#ପାଣି_ପାଇଁ_ଡହଳବିକଳ ବର୍ଷ ବର୍ଷ ଧରି ଜଳକଷ୍ଟ, ପଥର କୂଅର ଅପରିଷ୍କାର ପାଣି ଭରସାରେ ଗୋଛାଗୁଡ଼ାବାସୀ #Odisha #KanakNews

2 hrs ago

GANESH PANlGRAHl

ସାମ୍ବାଦିକ ଧରାକୋଟେ, ଗଞ୍ଜାମ, ଓଡ଼ିଶା•

2 hrs ago

ଗଞ୍ଜାମ ଜିଲ୍ଲା ଧରାକୋଟ ବର୍ଷ ବର୍ଷ ଧରି ପାନୀୟ ଜଳ ସଙ୍କଟ, ଆନ୍ଦୋଳନ ଓ ଭୋଟ ବର୍ଜନ ଚେତାବନୀ ଧରାକୋଟ (ଗଣେଶ ପାଣିଗ୍ରାହୀ ରିପୋର୍ଟ): ଗଞ୍ଜାମ ଜିଲ୍ଲା ଧରାକୋଟ ଅଞ୍ଚଳ ଅନ୍ତର୍ଗତ ବରଡାବିଲି ନୂଆ ସାହିରେ ଦୀର୍ଘଦିନ ଧରି ଗୁରୁତର ପାନୀୟ ଜଳ ସଙ୍କଟ ଲାଗିରହିଛି। ଏହି ସମସ୍ୟାକୁ ନେଇ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ପ୍ରାୟ ୧୩୦ଟି ପରିବାର ଏହି ଜଳ ସଙ୍କଟରେ ପ୍ରଭାବିତ ହେଉଛନ୍ତି। ସମସ୍ୟାର ଶୀଘ୍ର ସମାଧାନ ନହେଲେ ରାସ୍ତାରୋକ ଆନ୍ଦୋଳନ କରିବା ସହ ଆଗାମୀ ପଞ୍ଚାୟତ ନିର୍ବାଚନ ବର୍ଜନ କରିବେ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି। ଗ୍ରାମବାସୀଙ୍କ କହିବା ଅନୁସାରେ, ସୋରଡ଼ା–ଆସିକା ମୁଖ୍ୟ ରାସ୍ତା କଡ଼ରେ ଥିବା ସତ୍ତ୍ୱେ ବରଡାବିଲି ନୂଆ ସାହି ଆଜି ବି ପାନୀୟ ଜଳ ଭଳି ମୌଳିକ ସୁବିଧାରୁ ବଞ୍ଚିତ। ବର୍ତ୍ତମାନ ଗ୍ରାମବାସୀଙ୍କ ପାଇଁ ଋଷିକୁଲ୍ୟା ନଦୀ ହିଁ ଏକମାତ୍ର ଭରସା। କିନ୍ତୁ ନଦୀରେ ମୃତ ପଶୁ ଓ ବିଭିନ୍ନ ଆବର୍ଜନା ଭାସିଆସିବା ସହ ବର୍ଷାଦିନେ ପାଣି ଅଧିକ ପ୍ରଦୂଷିତ ହୋଇଯାଉଛି। ଫଳରେ ଲୋକେ ନଦୀ କୂଳରେ ଗାତ ଖୋଳି ଦୂଷିତ ପାଣି ପିଇବାକୁ ବାଧ୍ୟ ହେଉଛନ୍ତି। ଗ୍ରାମର ମହିଳାମାନେ ପ୍ରତିଦିନ ପ୍ରାୟ ଏକ କିଲୋମିଟର ଦୂରରୁ ମୁଣ୍ଡରେ ପାଣି ବୋହି ଆଣୁଛନ୍ତି। ଗ୍ରାମବାସୀଙ୍କ ଅଭିଯୋଗ ହେଉଛି, ସରକାରଙ୍କ ‘ହର ଘର ନଲ’ ଯୋଜନାର ସୁବିଧା ଏପର୍ଯ୍ୟନ୍ତ ଗ୍ରାମରେ ପହଞ୍ଚିପାରିନାହିଁ। ସୂଚନା ଅନୁସାରେ, ନିକଟସ୍ଥ ଟାଟା କଲୋନୀକୁ ‘ବସୁଧା ଯୋଜନା’ ଅଧୀନରେ ଋଷିକୁଲ୍ୟା ନଦୀରୁ ପାଇପ୍‌ଲାଇନ୍‌ ଯୋଗେ ପାନୀୟ ଜଳ ଯୋଗାଣ କରାଯାଉଛି। ତେବେ ସେହି ରାସ୍ତା ଦେଇ ଯାଇଥିବା ପାଇପ୍‌ଲାଇନ୍‌ର ସୁବିଧା ବରଡାବିଲି ନୂଆ ସାହିବାସୀଙ୍କୁ ମିଳୁନାହିଁ। ଏହାକୁ ନେଇ ଗ୍ରାମବାସୀଙ୍କ ଅସନ୍ତୋଷ ଦିନକୁ ଦିନ ବଢ଼ିବାରେ ଲାଗିଛି। ଗ୍ରାମବାସୀଙ୍କ କହିବା ଅନୁସାରେ, ସରକାରଙ୍କ ଉଦ୍ଦେଶ୍ୟ ଭଲ ଥିଲେ ମଧ୍ୟ ସ୍ଥାନୀୟ ପ୍ରଶାସନ ଏହି ସମସ୍ୟାକୁ ଗୁରୁତ୍ୱର ସହ ନେଉନାହାନ୍ତି। ଆଗାମୀ ଗ୍ରୀଷ୍ମ ଋତୁକୁ ଦୃଷ୍ଟିରେ ରଖି ପ୍ରତ୍ୟେକ ଘରକୁ ଶୀଘ୍ର ପାନୀୟ ଜଳ ଯୋଗାଣ କରିବାକୁ ଗ୍ରାମବାସୀ ଦାବି କରିଛନ୍ତି। ନଚେତ ରାସ୍ତାରୋକ ଆନ୍ଦୋଳନ ସହ ପଞ୍ଚାୟତ ନିର୍ବାଚନ ବର୍ଜନ କରିବେ ବୋଲି ସେମାନେ ଚେତାବନୀ ଦେଇଛନ୍ତି। ରିପୋର୍ଟ: ଗଣେଶ ପାଣିଗ୍ରାହୀ,

GANESH PANlGRAHl

ସାମ୍ବାଦିକ ଧରାକୋଟେ, ଗଞ୍ଜାମ, ଓଡ଼ିଶା•

2 hrs ago