ଦୀର୍ଘଦିନ ଧରି ନିଜର ପ୍ରାକୃତିକ ସୌନ୍ଦର୍ଯ୍ୟ ପାଇଁ ପରିଚିତ ମାଲକାନଗିରି ଜିଲ୍ଲା ଏବେ ଦେଶର ସାହସିକ ପର୍ଯ୍ୟଟନ ମାନଚିତ୍ରରେ ଏକ ସ୍ୱତନ୍ତ୍ର ସ୍ଥାନ ପାଇବାକୁ ଯାଉଛି। ରାଜ୍ୟ ପର୍ଯ୍ୟଟନ ବିଭାଗ ଏବଂ କେନ୍ଦ୍ର ପର୍ଯ୍ୟଟନ ମନ୍ତ୍ରଣାଳୟ ଅଧୀନସ୍ଥ ଗୋଆସ୍ଥିତ ରାଷ୍ଟ୍ରୀୟ ଜଳକ୍ରୀଡ଼ା ସଂସ୍ଥାନ (NIWS)ର ମିଳିତ ସହଯୋଗରେ ଜିଲ୍ଲାରେ ଜଳଭିତ୍ତିକ ସାହସିକ ପର୍ଯ୍ୟଟନର ସମ୍ଭାବନା ନେଇ ଜୁଲାଇ ୧୧ ଓ ୧୨ ତାରିଖରେ ଏକ ଦୁଇଦିନିଆ ଉଚ୍ଚସ୍ତରୀୟ ବୈଷୟିକ ସର୍ବେକ୍ଷଣ ସଫଳତାର ସହ ସମ୍ପନ୍ନ ହୋଇଛି। ଏହି ସର୍ଭେରେ ଜାମ୍ମୁର ଜଳକ୍ରୀଡ଼ା ବିଶେଷଜ୍ଞ ସଞ୍ଜୟ ସିଂ ସମ୍ବିଆଲ ଏବଂ ଚେନ୍ନାଇ ସ୍ଥିତ ଏନ୍‌ଆଇଡବ୍ଲ୍ୟୁଏସ୍‌ର ବୈଷୟିକ ଅଧିକାରୀ ଜଗଦୀଶ ଭି.ଙ୍କୁ ନେଇ ଗଠିତ ଦୁଇଜଣିଆ କେନ୍ଦ୍ରୀୟ ଦଳ ଚିତ୍ରକୋଣ୍ଡା ଜଳଭଣ୍ଡାର, ସିଲେରୁ ଭ୍ୟାଲି, ପୋଟେରୁ ହିଲ୍ ସେକ୍ସନ, ଓ ଅପର ସାବେରୀ ଗର୍ଜ ସମେତ ବିଭିନ୍ନ ପ୍ରସ୍ତାବିତ ସ୍ଥାନର ଭୌଗୋଳିକ ଗଠନ, ସୁରକ୍ଷା ଓ ଜଳ ପ୍ରବାହର ସୂକ୍ଷ୍ମ ଅନୁଧ୍ୟାନ କରିଛନ୍ତି। ସର୍ଭେ ଶେଷରେ ବିଶେଷଜ୍ଞ ଦଳ ମାଲକାନଗିରିର ପ୍ରାକୃତିକ ସମ୍ପଦକୁ ଉଚ୍ଚ ପ୍ରଶଂସା କରିଛନ୍ତି। ବିଶେଷଜ୍ଞ ସଞ୍ଜୟ ସିଂ ସମ୍ବିଆଲଙ୍କ କହିବା ଅନୁଯାୟୀ, ଅପର ସାବେରୀ ଗର୍ଜ ଓ ପୋଟେରୁ ହିଲ୍ ସେକ୍ସନର ପ୍ରାକୃତିକ ଅନୁକୂଳ ପରିବେଶ ହ୍ୱାଇଟ୍-ୱାଟର୍ ରାଫ୍ଟିଂ ପାଇଁ ଅତ୍ୟନ୍ତ ଉପଯୁକ୍ତ, ଯାହା