એક વ્યક્તિએ લોકોને ભાવુક અપીલ કરી છે કે તેઓ એક વીડિયોને વાયરલ કરે. તેણે વિનંતી કરી છે કે બધા તેને પોતાનો ભાઈ સમજીને આ વીડિયોને વધુમાં વધુ શેર કરે.

મહીસાગર એલ.સી.બી. પોલીસે કડાણા પો.સ્ટે.માં નોંધાયેલા પ્રોહિબિશનના ગુનામાં છેલ્લા એક વર્ષથી નાસતા ફરતા આરોપીને ઝડપી પાડ્યો છે. પંચમહાલ ગોધરા રેન્જ નાયબ પોલીસ મહાનિરીક્ષક વિધિ ચૌધરી અને મહીસાગર જિલ્લા પોલીસ અધિક્ષક સફીન હસન દ્વારા નાસતા-ફરતા આરોપીઓને ઝડપી પાડવા માટે આયોજિત સ્પેશિયલ ડ્રાઇવના ભાગરૂપે આ કાર્યવાહી કરવામાં આવી હતી. આ સ્પેશિયલ ડ્રાઇવના અનુસંધાને, મહીસાગર લોકલ ક્રાઈમ બ્રાન્ચના પોલીસ ઇન્સ્પેક્ટર મનીષભાઈ.કે.ખાંટના સૂચના અને માર્ગદર્શન હેઠળ, આરોપીઓને ઝડપી પાડવા માટે એલ.સી.બી. સ્ટાફના માણસોની અલગ અલગ ટીમો બનાવવામાં આવી હતી. આ દરમિયાન, આ.હે.કો. ભવદીપસિંહ પુષ્પતસિંહ અને આ.પો.કો. દિનેશભાઈ ભલાભાઈને ચોક્કસ બાતમી મળી હતી કે કડાણા પો.સ્ટે. ગુ.ર.નં. ૧૧૧૮૭૦૦૪૨૫૦૪૬૧/૨૦૨૫ પ્રોહિ કલમ ૬૫(એ), (ઇ), ૮૧,૯૮(૨),૧૧૬(બી) મુજબનો નાસતો ફરતો આરોપી સુરેન્દ્રસિંહ મોતીસિંહ ચુંડાવત, જે પાતલી તા-જી. ડુંગરપુર, (રાજસ્થાન)નો રહેવાસી છે, તે હાલ લુણાવાડા સેવા સદન બાજુ ઊભો છે. આ બાતમીના આધારે એલ.સી.બી. સ્ટાફના માણસોએ તાત્કાલિક બાતમીવાળી જગ્યાએ જઈ તપાસ કરતા, ઉપરોક્ત ગુનાનો આરોપી મળી આવ્યો હતો. આરોપીને ઝડપી પાડી, આગળની કાયદેસરની કાર્યવાહી કરવા માટે કડાણા પો.સ્ટે.ને સોંપવામાં આવેલ છે અને આગળની કાર્યવાહી હાથ ધરવામાં આવી છે.

છોટાઉદેપુર જિલ્લા ટ્રાફિક પોલીસે બોડેલી ખાતે એક દિલ જીતી લે તેવી પહેલ કરી છે, જ્યાં દંડ આપવાને બદલે મફત હેલ્મેટનું વિતરણ કરીને સુરક્ષાનો સંદેશો આપવામાં આવ્યો છે. છોટાઉદેપુર જિલ્લા ટ્રાફિક પોલીસ અને એજ્યુકેશન ટ્રસ્ટના ટ્રસ્ટી ઈન્દ્રજિત પટેલના સંયુક્ત ઉપક્રમે આ માર્ગ સલામતી જાગૃતિ માટેનો મફત હેલ્મેટ વિતરણ કાર્યક્રમ યોજાયો હતો. અકસ્માતો અટકાવવા અને લોકોમાં જાગૃતિ લાવવાના હેતુથી પોલીસે કરેલા આ નવતર પ્રયોગને લોકો ખૂબ જ પસંદ કરી રહ્યા છે, અને તેઓ ભાવુકતાપૂર્વક કહી રહ્યા છે કે 'પોલીસ હોય તો આવી!'

