राहुड घाटातील अपघातांचा प्रश्न गंभीर; सहापदरी फ्लायओव्हर/व्हायाडक्टला तातडीने मंजुरी द्या - आमदार डॉ. राहुल आहेर; एनएचएआयचे मुख्य महाव्यवस्थापक रजनीश कपूर यांच्यासोबत नवी दिल्ली येथे बैठक; अपघातप्रवण घाट कायमस्वरूपी सुरक्षित करण्याची मागणी मुंबई-आग्रा राष्ट्रीय महामार्गावरील चांदवड तालुक्यातील राहुड घाटातील वाढते अपघात, वाहतूक कोंडी आणि वाहनचालकांची होणारी गैरसोय लक्षात घेता या ठिकाणी सहापदरी फ्लायओव्हर/व्हायाडक्ट उभारण्याचा प्रस्ताव तातडीने मंजूर करून त्यासाठी आवश्यक निधी उपलब्ध करून देत काम लवकरात लवकर सुरू करावे, अशी ठाम मागणी चांदवड-देवळा विधानसभा मतदारसंघाचे आमदार डॉ. राहुल दौलतराव आहेर यांनी केली आहे. यासंदर्भात आमदार डॉ. आहेर यांनी दि. १५ सप्टेंबर २०२६ रोजी एनएचएआयचे मुख्य महाव्यवस्थापक रजनीश कपूर यांची नवी दिल्ली येथे भेट घेऊन सविस्तर चर्चा केली. राहुड घाटातील अपघातांची गंभीर परिस्थिती, वाढती अवजड वाहतूक आणि त्यातून निर्माण होणारा धोका याबाबत माहिती देत त्यांनी एनएचएआयकडे लेखी निवेदनही सादर केले. मुंबई-आग्रा राष्ट्रीय महामार्गावरील राहुड घाटाची लांबी सुमारे २.५५ किलोमीटर असून या मार्गावर मोठ्या प्रमाणात अवजड वाहनांची वाहतूक होते. घाटातील तीव्र चढ-उतार आणि वळणांमुळे ट्रक, टँकर तसेच इतर अवजड वाहने अनियंत्रित होऊन अपघात होण्याचे प्रमाण वाढले आहे. त्यामुळे या मार्गावरून प्रवास करणाऱ्या वाहनचालकांच्या सुरक्षिततेचा प्रश्न निर्माण झाला असून, अपघातांमुळे महामार्गावरील वाहतूक व्यवस्थेवरही मोठा परिणाम होत आहे. दि. २८ ऑगस्ट २०२६ रोजी राहुड घाटात टायर घेऊन जाणाऱ्या ट्रकने चार वाहनांना धडक दिल्याने झालेल्या अपघातात ११ जण जखमी झाले होते. तसेच सप्टेंबर २०२५ मध्ये टँकर आणि ट्रेलरच्या अपघातात एका व्यक्तीचा मृत्यू झाला होता. या अपघातानंतर टँकरमधून गॅस गळती झाल्याने परिसरात भीतीचे वातावरण निर्माण झाले होते. राहुड घाटात अपघात झाल्यानंतर अनेकदा महामार्गावरील वाहतूक पर्यायी मार्गावर वळवावी लागते. परिणामी मनमाड, मालेगाव, चांदवड, नाशिक आणि धुळे या प्रमुख मार्गांवर मोठ्या प्रमाणात वाहतूक कोंडी निर्माण होते. त्यामुळे स्थानिक नागरिकांसह या मार्गावरून प्रवास करणाऱ्या हजारो वाहनचालकांना त्याचा फटका बसतो. आमदार डॉ. आहेर यांनी एनएचएआयला दिलेल्या निवेदनात राहुड घाट हा 'मॉर्थ' च्या निकषांनुसार अपघातप्रवण ‘ब्लॅक स्पॉट’ असल्याचे नमूद केले आहे. पोलीस अपघात अहवालाच्या आधारे