ଭାରତରେ ଖୁବ୍ କମ୍ ସ୍ଥାନରେ ଦେଖିବାକୁ ମିଳେ। ସେହିପରି ଚିତ୍ରକୋଣ୍ଡା ଜଳଭଣ୍ଡାର ଓ ସିଲେରୁ ଭ୍ୟାଲିର ବିସ୍ତୃତ ଜଳରାଶି କାୟାକିଂ ଓ କାନୋଇଂ ପାଇଁ ଆଦର୍ଶ ସ୍ଥାନ ବୋଲି ବୈଷୟିକ ଅଧିକାରୀ ଜଗଦୀଶ ଭି. ମତ ପ୍ରକାଶ କରିଛନ୍ତି। ଏହି ପ୍ରକଳ୍ପ ବାସ୍ତବ ରୂପ ନେଲେ ସ୍ଥାନୀୟ ଯୁବକଯୁବତୀଙ୍କ ପାଇଁ ଲାଇଫ୍‌ଗାର୍ଡ, ଗାଇଡ୍, ବୋଟ୍ ଅପରେଟର, ହୋଟେଲ୍ ଏବଂ ପରିବହନ କ୍ଷେତ୍ରରେ ନୂତନ ନିଯୁକ୍ତି ସୁଯୋଗ ସୃଷ୍ଟି ହେବା ସହ ଗ୍ରାମୀଣ ଅର୍ଥନୀତି ଓ ହସ୍ତଶିଳ୍ପ ବ୍ୟବସାୟ ମଧ୍ୟ ଏହାଦ୍ୱାରା ନୂଆ ଗତି ପାଇବ। ଏହି ସମଗ୍ର ସର୍ଭେ କାର୍ଯ୍ୟକ୍ରମ ଜିଲ୍ଲାପାଳ ପ୍ରଥମେଶ ଅରବିନ୍ଦ ରାଜଶିର୍କେଙ୍କ ଦୂରଦର୍ଶୀ ନେତୃତ୍ୱରେ ପରିଚାଳିତ ହୋଇଥିବା ବେଳେ ଡେପୁଟି କଲେକ୍ଟର ସ୍ୱୟଂସିଦ୍ଧ ରାଉତ ସମଗ୍ର କାର୍ଯ୍ୟର ସମନ୍ୱୟ ରକ୍ଷା କରିଥିଲେ। ଜିଲ୍ଲା ପ୍ରଶାସନର ଏହି ତତ୍ପରତା ଓ କାର୍ଯ୍ୟଦକ୍ଷତାକୁ କେନ୍ଦ୍ରୀୟ ପ୍ରତିନିଧି ଦଳ ଭୂୟସୀ ପ୍ରଶଂସା କରିଛନ୍ତି। ଏହି ସର୍ଭେ ସମୟରେ ବନ ବିଭାଗର ଅଧିକାରୀ, ଚିତ୍ରକୋଣ୍ଡା ଇକୋ ପାର୍କ କର୍ମଚାରୀ ଏବଂ ସ୍ଥାନୀୟ ସହଯୋଗୀ ଦଳ ସକ୍ରିୟ ସହଯୋଗ କରିଥିଲେ। ବର୍ତ୍ତମାନ ସମସ୍ତଙ୍କ ନଜର ବିଶେଷଜ୍ଞ ଦଳର ଚୂଡ଼ାନ୍ତ ରିପୋର୍ଟ ଉପରେ ରହିଛି, ଯାହା କାର୍ଯ୍ୟକାରୀ ହେଲେ ଦୀର୍ଘ ବର୍ଷ ଧରି ବିକାଶକୁ ଅପେକ୍ଷା କରିଥିବା ମାଲକାନଗିରି ପାଇଁ ଏକ ନୂତନ ଆଶାର ଆଲୋକ ଆଣିଦେବ।

