बाटलीबंद पाण्यात किडा उत्पादक कंपनीचा विक्रेत्याला 50 हजाराचा दंड बाटलीबंद पाण्यात मृत कीडा आढळल्याने धुळ्यातील सामाजिक कार्यकर्ते गोपाल चौधरी यांनी केलेल्या तक्रारीची अन्न व औषध प्रशासनाने दखल घेतली. प्रयोगशाळेच्या तपासणीत सदर पाणी मानवी सेवनासाठी अयोग्य असल्याचे स्पष्ट झाल्यानंतर उत्पादक कंपनीसह विक्रेत्यावर ५० हजार रुपयांचा दंड ठोठावण्यात आला आहे. नाशिक विभागाचे सह आयुक्त तथा न्यायनिर्णय अधिकारी यांच्या न्यायालयात ही कारवाई करण्यात आली. *बाटलीत आढळला मृत कीडा* मिळालेल्या माहितीनुसार, सामाजिक कार्यकर्ते गोपाल चौधरी यांनी १७ जून २०२४ रोजी धुळे शहरातील मोहाडी परिसरातील भूषण किराणा दुकानातून 'ऑक्सीवुड' कंपनीची एक लिटर पाण्याची बाटली खरेदी केली होती. बाटलीतील पाणी पाहिले असता ते दुषित असल्याचे त्यांच्या निदर्शनास आले. तसेच पाण्यात एक मृत कीडा आढळून आला. याबाबत त्यांनी तातडीने दुकानदाराकडे तक्रार केली. मात्र, दुकानदाराने कंपनीशी संपर्क साधण्यास सांगून कंपनीचा संपर्क क्रमांक दिला. चौधरी यांनी कंपनीशी संपर्क साधला असता समाधानकारक प्रतिसाद मिळाला नाही. त्यामुळे त्यांनी अन्न व औषध प्रशासन, धुळे यांच्याकडे लेखी तक्रार दाखल केली. तक्रारीसोबत संबंधित पाण्याची बाटली पुरावा म्हणून सादर करून उत्पादक कंपनी व विक्रेत्यावर कारवाई करण्याची मागणी केली. *प्रयोगशाळा तपासणीत धक्कादायक निष्कर्ष* अन्न व औषध प्रशासनाने तक्रारीची दखल घेत पाण्याचे नमुने तपासणीसाठी छत्रपती संभाजीनगर येथील नारायण लॅबोरेटरी येथे पाठविले. तपासणी अहवालात सदर पाणी मानवी सेवनासाठी अयोग्य असल्याचे स्पष्ट झाले. यानंतर अन्न सुरक्षा व मानके कायदा, २००६ अंतर्गत संबंधितांविरुद्ध कारवाईची प्रक्रिया सुरू करण्यात आली. नाशिक विभागाचे न्यायनिर्णय अधिकारी तथा सह आयुक्त (अन्न), अन्न व औषध प्रशासन यांच्या न्यायालयात प्रकरणाची सुनावणी झाली. या सुनावणीनंतर उत्पादक कंपनी मे. गुमाजी फूड्स अँड अॅग्रो इंडस्ट्रीज, चाळीसगावचे मालक आशिष गोपाळदास गुप्ता तसेच विक्रेता मे. न्यू ललिता प्रोव्हिजन अँड जनरल स्टोअर्स, मोहाडी, धुळेचे मालक भूषण हिरामण पाटील यांना एकूण ५० हजार रुपयांचा दंड सुनावण्यात आला. *नागरिकांच्या आरोग्याशी खेळणाऱ्यांना दणका* बाटलीबंद पाण्याच्या माध्यमातून नागरिकांच्या आरोग्याशी खेळणाऱ्यांविरुद्ध झालेली ही कारवाई महत्त्वपूर्ण मानली जात आहे. सामाजिक कार्यकर्ते गोपाल चौधरी यांच्या सातत्यपूर्ण पाठपुराव्यामुळे प्रकरणाचा निकाल लागला असून, त्यांच्या लढ्याला यश आले आहे. सर्वसामान्य नागरिकांच्या आरोग्याशी खेळणाऱ्या प्रवृत्तींना आळा घालण्यासाठी अन्न सुरक्षा कायद्याची कडक अंमलबजावणी होणे गरजेचे आहे. कुठेही चुकीचे किंवा बेकायदेशीर प्रकार आढळल्यास जागरूक नागरिकांनी आवाज उठविला पाहिजे, असे सामाजिक कार्यकर्ते गोपाल चौधरी यांनी सांगितले. अखिल भारतीय ग्राहक पंचायत