मागील पाच वर्षांत या परिसरात २० पेक्षा अधिक जणांचा मृत्यू झाल्याचेही निवेदनात नमूद केले आहे. एनएचएआयकडून वेळोवेळी अल्पकालीन सुरक्षात्मक उपाययोजना करण्यात येत असल्या तरी राहुड घाटातील अपघातप्रवण भागाचा कायमस्वरूपी प्रश्न सोडविण्यासाठी सहापदरी फ्लायओव्हर/व्हायाडक्टचे स्वतंत्र काम तातडीने मंजूर करून त्यासाठी निधी उपलब्ध करून देण्यात यावा आणि प्रत्यक्ष कामाला सुरुवात करावी, अशी मागणी आमदार डॉ. राहुल आहेर यांनी बैठकीत केली. राहुड घाटातील अपघातांचे प्रमाण, वाहतुकीची वाढती तीव्रता आणि नागरिकांच्या सुरक्षिततेचा विचार करता या प्रश्नावर दीर्घकालीन उपाययोजना होणे आवश्यक असल्याचे आमदार डॉ. आहेर यांनी एनएचएआय अधिकाऱ्यांच्या निदर्शनास आणून दिले. या बैठकीस आमदार डॉ. राहुल आहेर यांच्यासोबत ॲड. विलास देशमाने आणि जिल्हा परिषद माजी सदस्य प्रशांत देवरे उपस्थित होते. राहुड घाटातील अपघातांचा प्रश्न कायमस्वरूपी मार्गी लावण्यासाठी सहापदरी फ्लायओव्हर/व्हायाडक्टच्या प्रस्तावाला मंजुरी मिळवून काम सुरू करण्यासाठी पुढील स्तरावरही पाठपुरावा सुरू ठेवण्यात येणार असल्याचे आमदार डॉ. राहुल आहेर यांनी स्पष्ट केले.

Mahendra kantubhai Gujrathi

Local News Reporter चांदवड, नाशिक, महाराष्ट्र•

1 hr ago

राहुड घाटातील अपघातांचा प्रश्न गंभीर; सहापदरी फ्लायओव्हर/व्हायाडक्टला तातडीने मंजुरी द्या - आमदार डॉ. राहुल आहेर; एनएचएआयचे मुख्य महाव्यवस्थापक रजनीश कपूर यांच्यासोबत नवी दिल्ली येथे बैठक; अपघातप्रवण घाट कायमस्वरूपी सुरक्षित करण्याची मागणी मुंबई-आग्रा राष्ट्रीय महामार्गावरील चांदवड तालुक्यातील राहुड घाटातील वाढते अपघात, वाहतूक कोंडी आणि वाहनचालकांची होणारी गैरसोय लक्षात घेता या ठिकाणी सहापदरी फ्लायओव्हर/व्हायाडक्ट उभारण्याचा प्रस्ताव तातडीने मंजूर करून त्यासाठी आवश्यक निधी उपलब्ध करून देत काम लवकरात लवकर सुरू करावे, अशी ठाम मागणी चांदवड-देवळा विधानसभा मतदारसंघाचे आमदार डॉ. राहुल दौलतराव आहेर यांनी केली आहे. यासंदर्भात आमदार डॉ. आहेर यांनी दि. १५ सप्टेंबर २०२६ रोजी एनएचएआयचे मुख्य महाव्यवस्थापक रजनीश कपूर यांची नवी दिल्ली येथे भेट घेऊन सविस्तर चर्चा केली. राहुड घाटातील अपघातांची गंभीर परिस्थिती, वाढती अवजड वाहतूक आणि त्यातून निर्माण होणारा धोका याबाबत माहिती देत त्यांनी एनएचएआयकडे लेखी निवेदनही सादर केले. मुंबई-आग्रा राष्ट्रीय महामार्गावरील राहुड घाटाची लांबी सुमारे २.