Humaniterian Media Activist ଶ୍ରୀ ରାମ କୃଷ୍ଣ ଚୌଧୁରୀ Rk

Fitness Trainer ମାଲକାନଗିରି, ମାଲକାନଗିରି, ଓଡ଼ିଶା•

1 hr ago

ଦୀର୍ଘଦିନ ଧରି ନିଜର ପ୍ରାକୃତିକ ସୌନ୍ଦର୍ଯ୍ୟ ପାଇଁ ପରିଚିତ ମାଲକାନଗିରି ଜିଲ୍ଲା ଏବେ ଦେଶର ସାହସିକ ପର୍ଯ୍ୟଟନ ମାନଚିତ୍ରରେ ଏକ ସ୍ୱତନ୍ତ୍ର ସ୍ଥାନ ପାଇବାକୁ ଯାଉଛି। ରାଜ୍ୟ ପର୍ଯ୍ୟଟନ ବିଭାଗ ଏବଂ କେନ୍ଦ୍ର ପର୍ଯ୍ୟଟନ ମନ୍ତ୍ରଣାଳୟ ଅଧୀନସ୍ଥ ଗୋଆସ୍ଥିତ ରାଷ୍ଟ୍ରୀୟ ଜଳକ୍ରୀଡ଼ା ସଂସ୍ଥାନ (NIWS)ର ମିଳିତ ସହଯୋଗରେ ଜିଲ୍ଲାରେ ଜଳଭିତ୍ତିକ ସାହସିକ ପର୍ଯ୍ୟଟନର ସମ୍ଭାବନା ନେଇ ଜୁଲାଇ ୧୧ ଓ ୧୨ ତାରିଖରେ ଏକ ଦୁଇଦିନିଆ ଉଚ୍ଚସ୍ତରୀୟ ବୈଷୟିକ ସର୍ବେକ୍ଷଣ ସଫଳତାର ସହ ସମ୍ପନ୍ନ ହୋଇଛି। ଏହି ସର୍ଭେରେ ଜାମ୍ମୁର ଜଳକ୍ରୀଡ଼ା ବିଶେଷଜ୍ଞ ସଞ୍ଜୟ ସିଂ ସମ୍ବିଆଲ ଏବଂ ଚେନ୍ନାଇ ସ୍ଥିତ ଏନ୍‌ଆଇଡବ୍ଲ୍ୟୁଏସ୍‌ର ବୈଷୟିକ

ଅଧିକାରୀ ଜଗଦୀଶ ଭି.ଙ୍କୁ ନେଇ ଗଠିତ ଦୁଇଜଣିଆ କେନ୍ଦ୍ରୀୟ ଦଳ ଚିତ୍ରକୋଣ୍ଡା ଜଳଭଣ୍ଡାର, ସିଲେରୁ ଭ୍ୟାଲି, ପୋଟେରୁ ହିଲ୍ ସେକ୍ସନ, ଓ ଅପର ସାବେରୀ ଗର୍ଜ ସମେତ ବିଭିନ୍ନ ପ୍ରସ୍ତାବିତ ସ୍ଥାନର ଭୌଗୋଳିକ ଗଠନ, ସୁରକ୍ଷା ଓ ଜଳ ପ୍ରବାହର ସୂକ୍ଷ୍ମ ଅନୁଧ୍ୟାନ କରିଛନ୍ତି। ସର୍ଭେ ଶେଷରେ ବିଶେଷଜ୍ଞ ଦଳ ମାଲକାନଗିରିର ପ୍ରାକୃତିକ ସମ୍ପଦକୁ ଉଚ୍ଚ ପ୍ରଶଂସା କରିଛନ୍ତି। ବିଶେଷଜ୍ଞ ସଞ୍ଜୟ ସିଂ ସମ୍ବିଆଲଙ୍କ କହିବା ଅନୁଯାୟୀ, ଅପର ସାବେରୀ ଗର୍ଜ ଓ ପୋଟେରୁ ହିଲ୍ ସେକ୍ସନର ପ୍ରାକୃତିକ ଅନୁକୂଳ ପରିବେଶ ହ୍ୱାଇଟ୍-ୱାଟର୍ ରାଫ୍ଟିଂ ପାଇଁ ଅତ୍ୟନ୍ତ ଉପଯୁକ୍ତ, ଯାହା ଭାରତରେ ଖୁବ୍ କମ୍ ସ୍ଥାନରେ