વડાપ્રધાન નરેન્દ્ર મોદીના નેતૃત્વ હેઠળ કેન્દ્ર સરકારના સફળ ૧૨ વર્ષ પૂર્ણ થવાના અવસરે, આજે તારીખ ૧૫/૦૬/૨૦૨૬, સોમવારના રોજ સાંજે ૫ કલાક સુધીમાં દાહોદ જિલ્લામાં “૧૨ વર્ષ વિશ્વાસના, વિકાસના અને જનકલ્યાણના” થીમ આધારિત “પ્રગતિપથ યાત્રા”નું આયોજન કરવામાં આવ્યું હતું. આ યાત્રા દરમિયાન જિલ્લાના વિવિધ વિકાસકાર્યો અને જનહિતલક્ષી પ્રોજેક્ટોની મુલાકાત લઈને તેમની કામગીરીનું નિરીક્ષણ કરવામાં આવ્યું. યાત્રામાં જોડાયેલા મહાનુભાવોએ દાહોદ જિલ્લામાં છેલ્લા વર્ષોમાં થયેલા વિકાસકાર્યો અંગે માહિતી મેળવી હતી. પ્રથમ તબક્કામાં રેલવે કારખાના, નવીન લાયબ્રેરી અને દાહોદ નગરપાલિકા સહિતના વિવિધ વિકસિત સ્થળોની મુલાકાત લેવાઈ હતી. આ મુલાકાત દરમિયાન વિવિધ પ્રોજેક્ટોની પ્રગતિ, સુવિધાઓ અને તેના લાભોની વિસ્તૃત સમીક્ષા કરવામાં આવી. કાર્યક્રમમાં વિકાસકાર્યોની ગુણવત્તા, લોકો માટે ઉપલબ્ધ સુવિધાઓ અને ભવિષ્યમાં હાથ ધરાનાર યોજનાઓ અંગે પણ ચર્ચા થઈ. આ “પ્રગતિપથ યાત્રા”માં સહ પ્રભારી મંત્રી પી.સી. બરંડા, રાજ્યમંત્રી રમેશભાઈ કટારા, જિલ્લા પંચાયત પ્રમુખ ગમાબેન મોહનિયા, ઝાલોદ ધારાસભ્ય મહેશભાઈ ભુરીયા, નગરપાલિકા પ્રમુખ મીનાક્ષીબેન નીનામા, પ્રાંત અધિકારી મિલિન્દ દવે, નગરપાલિકા ચીફ ઓફિસર દીપસિંહ હઠીલા સહિત અનેક અધિકારીઓ, પદાધિકારીઓ અને આગેવાનો ઉપસ્થિત રહ્યા હતા. આ યાત્રાએ ઉપસ્થિત લોકોને જિલ્લાના વિકાસની ગાથા અને વિવિધ ક્ષેત્રોમાં થયેલી પ્રગતિને નજીકથી જાણવાનો અવસર પૂરો પાડ્યો.

ગાંધી સભાગૃહમાં પ્રભારી મંત્રી અજીત સિંહ પાલનો મીડિયા સંવાદ યોજાયો હતો. આ સંવાદ દરમિયાન, તેમણે વિકાસ કાર્યો અને જનકલ્યાણકારી યોજનાઓની વિવિધ ઉપલબ્ધિઓ ગણાવી હતી.

સુપ્રસિદ્ધ યાત્રાધામ ડાકોર પોલીસ સ્ટેશનમાં ફરજ બજાવતા હેડ કોન્સ્ટેબલ હાર્દિક શર્મા અને હેડ કોન્સ્ટેબલ કિશોરસિંહને સસ્પેન્ડ કરવામાં આવ્યા છે.