SHEGAONlive

Local News Reporter Buldana, Buldhana•

15 hrs ago

बाटलीबंद पाण्यात किडा उत्पादक कंपनीचा विक्रेत्याला 50 हजाराचा दंड बाटलीबंद पाण्यात मृत कीडा आढळल्याने धुळ्यातील सामाजिक कार्यकर्ते गोपाल चौधरी यांनी केलेल्या तक्रारीची अन्न व औषध प्रशासनाने दखल घेतली. प्रयोगशाळेच्या तपासणीत सदर पाणी मानवी सेवनासाठी अयोग्य असल्याचे स्पष्ट झाल्यानंतर उत्पादक कंपनीसह विक्रेत्यावर ५० हजार रुपयांचा दंड ठोठावण्यात आला आहे. नाशिक विभागाचे सह आयुक्त तथा न्यायनिर्णय अधिकारी यांच्या न्यायालयात ही कारवाई करण्यात आली. *बाटलीत आढळला मृत कीडा* मिळालेल्या माहितीनुसार, सामाजिक कार्यकर्ते गोपाल चौधरी यांनी १७ जून २०२४ रोजी धुळे शहरातील मोहाडी परिसरातील भूषण किराणा दुकानातून 'ऑक्सीवुड' कंपनीची एक लिटर पाण्याची बाटली खरेदी केली होती. बाटलीतील पाणी पाहिले असता ते दुषित असल्याचे त्यांच्या निदर्शनास आले. तसेच पाण्यात एक मृत कीडा आढळून आला. याबाबत त्यांनी तातडीने दुकानदाराकडे तक्रार केली. मात्र, दुकानदाराने कंपनीशी संपर्क साधण्यास सांगून कंपनीचा संपर्क क्रमांक दिला. चौधरी यांनी कंपनीशी संपर्क साधला असता समाधानकारक प्रतिसाद मिळाला नाही. त्यामुळे त्यांनी अन्न व औषध प्रशासन, धुळे यांच्याकडे लेखी तक्रार दाखल केली. तक्रारीसोबत संबंधित पाण्याची बाटली पुरावा म्हणून सादर करून उत्पादक कंपनी व विक्रेत्यावर कारवाई करण्याची मागणी केली. *प्रयोगशाळा तपासणीत धक्कादायक निष्कर्ष* अन्न व औषध प्रशासनाने तक्रारीची दखल घेत पाण्याचे नमुने तपासणीसाठी छत्रपती संभाजीनगर येथील नारायण लॅबोरेटरी येथे पाठविले. तपासणी अहवालात सदर पाणी मानवी सेवनासाठी अयोग्य असल्याचे स्पष्ट झाले. यानंतर अन्न सुरक्षा व मानके कायदा, २००६ अंतर्गत संबंधितांविरुद्ध कारवाईची प्रक्रिया सुरू करण्यात आली. नाशिक विभागाचे न्यायनिर्णय अधिकारी तथा सह आयुक्त (अन्न), अन्न व औषध प्रशासन यांच्या न्यायालयात प्रकरणाची सुनावणी झाली. या सुनावणीनंतर उत्पादक कंपनी मे. गुमाजी फूड्स अँड अॅग्रो इंडस्ट्रीज, चाळीसगावचे मालक आशिष गोपाळदास गुप्ता तसेच विक्रेता मे. न्यू ललिता प्रोव्हिजन अँड जनरल स्टोअर्स, मोहाडी, धुळेचे मालक भूषण हिरामण पाटील यांना एकूण ५० हजार रुपयांचा दंड सुनावण्यात आला. *नागरिकांच्या आरोग्याशी खेळणाऱ्यांना दणका* बाटलीबंद पाण्याच्या माध्यमातून नागरिकांच्या आरोग्याशी खेळणाऱ्यांविरुद्ध झालेली ही कारवाई महत्त्वपूर्ण मानली जात आहे. सामाजिक कार्यकर्ते गोपाल चौधरी यांच्या सातत्यपूर्ण पाठपुराव्यामुळे प्रकरणाचा निकाल लागला असून, त्यांच्या लढ्याला यश आले आहे. सर्वसामान्य नागरिकांच्या आरोग्याशी खेळणाऱ्या प्रवृत्तींना आळा घालण्यासाठी अन्न सुरक्षा कायद्याची कडक अंमलबजावणी होणे गरजेचे आहे. कुठेही चुकीचे किंवा बेकायदेशीर प्रकार आढळल्यास जागरूक नागरिकांनी आवाज उठविला पाहिजे, असे सामाजिक कार्यकर्ते गोपाल चौधरी यांनी सांगितले. अखिल भारतीय ग्राहक पंचायत