰুদ্ধে দুৰ্নীতিৰ গুৰুতৰ অভিযোগ উত্থাপন হৈছে।

মৰিগাঁও জিলাৰ লাহৰিঘাটৰ হাঁহচৰা অঞ্চলত দীৰ্ঘদিন ধৰি অৰ্ধনিৰ্মিত অৱস্থাত পৰি থকা দলংখন পুনৰ নিৰ্মাণ কৰা হ’ব বুলি অহা খবৰত স্থানীয় ৰাইজ আনন্দিত হৈ পৰিছে। এই খবৰে অঞ্চলবাসীৰ মাজত এক নতুন আশাৰ সঞ্চাৰ কৰিছে, যিহেতু তেওঁলোকে বহু বছৰ ধৰি দলংখন সম্পূৰ্ণ হোৱাৰ বাবে অপেক্ষা কৰি আছিল। ৰাইজে এই পদক্ষেপক আদৰণি জনাই নিজৰ সন্তুষ্টি প্ৰকাশ কৰিছে।

অৰুণাচল প্ৰদেশত এক ভয়ংকৰ ডাৱৰ বিস্ফোৰণৰ ফলত নিপকোৰ প্ৰকল্পস্থলীত ব্যাপক বানৰ সৃষ্টি হৈছে। এই প্ৰবল বানে মুহূৰ্ততে কেইবাটাও ঘৰ উটুৱাই নিয়াৰ বাতৰি পোৱা গৈছে। বৰ্তমানৰ ভয়াৱহ পৰিস্থিতিৰ মাজতে ৰঙানদী প্ৰকল্পৰ কেইবাখনো গেট খুলি দিয়া হৈছে। এই সমগ্ৰ ভয়ংকৰ ঘটনাৰ ভিডিঅ' বৰ্তমান সামাজিক মাধ্যমত ভাইৰেল হৈ পৰিছে।

মৰিগাঁও জিলাত ডেংগু ৰোগত আক্ৰান্ত হৈ সাগৰিকা ডেকা নামৰ এগৰাকী যুৱতীৰ মৃত্যু হৈছে। গছৰগুৰি গাঁৱৰ নিবাসী যুৱতীগৰাকীয়ে জুন মাহৰ প্ৰায় ৭-৮ তাৰিখে কৰ্মস্থলীৰ পৰা ঘৰলৈ আহি গা বেয়া লগাৰ কথা পৰিয়ালক জনাইছিল। ইয়াৰ পিছত পৰিয়ালবৰ্গই তেওঁক মৰিগাঁও অসামৰিক চিকিৎসালয়লৈ লৈ গৈছিল, কিন্তু চিকিৎসকে কোনো পৰীক্ষা নকৰাকৈয়ে ঘূৰাই পঠিয়াইছিল। পিছলৈ সাগৰিকাক ESIC চিকিৎসালয়ত ভৰ্তি কৰোৱা হৈছিল, য'ত চিকিৎসকসকলে তেওঁ ডেংগু ৰোগত আক্ৰান্ত হোৱাৰ কথা নিশ্চিত কৰিছিল। ডেংগুত আক্ৰান্ত সাগৰিকাক ESIC ৰ পৰা মেট্ৰো চিকিৎসালয়লৈ প্ৰেৰণ কৰা হয় আৰু তাতে তেওঁক ICU ত চিকিৎসাধীন কৰি ৰখা হৈছিল। অৱশেষত, ২৩ জুনত তেওঁ মৃত্যুক সাৱটি লয়। উল্লেখ্য যে, মৃত সাগৰিকা ডেকা আছিল ৰজনী ডেকাৰ পৰিয়ালৰ একমাত্ৰ উপাৰ্জনকাৰী। উচ্চতৰ মাধ্যমিকৰ পৰীক্ষা উত্তীৰ্ণ হোৱাৰ পিছৰে পৰা তেওঁ বিভিন্ন ব্যক্তিগত প্ৰতিষ্ঠানত কাম কৰি পিতৃ, মাতৃ আৰু ভাতৃক লৈ পৰিয়ালটো চলাই আছিল।

