ராசிபுரம்  அருகே, உரிய  மருத்துவப்  படிப்பு இன்றி  பொதுமக்களுக்கு  சிகிச்சை  அளித்ததாகக் கூறப்படும் பெண் கைது செய்யப்பட்டுள்ளார். அவர் நடத்தி வந்த மருந்தகத்திற்கு  சுகாதாரத்துறை அதிகாரிகள் சீல்வைத்தனர். நாமக்கல் மாவட்டம் இராசிபுரம்  அடுத்த  ஆர்.புதுப்பட்டி பகுதியில் இஸ்லாமி மெடிக்கல் என்ற மருந்தகத்தை,கேரள  மாநிலத்தைச்  சேர்ந்த  உஷா என்பவர் கடந்த 7  ஆண்டுகளாக நடத்தி வந்ததாக கூறப்படுகிறது. இவர் உரிய மருத்துவப்  படிப்பு  படிக்காமல், மருத்துவரின் பரிந்துரைச்சீட்டு இன்றி  பொது மக்களுக்கு மருந்துகள்  வழங்கியதுடன்நோயாளிகளுக்கு  ஊசி செலுத்தி  வந்ததாகவும், வீடுகளுக்குச்  சென்று குளுக்கோஸ்  செலுத்தியதாகவும்  புகார்கள் எழுந்தன. இதுதொடர்பாக மாவட்ட ஆட்சியருக்கு தொடர்ந்து புகார்கள்  சென்றதாக  கூறப்படுகிறது. இந்த நிலையில், வடுகம்  ஊராட்சியில் டெங்கு முன்னெச்சரிக்கை நடவடிக்கைகள் தொடர்பாக மாவட்ட ஆட்சியர் மதுபாலன் கள ஆய்வு மேற்கொண்டபோது, புதுப்பட்டி பகுதியில்  காய்ச்சலுக்கு மருந்து  மற்றும் ஊசி செலுத்திக் கொள்வதாக சிலர் தெரிவித்துள்ளனர். இதையடுத்து மாவட்ட ஆட்சியர்  சம்பந்தப்பட்ட  சுகாதாரத்துறை  அதிகாரிகளுக்கு தகவல் தெரிவித்துள்ளார். தொடர்ந்து, சுகாதார  அலுவலர் பூங்கொடி தலைமையிலான அதிகாரிகள், ஆர்.புதுப்பட்டியில்  உள்ள இஸ்லாமி  மெடிக்கல் மருந்தகத்தில் ஆய்வு மேற்கொண்டு அந்த மருந்தகத்திற்கு சீல் வைத்தனர். மேலும், உரிய மருத்துவத் தகுதி இன்றி சிகிச்சை  அளித்ததாகக் கூறப்படும் உஷா மீது நாமகிரிப்பேட்டை காவல்துறையினர் வழக்குப்பதிவு செய்து கைது செய்தனர்.

Aravinth

ராசிபுரம், நாமக்கல், தமிழ்நாடு•

5 hrs ago

ராசிபுரம்  அருகே, உரிய  மருத்துவப்  படிப்பு இன்றி  பொதுமக்களுக்கு  சிகிச்சை  அளித்ததாகக் கூறப்படும் பெண் கைது செய்யப்பட்டுள்ளார். அவர் நடத்தி வந்த மருந்தகத்திற்கு  சுகாதாரத்துறை அதிகாரிகள் சீல்வைத்தனர். நாமக்கல் மாவட்டம் இராசிபுரம்  அடுத்த  ஆர்.புதுப்பட்டி பகுதியில் இஸ்லாமி மெடிக்கல் என்ற மருந்தகத்தை,கேரள  மாநிலத்தைச்  சேர்ந்த  உஷா என்பவர் கடந்த 7  ஆண்டுகளாக நடத்தி வந்ததாக கூறப்படுகிறது. இவர் உரிய மருத்துவப்  படிப்பு  படிக்காமல், மருத்துவரின் பரிந்துரைச்சீட்டு இன்றி  பொது மக்களுக்கு மருந்துகள்  வழங்கியதுடன்நோயாளிகளுக்கு  ஊசி செலுத்தி  வந்ததாகவும், வீடுகளுக்குச்  சென்று குளுக்கோஸ்  செலுத்தியதாகவும்  புகார்கள் எழுந்தன. இதுதொடர்பாக மாவட்ட ஆட்சியருக்கு தொடர்ந்து புகார்கள்  சென்றதாக  கூறப்படுகிறது. இந்த நிலையில், வடுகம்  ஊராட்சியில் டெங்கு முன்னெச்சரிக்கை நடவடிக்கைகள் தொடர்பாக மாவட்ட ஆட்சியர் மதுபாலன் கள ஆய்வு மேற்கொண்டபோது, புதுப்பட்டி பகுதியில்  காய்ச்சலுக்கு மருந்து  மற்றும் ஊசி செலுத்திக் கொள்வதாக சிலர் தெரிவித்துள்ளனர். இதையடுத்து மாவட்ட ஆட்சியர்  சம்பந்தப்பட்ட  சுகாதாரத்துறை  அதிகாரிகளுக்கு தகவல் தெரிவித்துள்ளார். தொடர்ந்து, சுகாதார  அலுவலர் பூங்கொடி தலைமையிலான அதிகாரிகள், ஆர்.புதுப்பட்டியில்  உள்ள இஸ்லாமி  மெடிக்கல் மருந்தகத்தில் ஆய்வு மேற்கொண்டு அந்த மருந்தகத்திற்கு சீல் வைத்தனர். மேலும், உரிய மருத்துவத் தகுதி இன்றி சிகிச்சை  அளித்ததாகக் கூறப்படும் உஷா மீது நாமகிரிப்பேட்டை காவல்துறையினர் வழக்குப்பதிவு செய்து கைது செய்தனர்.