ଦେଖିବାକୁ ମିଳେ। ସେହିପରି ଚିତ୍ରକୋଣ୍ଡା ଜଳଭଣ୍ଡାର ଓ ସିଲେରୁ ଭ୍ୟାଲିର ବିସ୍ତୃତ ଜଳରାଶି କାୟାକିଂ ଓ କାନୋଇଂ ପାଇଁ ଆଦର୍ଶ ସ୍ଥାନ ବୋଲି ବୈଷୟିକ ଅଧିକାରୀ ଜଗଦୀଶ ଭି. ମତ ପ୍ରକାଶ କରିଛନ୍ତି। ଏହି ପ୍ରକଳ୍ପ ବାସ୍ତବ ରୂପ ନେଲେ ସ୍ଥାନୀୟ ଯୁବକଯୁବତୀଙ୍କ ପାଇଁ ଲାଇଫ୍‌ଗାର୍ଡ, ଗାଇଡ୍, ବୋଟ୍ ଅପରେଟର, ହୋଟେଲ୍ ଏବଂ ପରିବହନ କ୍ଷେତ୍ରରେ ନୂତନ ନିଯୁକ୍ତି ସୁଯୋଗ ସୃଷ୍ଟି ହେବା ସହ ଗ୍ରାମୀଣ ଅର୍ଥନୀତି ଓ ହସ୍ତଶିଳ୍ପ ବ୍ୟବସାୟ ମଧ୍ୟ ଏହାଦ୍ୱାରା ନୂଆ ଗତି ପାଇବ। ଏହି ସମଗ୍ର ସର୍ଭେ କାର୍ଯ୍ୟକ୍ରମ ଜିଲ୍ଲାପାଳ ପ୍ରଥମେଶ ଅରବିନ୍ଦ ରାଜଶିର୍କେଙ୍କ ଦୂରଦର୍ଶୀ ନେତୃତ୍ୱରେ ପରିଚାଳିତ ହୋଇଥିବା

ବେଳେ ଡେପୁଟି କଲେକ୍ଟର ସ୍ୱୟଂସିଦ୍ଧ ରାଉତ ସମଗ୍ର କାର୍ଯ୍ୟର ସମନ୍ୱୟ ରକ୍ଷା କରିଥିଲେ। ଜିଲ୍ଲା ପ୍ରଶାସନର ଏହି ତତ୍ପରତା ଓ କାର୍ଯ୍ୟଦକ୍ଷତାକୁ କେନ୍ଦ୍ରୀୟ ପ୍ରତିନିଧି ଦଳ ଭୂୟସୀ ପ୍ରଶଂସା କରିଛନ୍ତି। ଏହି ସର୍ଭେ ସମୟରେ ବନ ବିଭାଗର ଅଧିକାରୀ, ଚିତ୍ରକୋଣ୍ଡା ଇକୋ ପାର୍କ କର୍ମଚାରୀ ଏବଂ ସ୍ଥାନୀୟ ସହଯୋଗୀ ଦଳ ସକ୍ରିୟ ସହଯୋଗ କରିଥିଲେ। ବର୍ତ୍ତମାନ ସମସ୍ତଙ୍କ ନଜର ବିଶେଷଜ୍ଞ ଦଳର ଚୂଡ଼ାନ୍ତ ରିପୋର୍ଟ ଉପରେ ରହିଛି, ଯାହା କାର୍ଯ୍ୟକାରୀ ହେଲେ ଦୀର୍ଘ ବର୍ଷ ଧରି ବିକାଶକୁ ଅପେକ୍ଷା କରିଥିବା ମାଲକାନଗିରି ପାଇଁ ଏକ ନୂତନ ଆଶାର ଆଲୋକ ଆଣିଦେବ।