हिवरखेड हादरले! राधास्वामी सत्संग परिसरात हरणाची शिकार; वाघ की बिबट्या? नागरिकांमध्ये दहशतीचे वातावरण अकोला हिवरखेड परिसरात मागील काही दिवसांपासून वन्य प्राण्यांचा वावर वाढला असून, आज पुन्हा एकदा हिंस्त्र पशूने हरणाची शिकार केल्याची घटना उघडकीस आली आहे. कार्ला बु. रोडवरील राधास्वामी सत्संग जवळ असलेल्या निलेश खिरोडकार यांच्या शेतात हा प्रकार घडला असून यामुळे परिसरात भीतीचे सावट पसरले आहे. आज मंगळवार, २१ एप्रिल रोजी पहाटेच्या सुमारास अजय नावकार आणि अजय मसूरकार हे युवक शेतात गेले असता, त्यांना एका हरणाचा छिन्नविछिन्न अवस्थेतील मृतदेह आढळून आला. परिस्थिती पाहता एखाद्या मोठ्या हिंस्त्र प्राण्याने (वाघ किंवा बिबट्या) ही शिकार केल्याचा प्राथमिक अंदाज वर्तवण्यात येत आहे. महिन्याभरापासून वाघाचा धुमाकूळ हिवरखेडसह सौंदळा, वारखेड, वारी या परिसरात गेल्या महिन्याभरापासून वाघाने अक्षरशः आतंक माजविला आहे. आतापर्यंत डझनभर पाळीव व वन्य प्राण्यांच्या शिकारी झाल्या असून वन विभाग मात्र सुस्त असल्याचे चित्र दिसत आहे. शेतकरी आता स्वतःच्या शेतात जाण्यासही घाबरत आहेत. शेतकऱ्यांचा आंदोलनाचा इशारा वन विभागाने या घटनेची गांभीर्याने दखल घेऊन तात्काळ परिसरात पिंजरा लावावा आणि या हिंस्त्र पशूला जेरबंद करून दूर जंगलात सोडावे, अशी मागणी ग्रामस्थांनी केली आहे. जर वन विभागाने वेळीच पावले उचलली नाहीत, तर मोठे जन आंदोलन उभारण्याचा इशारा परिसरातील शेतकऱ्यांनी दिला आहे.

Anil dandi

Farmer Balapur, Akola•

2 hrs ago

हिवरखेड हादरले! राधास्वामी सत्संग परिसरात हरणाची शिकार; वाघ की बिबट्या? नागरिकांमध्ये दहशतीचे वातावरण अकोला हिवरखेड परिसरात मागील काही दिवसांपासून वन्य प्राण्यांचा वावर वाढला असून, आज पुन्हा एकदा हिंस्त्र पशूने हरणाची शिकार केल्याची घटना उघडकीस आली आहे. कार्ला बु. रोडवरील राधास्वामी सत्संग जवळ असलेल्या निलेश खिरोडकार यांच्या शेतात हा प्रकार घडला असून यामुळे परिसरात भीतीचे सावट पसरले आहे. आज मंगळवार, २१ एप्रिल रोजी पहाटेच्या सुमारास अजय नावकार आणि अजय मसूरकार हे युवक शेतात गेले असता, त्यांना एका हरणाचा छिन्नविछिन्न अवस्थेतील मृतदेह आढळून आला. परिस्थिती पाहता एखाद्या मोठ्या हिंस्त्र प्राण्याने (वाघ किंवा बिबट्या)

ही शिकार केल्याचा प्राथमिक अंदाज वर्तवण्यात येत आहे. महिन्याभरापासून वाघाचा धुमाकूळ हिवरखेडसह सौंदळा, वारखेड, वारी या परिसरात गेल्या महिन्याभरापासून वाघाने अक्षरशः आतंक माजविला आहे. आतापर्यंत डझनभर पाळीव व वन्य प्राण्यांच्या शिकारी झाल्या असून वन विभाग मात्र सुस्त असल्याचे चित्र दिसत आहे. शेतकरी आता स्वतःच्या शेतात जाण्यासही घाबरत आहेत. शेतकऱ्यांचा आंदोलनाचा इशारा वन विभागाने या घटनेची गांभीर्याने दखल घेऊन तात्काळ परिसरात पिंजरा लावावा आणि या हिंस्त्र पशूला जेरबंद करून दूर जंगलात सोडावे, अशी मागणी ग्रामस्थांनी केली आहे. जर वन विभागाने वेळीच पावले उचलली नाहीत, तर मोठे जन आंदोलन उभारण्याचा इशारा परिसरातील शेतकऱ्यांनी दिला आहे.