આજે, સોમવાર, તારીખ 15/06/2026 ના રોજ દાહોદ શહેરના પંડિત દિનદયાળ ઓડિટોરિયમ હોલ ખાતે વિકસિત ભારત સંકલ્પ સંમેલનનું આયોજન કરવામાં આવ્યું હતું. આ સંમેલન દાહોદ જિલ્લાના સહ પ્રભારી મંત્રી પી.સી. બરંડાના અધ્યક્ષસ્થાને યોજાયું હતું, જેમાં રાજ્યમંત્રી રમેશ કટારા અને સાંસદ જસવંતસિંહ ભાભોર વિશેષ ઉપસ્થિત રહ્યા હતા. કાર્યક્રમ દરમિયાન દેશના વિકાસ, જનકલ્યાણ અને વિવિધ લોકહિતકારી યોજનાઓ અંગે વિસ્તૃત ચર્ચા કરવામાં આવી હતી. ઉપસ્થિત મહાનુભાવોએ છેલ્લા 12 વર્ષ દરમિયાન દેશ અને જિલ્લામાં થયેલા વિકાસ કાર્યો અંગે માહિતી પૂરી પાડી હતી. પી.સી. બરંડાએ પોતાના સંબોધનમાં જણાવ્યું કે દેશના સર્વાંગી વિકાસ અને જનકલ્યાણ માટેના પ્રયાસોની નોંધ આજે સમગ્ર વિશ્વ લઈ રહ્યું છે. રાજ્યમંત્રી રમેશ કટારાએ દાહોદ જેવા આદિવાસી જિલ્લામાં શિક્ષણ, આરોગ્ય, માર્ગ, પીવાનું પાણી અને અન્ય મૂળભૂત સુવિધાઓના ક્ષેત્રમાં થયેલા નોંધપાત્ર વિકાસ પર ભાર મૂક્યો, અને આદિવાસી વિદ્યાર્થીઓ માટેની શૈક્ષણિક સુવિધાઓ અને કલ્યાણકારી યોજનાઓ વિશે માહિતી આપી. સાંસદ જસવંતસિંહ ભાભોરે પણ જિલ્લાના વિકાસ કાર્યો અને વિવિધ યોજનાઓના અમલીકરણ દ્વારા દાહોદ જિલ્લામાં પરિવર્તન જોવા મળ્યાની વાત કરી હતી. આ સંમેલન દરમિયાન વિવિધ સરકારી યોજનાઓના લાભાર્થીઓને સહાય અને લાભોનું વિતરણ કરવામાં આવ્યું હતું. આ સાથે જ, ટ્રાફિક નિયમોનું પાલન, સ્વચ્છતા જાળવવા અને વ્યસનમુક્ત જીવન જીવવા અંગે સામૂહિક સંકલ્પ લેવડાવવામાં આવ્યો હતો. આ પ્રસંગે જિલ્લા પંચાયત પ્રમુખ ગમાબેન મોહનિયા, નગરપાલિકા પ્રમુખ મીનાક્ષીબેન નિનામા, દાહોદ ધારાસભ્ય કનૈયાલાલ કિશોરી, ગરબાડા ધારાસભ્ય મહેન્દ્રભાઈ ભાભોર, લીમખેડા ધારાસભ્ય શૈલેષભાઈ ભાભોર, ઝાલોદ ધારાસભ્ય મહેશભાઈ ભુરીયા સહિત અન્ય જનપ્રતિનિધિઓ, આગેવાનો, અધિકારીઓ અને મોટી સંખ્યામાં નાગરિકો ઉપસ્થિત રહ્યા હતા.

ખેડા જિલ્લાના મંજુસર GIDC માં આવેલી પહાસ્કૂલ કુલિંગ ટાવર નામની એક ખાનગી કંપનીમાં આગ લાગવાની ઘટના બની છે. આ ઘટનાને પગલે સમગ્ર વિસ્તારમાં અફરાતફરીનો માહોલ સર્જાયો હતો.