বুধবাৰে দিনৰ ১ বজাত অসম গৌৰৱ বঁটা প্ৰাপক যুৱ কৃষক নীলম দত্তৰ প্ৰচেষ্টাত বিশ্বনাথ জিলাৰ পাভৈ গ্ৰীণছত এখন বীজ মেলাৰ আয়োজন কৰা হয়। এই মেলাত প্ৰায় পাঁচশতাধিক কৃষকে অংশগ্ৰহণ কৰে। বিশ্বনাথকে ধৰি সমগ্ৰ উত্তৰ-পূৰ্বাঞ্চলত জৈৱিক কৃষিৰ প্ৰসাৰ আৰু উন্নত বীজ সংৰক্ষণৰ গুৰুত্ব দি এই মেলাখন অনুষ্ঠিত কৰা হৈছিল। নৰ্থ ইষ্ট চেণ্টাৰ ফৰ টেকন’লজী এপ্লিকেচন এণ্ড ৰিচাৰ্চৰ সঞ্চালক প্ৰধান ডঃ অৰুণ কুমাৰ শৰ্মাই এই বীজ মেলাখন উদ্বোধন কৰে। উদ্বোধনী অনুষ্ঠানত তেওঁ অসম তথা উত্তৰ-পূৰ্বাঞ্চলৰ কৃষকসকলক উন্নত বীজ সংৰক্ষণ আৰু উৎপাদনত অধিক গুৰুত্ব দিবলৈ আহ্বান জনায়। ড° শৰ্মাই কয় যে এনে প্ৰচেষ্টাৰ জৰিয়তে কৃষকসকল আৰ্থিকভাৱে সফল হ’ব পাৰিব আৰু লগতে বীজ উৎপাদনৰ ক্ষেত্ৰত উত্তৰ-পূৰ্বাঞ্চল স্বাৱলম্বী হৈ উঠিব। এই অনুষ্ঠানত নাবাৰ্ডৰ জিলা উন্নয়ন বিষয়া সুমন চেটাৰ্জী, কৃষি বিষয়া হিমাশ্ৰী গোস্বামী, কেডেটৰ মনোৰঞ্জন হাজৰিকাকে ধৰি বহু বিশিষ্ট ব্যক্তি উপস্থিত আছিল।

মৰিগাঁও জিলাৰ গছৰগুৰি গাঁৱৰ সাগৰিকা ডেকা নামৰ এগৰাকী যুৱতীয়ে ২৩ জুনত ডেংগু জ্বৰত আক্ৰান্ত হৈ জীৱন যুদ্ধত হাৰ মানিলে। দৰিদ্ৰতাৰ সৈতে যুঁজি নিজৰ ভৰিৰ ওপৰত থিয় হৈ তেওঁ সমগ্ৰ পৰিয়ালটো পোহপাল দি আছিল, যাৰ ফলত সাগৰিকা আছিল পৰিয়ালটোৰ একমাত্ৰ ভৰসা। নিয়তিৰ এই নিষ্ঠুৰ পৰিহাসত অকালতে হেৰাই যোৱা সাগৰিকাৰ কৰুণ মৃত্যুই অঞ্চলটোৰ লগতে সকলোকে শোকস্তব্ধ কৰি তুলিছে।

বিশ্বনাথ চাৰিআলিত প্ৰাক্তন বিডিঅ’ অজয় সিন্হাৰ বিৰুদ্ধে মুখ্যমন্ত্ৰী তদাৰকী কোষে এক অভিযান চলাইছে। আয়বৰ্হিভূত সম্পত্তি সংগ্ৰহ কৰাৰ গোচৰত এই অভিযান লোৱা হৈছে, য’ত ১১/২৬ নম্বৰত এক গোচৰ ৰুজু কৰা হৈছে। জানিব পৰা মতে, এই প্ৰাক্তন বিডিঅ’গৰাকীয়ে ২০২৬ চনৰ বিধানসভা নিৰ্বাচনত বিহালী বিধানসভা সমষ্টিৰ পৰা নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰিছিল। যদিও মুখ্যমন্ত্ৰী তদাৰকী কোষে এই সন্দৰ্ভত সাংবাদিকক কোনো মন্তব্য কৰা নাই, তথাপিয়ো কোৱা হৈছে যে তেওঁ বিশ্বনাথ জিলাৰ বিভিন্ন স্থানত কেইবাখনো ঘৰ আৰু সম্পত্তিৰ পাহাৰ গঢ়ি তুলিছে।