वाशिम जिल्ह्यातील मानोरा येथील सुभद्राबाई पाटील महाविद्यालयात चार युवतींच्या नावाने त्यांच्या परवानगीशिवाय अकरावीचे ऑनलाइन प्रवेश अर्ज भरल्याचा धक्कादायक प्रकार समोर आला आहे. या प्रकरणी सोमठाणा येथील नेहा विनोद खुपसे (२३), अंजली विलास पुरी (२२) तसेच आसोला खुर्द येथील विशाखा संतोष राठोड आणि पायल राजू भोरकडे (२०) या चार युवतींनी ८ जुलै रोजी मानोरा पोलीस ठाण्यात तक्रार दाखल केली आहे. फिर्यादीनुसार, या सर्व युवतींचे दहावी उत्तीर्ण झाल्यानंतरचे शिक्षण पूर्ण झाले असून त्या आता पदव्युत्तर शिक्षण घेत आहेत. अशा परिस्थितीत त्यांच्या नावाने कोणीतरी अज्ञात व्यक्तीने अकरावीसाठी ऑनलाइन अर्ज भरून प्रवेश घेतल्याचे त्यांच्या लक्षात आले. आपल्याला जाणीवपूर्वक त्रास देण्याच्या हेतूनेच हा प्रकार घडवून आणल्याचा संशय युवतींनी व्यक्त केला असून, संबंधित अज्ञात व्यक्तीवर कायदेशीर कारवाई करण्याची मागणी केली आहे. या तक्रारीनंतर मानोरा पोलिसांनी गुन्हा नोंदवून तांत्रिक तपास सुरू केला असून, आरोपीचा शोध घेतला जात आहे. याबाबत अधिक माहिती देताना मानोरा पोलीस स्टेशनच्या ठाणेदार नैना पोहेकर यांनी सांगितले की, पोलिसांना चार युवतींची तक्रार प्राप्त झाली असून तांत्रिक बाबींची सखोल तपासणी करून संबंधित आरोपीपर्यंत पोहोचत योग्य ती कायदेशीर कारवाई केली जाईल.

कु.मोनाली अनिल राठोड

पत्रकार मानोरा, वाशिम, महाराष्ट्र•

10 hrs ago

वाशिम जिल्ह्यातील मानोरा येथील सुभद्राबाई पाटील महाविद्यालयात चार युवतींच्या नावाने त्यांच्या परवानगीशिवाय अकरावीचे ऑनलाइन प्रवेश अर्ज भरल्याचा धक्कादायक प्रकार समोर आला आहे. या प्रकरणी सोमठाणा येथील नेहा विनोद खुपसे (२३), अंजली विलास पुरी (२२) तसेच आसोला खुर्द येथील विशाखा संतोष राठोड आणि पायल राजू भोरकडे (२०) या चार युवतींनी ८ जुलै रोजी मानोरा पोलीस ठाण्यात तक्रार दाखल केली आहे. फिर्यादीनुसार, या सर्व युवतींचे दहावी उत्तीर्ण झाल्यानंतरचे शिक्षण पूर्ण झाले असून त्या आता पदव्युत्तर शिक्षण घेत आहेत. अशा परिस्थितीत त्यांच्या नावाने कोणीतरी अज्ञात व्यक्तीने अकरावीसाठी ऑनलाइन अर्ज भरून प्रवेश घेतल्याचे त्यांच्या लक्षात आले. आपल्याला जाणीवपूर्वक त्रास देण्याच्या हेतूनेच हा प्रकार घडवून आणल्याचा संशय युवतींनी व्यक्त केला असून, संबंधित अज्ञात व्यक्तीवर कायदेशीर कारवाई करण्याची मागणी केली आहे. या तक्रारीनंतर मानोरा पोलिसांनी गुन्हा नोंदवून तांत्रिक तपास सुरू केला असून, आरोपीचा शोध घेतला जात आहे. याबाबत अधिक माहिती देताना मानोरा पोलीस स्टेशनच्या ठाणेदार नैना पोहेकर यांनी सांगितले की, पोलिसांना चार युवतींची तक्रार प्राप्त झाली असून तांत्रिक बाबींची सखोल तपासणी करून संबंधित आरोपीपर्यंत पोहोचत योग्य ती कायदेशीर कारवाई केली जाईल.