५५ किलोमीटर असून या मार्गावर मोठ्या प्रमाणात अवजड वाहनांची वाहतूक होते. घाटातील तीव्र चढ-उतार आणि वळणांमुळे ट्रक, टँकर तसेच इतर अवजड वाहने अनियंत्रित होऊन अपघात होण्याचे प्रमाण वाढले आहे. त्यामुळे या मार्गावरून प्रवास करणाऱ्या वाहनचालकांच्या सुरक्षिततेचा प्रश्न निर्माण झाला असून, अपघातांमुळे महामार्गावरील वाहतूक व्यवस्थेवरही मोठा परिणाम होत आहे. दि. २८ ऑगस्ट २०२६ रोजी राहुड घाटात टायर घेऊन जाणाऱ्या ट्रकने चार वाहनांना धडक दिल्याने झालेल्या अपघातात ११ जण जखमी झाले होते. तसेच सप्टेंबर २०२५ मध्ये टँकर आणि ट्रेलरच्या अपघातात एका व्यक्तीचा मृत्यू झाला होता. या अपघातानंतर टँकरमधून गॅस गळती झाल्याने परिसरात भीतीचे वातावरण निर्माण झाले होते. राहुड घाटात अपघात झाल्यानंतर अनेकदा महामार्गावरील वाहतूक पर्यायी मार्गावर वळवावी लागते. परिणामी मनमाड, मालेगाव, चांदवड, नाशिक आणि धुळे या प्रमुख मार्गांवर मोठ्या प्रमाणात वाहतूक कोंडी निर्माण होते. त्यामुळे स्थानिक नागरिकांसह या मार्गावरून प्रवास करणाऱ्या हजारो वाहनचालकांना त्याचा फटका बसतो. आमदार डॉ. आहेर यांनी एनएचएआयला दिलेल्या निवेदनात राहुड घाट हा 'मॉर्थ' च्या निकषांनुसार अपघातप्रवण ‘ब्लॅक स्पॉट’ असल्याचे नमूद केले आहे. पोलीस अपघात अहवालाच्या आधारे मागील पाच वर्षांत या परिसरात २० पेक्षा अधिक जणांचा मृत्यू झाल्याचेही निवेदनात नमूद केले आहे. एनएचएआयकडून वेळोवेळी अल्पकालीन सुरक्षात्मक उपाययोजना करण्यात येत असल्या तरी राहुड घाटातील अपघातप्रवण भागाचा कायमस्वरूपी प्रश्न सोडविण्यासाठी सहापदरी फ्लायओव्हर/व्हायाडक्टचे स्वतंत्र काम तातडीने मंजूर करून त्यासाठी निधी उपलब्ध करून देण्यात यावा आणि प्रत्यक्ष कामाला सुरुवात करावी, अशी मागणी आमदार डॉ. राहुल आहेर यांनी बैठकीत केली. राहुड घाटातील अपघातांचे प्रमाण, वाहतुकीची वाढती तीव्रता आणि नागरिकांच्या सुरक्षिततेचा विचार करता या प्रश्नावर दीर्घकालीन उपाययोजना होणे आवश्यक असल्याचे आमदार डॉ. आहेर यांनी एनएचएआय अधिकाऱ्यांच्या निदर्शनास आणून दिले. या बैठकीस आमदार डॉ. राहुल आहेर यांच्यासोबत ॲड. विलास देशमाने आणि जिल्हा परिषद माजी सदस्य प्रशांत देवरे उपस्थित होते. राहुड घाटातील अपघातांचा प्रश्न कायमस्वरूपी मार्गी लावण्यासाठी सहापदरी फ्लायओव्हर/व्हायाडक्टच्या प्रस्तावाला मंजुरी मिळवून काम सुरू करण्यासाठी पुढील स्तरावरही पाठपुरावा सुरू ठेवण्यात येणार असल्याचे आमदार डॉ. राहुल आहेर यांनी स्पष्ट केले.