इंदापूर तालुक्यातील भवानीनगर-तावशी रस्ता धोकादायक अवस्थेत; नागरिकांचा संतप्त सवाल — “आमच्यावरच दुर्लक्ष का?” पुणे प्रतिनिधी:- इंदापूर तालुक्यातील भवानीनगर-तावशी हा महत्त्वाचा ग्रामीण रस्ता आज अत्यंत खराब अवस्थेत असून परिसरातील नागरिकांच्या सुरक्षिततेचा प्रश्न ऐरणीवर आला आहे. तावशी, सपकळवाडी, उदामाईवाडी, उद्धट, कुरवली, आसू, पवारवाडी, सोनगाव आणि ढेकळवाडी या गावांतील शेकडो नागरिक दररोज कामानिमित्त, शाळा-कॉलेज, शेती तसेच दैनंदिन प्रवासासाठी या रस्त्याचा वापर करत आहेत. हा रस्ता इंदापूर आणि बारामती तालुक्याच्या सीमेवरील महत्त्वाचा दुवा मानला जात असला तरी त्याची अवस्था दिवसेंदिवस अधिकच बिकट होत चालली आहे. विशेषतः या मार्गावर मुरूम व खडी वाहतूक मोठ्या प्रमाणात सुरू असल्याने रस्त्याची झपाट्याने वाताहत होत आहे. अवजड वाहनांच्या सततच्या वाहतुकीमुळे रस्त्यावर मोठमोठे खड्डे पडले असून धुळीचे साम्राज्य निर्माण झाले आहे. स्थानिकांच्या म्हणण्यानुसार, साखर कारखाना सुरू असताना या मार्गावरून पायी चालणेही जीवावर बेतण्यासारखे ठरत आहे. शाळकरी मुले, महिला आणि ज्येष्ठ नागरिकांना दररोज जीव मुठीत धरून प्रवास करावा लागत असल्याचे वास्तव समोर येत आहे. रस्त्याची क्षमता कमी असताना मोठ्या प्रमाणावर अवजड वाहतूक सुरू ठेवण्यास परवानगी कशी दिली जाते, असा प्रश्न नागरिकांकडून उपस्थित केला जात आहे. विशेष म्हणजे इंदापूर तालुक्यात कोट्यवधी रुपयांच्या विकासकामांच्या घोषणा होत असताना या महत्त्वाच्या रस्त्याकडे सातत्याने दुर्लक्ष होत असल्याची भावना स्थानिकांमध्ये तीव्र होत आहे. “आम्हीही याच तालुक्याचा भाग आहोत, मग आमच्यावरच दुर्लक्ष का केले जाते? कोणत्या आकसापोटी या रस्त्यासाठी निधी मंजूर केला जात नाही?” असा संतप्त सवाल नागरिक विचारत आहेत. काही वर्षांपूर्वी करण्यात आलेले काम पहिल्याच पावसात उखडल्याने कामाच्या गुणवत्तेवरही गंभीर प्रश्न उपस्थित झाले होते. संबंधित विभाग, ठेकेदार आणि जबाबदार अधिकाऱ्यांवर चौकशी करून दोषींवर कारवाई करणे अपेक्षित होते व आहे.या आशयाची तक्रार ही केली होती पण कारवाई झाली नाही. ग्रामीण भागातील नागरिकांना सुरक्षित आणि दर्जेदार रस्ते मिळणे हा त्यांचा मूलभूत हक्क आहे. त्यामुळे भवानीनगर-तावशी रस्त्याचा प्रश्न केवळ राजकीय आश्वासनांपुरता मर्यादित न ठेवता तातडीने निधी मंजूर करून कायमस्वरूपी तोडगा काढण्याची मागणी नागरिकांकडून होत आहे.

Mahesh Dnyandev Zende

Local News Reporter इंदापूर, पुणे, महाराष्ट्र•

1 hr ago

इंदापूर तालुक्यातील भवानीनगर-तावशी रस्ता धोकादायक अवस्थेत; नागरिकांचा संतप्त सवाल — “आमच्यावरच दुर्लक्ष का?” पुणे प्रतिनिधी:- इंदापूर तालुक्यातील भवानीनगर-तावशी हा महत्त्वाचा ग्रामीण रस्ता आज अत्यंत खराब अवस्थेत असून परिसरातील नागरिकांच्या सुरक्षिततेचा प्रश्न ऐरणीवर आला आहे. तावशी, सपकळवाडी, उदामाईवाडी, उद्धट, कुरवली, आसू, पवारवाडी, सोनगाव आणि ढेकळवाडी या गावांतील शेकडो नागरिक दररोज कामानिमित्त, शाळा-कॉलेज, शेती तसेच दैनंदिन प्रवासासाठी या रस्त्याचा वापर करत आहेत. हा रस्ता इंदापूर आणि बारामती तालुक्याच्या सीमेवरील महत्त्वाचा दुवा मानला जात असला तरी त्याची अवस्था दिवसेंदिवस अधिकच बिकट होत चालली आहे. विशेषतः या मार्गावर मुरूम व खडी वाहतूक मोठ्या प्रमाणात सुरू असल्याने रस्त्याची झपाट्याने वाताहत होत आहे. अवजड वाहनांच्या सततच्या वाहतुकीमुळे रस्त्यावर मोठमोठे खड्डे पडले असून धुळीचे साम्राज्य निर्माण झाले आहे. स्थानिकांच्या म्हणण्यानुसार, साखर कारखाना सुरू असताना या मार्गावरून पायी चालणेही जीवावर बेतण्यासारखे ठरत आहे. शाळकरी मुले, महिला आणि ज्येष्ठ नागरिकांना दररोज जीव मुठीत धरून प्रवास करावा लागत असल्याचे वास्तव समोर येत आहे. रस्त्याची क्षमता कमी असताना मोठ्या प्रमाणावर अवजड वाहतूक सुरू ठेवण्यास परवानगी कशी दिली जाते, असा प्रश्न नागरिकांकडून उपस्थित केला जात आहे. विशेष म्हणजे इंदापूर तालुक्यात कोट्यवधी रुपयांच्या विकासकामांच्या घोषणा होत असताना या महत्त्वाच्या रस्त्याकडे सातत्याने दुर्लक्ष होत असल्याची भावना स्थानिकांमध्ये तीव्र होत आहे. “आम्हीही याच तालुक्याचा भाग आहोत, मग आमच्यावरच दुर्लक्ष का केले जाते? कोणत्या आकसापोटी या रस्त्यासाठी निधी मंजूर केला जात नाही?” असा संतप्त सवाल नागरिक विचारत आहेत. काही वर्षांपूर्वी करण्यात आलेले काम पहिल्याच पावसात उखडल्याने कामाच्या गुणवत्तेवरही गंभीर प्रश्न उपस्थित झाले होते. संबंधित विभाग, ठेकेदार आणि जबाबदार अधिकाऱ्यांवर चौकशी करून दोषींवर कारवाई करणे अपेक्षित होते व आहे.या आशयाची तक्रार ही केली होती पण कारवाई झाली नाही. ग्रामीण भागातील नागरिकांना सुरक्षित आणि दर्जेदार रस्ते मिळणे हा त्यांचा मूलभूत हक्क आहे. त्यामुळे भवानीनगर-तावशी रस्त्याचा प्रश्न केवळ राजकीय आश्वासनांपुरता मर्यादित न ठेवता तातडीने निधी मंजूर करून कायमस्वरूपी तोडगा काढण्याची मागणी नागरिकांकडून होत आहे.