દિયોદર જેતડા હાઈવે પર રાટીલા ગામની સીમમાંથી સબસીડી વાળું શંકાસ્પદ યુરિયા ખાતરનો જથ્થો ઝડપાયો: SOG પોલીસે ટ્રક જપ્ત કરી, કુલ ₹24 લાખનો મુદ્દામાલ સીઝ કરાયો બળદેવ ટી બારોટ | દિયોદર બનાસકાંઠા જિલ્લાના દિયોદર-જેતડા હાઈવે પરથી એસ.ઓ.જી. પોલીસે શંકાસ્પદ યુરિયા ખાતર ભરેલો એક ટ્રક ઝડપી પાડ્યો છે. આ કાર્યવાહીમાં કુલ ₹24.04 લાખથી વધુનો મુદ્દામાલ સીઝ કરવામાં આવ્યો છે. જિલ્લામાં યુરિયા ખાતરની અછત વચ્ચે કાળાબજારીની આશંકા સેવાઈ રહી છે, ત્યારે પોલીસે આ મામલે વધુ તપાસ હાથ ધરી છે.પ્રાપ્ત માહિતી અનુસાર, થરાદ-વાવ જિલ્લા એસ.ઓ.જી. પોલીસને દિયોદર-જેતડા હાઈવે પર રાટીલા ગામની સીમમાંથી સબસિડીવાળું શંકાસ્પદ યુરિયા ખાતર ભરેલો ટ્રક પસાર થવાની ચોક્કસ બાતમી મળી હતી. આ બાતમીના આધારે પોલીસે વોચ ગોઠવી હતી અને RJ 19 GH 5681 નંબરના ટ્રકને રોકાવી તપાસ હાથ ધરી હતી. તપાસ દરમિયાન ખેતીવાડી અધિકારીને પણ સાથે રાખવામાં આવ્યા હતા.ટ્રકનાડ્રાઈવરની પૂછપરછ કરતા તેનું નામ અબ્દુલખાન દિલાવરખાન (રહે. રાવડી, તા. ફાતેગઢ, જિ. જેસલમેર) હોવાનું સામે આવ્યું હતું. પ્રાથમિક તપાસમાં જાણવા મળ્યું કે આ શંકાસ્પદ યુરિયા રાટીલા ગામની સીમમાં નાયરા પેટ્રોલિયમ પાસે આવેલા બજરંગ ખાતર ડેપો ખાતેથી લોડ કરવામાં આવ્યું હતું.ટ્રકમાંથી કુલ 777 બેગ શંકાસ્પદ યુરિયા ખાતર મળી આવ્યું હતું, જેની કિંમત આશરે ₹13.98 લાખ થાય છે. યુરિયા અને ટ્રક સહિત કુલ ₹24,04,600 નો મુદ્દામાલ દિયોદર પોલીસ મથકે લાવી સીઝ કરવામાં આવ્યો હતો. ડ્રાઈવરે પ્રાથમિક તપાસમાં આ યુરિયા હૈદરાબાદ લઈ જવાનો હોવાનું જણાવ્યું હતું.એસ.ઓ.જી. પી.આઈ. એ.જી. રબારીએ પત્રકાર પરિષદ યોજીને આ અંગેની માહિતી આપી હતી અને જણાવ્યું હતું કે આ મામલે વધુ તપાસ ચાલી રહી છે. દિયોદર સહિત સમગ્ર જિલ્લામાં યુરિયા ખાતરની અછત સર્જાઈ રહી છે, ત્યારે આ શંકાસ્પદ જથ્થો ઝડપાતા યુરિયાની કાળાબજારી થતી હોવાની આશંકાને વધુ વેગ મળ્યો છે.

Merajung News

Journalist દેઓદર, બનાસકાંઠા, ગુજરાત•

4 hrs ago

દિયોદર જેતડા હાઈવે પર રાટીલા ગામની સીમમાંથી સબસીડી વાળું શંકાસ્પદ યુરિયા ખાતરનો જથ્થો ઝડપાયો: SOG પોલીસે ટ્રક જપ્ત કરી, કુલ ₹24 લાખનો મુદ્દામાલ સીઝ કરાયો બળદેવ ટી બારોટ | દિયોદર બનાસકાંઠા જિલ્લાના દિયોદર-જેતડા હાઈવે પરથી એસ.ઓ.જી. પોલીસે શંકાસ્પદ યુરિયા ખાતર ભરેલો એક ટ્રક ઝડપી પાડ્યો છે. આ કાર્યવાહીમાં કુલ ₹24.04 લાખથી વધુનો મુદ્દામાલ સીઝ કરવામાં આવ્યો છે. જિલ્લામાં યુરિયા ખાતરની અછત વચ્ચે કાળાબજારીની આશંકા સેવાઈ રહી છે, ત્યારે પોલીસે આ મામલે વધુ તપાસ હાથ ધરી છે.પ્રાપ્ત માહિતી અનુસાર, થરાદ-વાવ જિલ્લા એસ.ઓ.જી. પોલીસને દિયોદર-જેતડા હાઈવે પર રાટીલા ગામની સીમમાંથી સબસિડીવાળું શંકાસ્પદ યુરિયા ખાતર ભરેલો ટ્રક પસાર થવાની ચોક્કસ બાતમી મળી હતી. આ બાતમીના આધારે પોલીસે વોચ ગોઠવી હતી અને RJ 19 GH 5681 નંબરના ટ્રકને રોકાવી તપાસ હાથ ધરી હતી. તપાસ દરમિયાન ખેતીવાડી અધિકારીને પણ સાથે રાખવામાં આવ્યા હતા.ટ્રકનાડ્રાઈવરની પૂછપરછ કરતા તેનું નામ અબ્દુલખાન દિલાવરખાન (રહે. રાવડી, તા. ફાતેગઢ, જિ. જેસલમેર) હોવાનું સામે આવ્યું હતું. પ્રાથમિક તપાસમાં જાણવા મળ્યું કે આ શંકાસ્પદ યુરિયા રાટીલા ગામની સીમમાં નાયરા પેટ્રોલિયમ પાસે આવેલા બજરંગ ખાતર ડેપો ખાતેથી લોડ કરવામાં આવ્યું હતું.ટ્રકમાંથી કુલ 777 બેગ શંકાસ્પદ યુરિયા ખાતર મળી આવ્યું હતું, જેની કિંમત આશરે ₹13.98 લાખ થાય છે. યુરિયા અને ટ્રક સહિત કુલ ₹24,04,600 નો મુદ્દામાલ દિયોદર પોલીસ મથકે લાવી સીઝ કરવામાં આવ્યો હતો. ડ્રાઈવરે પ્રાથમિક તપાસમાં આ યુરિયા હૈદરાબાદ લઈ જવાનો હોવાનું જણાવ્યું હતું.એસ.ઓ.જી. પી.આઈ. એ.જી. રબારીએ પત્રકાર પરિષદ યોજીને આ અંગેની માહિતી આપી હતી અને જણાવ્યું હતું કે આ મામલે વધુ તપાસ ચાલી રહી છે. દિયોદર સહિત સમગ્ર જિલ્લામાં યુરિયા ખાતરની અછત સર્જાઈ રહી છે, ત્યારે આ શંકાસ્પદ જથ્થો ઝડપાતા યુરિયાની કાળાબજારી થતી હોવાની આશંકાને વધુ વેગ મળ્યો છે.