కాంగ్రెస్ పార్టీ ప్రతిష్టాత్మకంగా చేపట్టిన 'సంఘటన్ శ్రీజన్ అభియాన్' కార్యక్రమంలో భాగంగా, ఆదిలాబాద్ జిల్లాలో పార్టీ బలోపేతమే లక్ష్యంగా ఇటీవల ఎంపికైన నూతన మండల, పట్టణ కాంగ్రెస్ అధ్యక్షుల నియామక పత్రాల అందజేత కార్యక్రమం ఆదిలాబాద్ డీసీసీ కార్యాలయంలో ఘనంగా జరిగింది. ఈ కార్యక్రమంలో డీసీసీ అధ్యక్షుడు నరేష్ జాదవ్, జిల్లా ముఖ్య నాయకులతో కలిసి మార్కెట్ కమిటీ చైర్మన్ శ్రీకాంత్ రెడ్డి పాల్గొన్నారు. ఈ సందర్భంగా నూతన అధ్యక్షులకు నియామక పత్రాలను అందజేసి, వారిచేత ప్రమాణస్వీకారం చేయించి ఘనంగా సన్మానించారు. ఈ సమావేశంలో మాట్లాడిన కాంగ్రెస్ పార్టీ ముఖ్య నాయకులు, బీఆర్ఎస్ కార్యనిర్వాహక అధ్యక్షుడు కేటీఆర్ రైతుల మరణాలను కేవలం తన రాజకీయ స్వార్థం కోసమే వాడుకుంటున్నారని తీవ్రంగా ఖండించారు. గత పదేళ్ల బీఆర్ఎస్ పాలనతో పోలిస్తే, కాంగ్రెస్ ప్రభుత్వం రైతుల సంక్షేమానికి కట్టుబడి ఉందని గణాంకాలే నిదర్శనమని వారు పేర్కొన్నారు. కాంగ్రెస్ నాయకులు గణాంకాలు ఉటంకిస్తూ, గత పదేళ్ల బీఆర్ఎస్ ప్రభుత్వ హయాంలో కేవలం రూ. 349 కోట్ల విలువైన జొన్నలను మాత్రమే కొనుగోలు చేస్తే, కాంగ్రెస్ ప్రజా ప్రభుత్వం అధికారంలోకి వచ్చిన కేవలం రెండేళ్లలోనే రూ. 800 కోట్ల విలువైన జొన్నలను కొనుగోలు చేసి రికార్డు సృష్టించిందని గుర్తుచేశారు. ఇచ్చిన మాట ప్రకారం కాంగ్రెస్ ప్రభుత్వం అధికారంలోకి వచ్చిన వెంటనే 50,000 ప్రభుత్వ ఉద్యోగాలను భర్తీ చేయడంతో పాటు, రైతులకు రూ. 2 లక్షల రుణమాఫీని ఏకకాలంలో పూర్తి చేసి తన చిత్తశుద్ధిని చాటుకుందని స్పష్టం చేశారు. ఈ సందర్భంగా కొత్తగా బాధ్యతలు స్వీకరించిన మండల, పట్టణ అధ్యక్షులు ప్రభుత్వం అమలు చేస్తున్న సంక్షేమ పథకాలను ప్రజల్లోకి బలంగా తీసుకెళ్తూ, క్షేత్రస్థాయిలో పార్టీ బలోపేతానికి అంకితభావంతో కృషి చేయాలని పిలుపునిచ్చారు. ఈ కార్యక్రమంలో బోథ్ నియోజకవర్గ ఇన్‌చార్జ్ ఆడే గజేందర్, మాజీ టీపీసీసీ జనరల్ సెక్రటరీ గండ్రత్ సుజాత, మాజీ మార్కెట్ చైర్మన్ అల్లూరి సంజీవరెడ్డి, మాజీ డీసీసీ సాజిద్ ఖాన్, ఇచ్చోడ ఆత్మ కమిటీ చైర్మన్ కౌడాల నారాయణ, మాజీ డీసీసీబీ చైర్మన్ దామోదర్ రెడ్డి, జిల్లా కాంగ్రెస్ ఉపాధ్యక్షులు సుధాకర్ గౌడ్, మాధవ్ పటేల్, జనరల్ సెక్రటరీలు గౌలి సంజయ్, దేవిదాస్ చారి తదితరులు పాల్గొన్నారు.

AlluriMahesh

Local News Reporter Adilabad Urban, Telangana•

1 hr ago

కాంగ్రెస్ పార్టీ ప్రతిష్టాత్మకంగా చేపట్టిన 'సంఘటన్ శ్రీజన్ అభియాన్' కార్యక్రమంలో భాగంగా, ఆదిలాబాద్ జిల్లాలో పార్టీ బలోపేతమే లక్ష్యంగా ఇటీవల ఎంపికైన నూతన మండల, పట్టణ కాంగ్రెస్ అధ్యక్షుల నియామక పత్రాల అందజేత కార్యక్రమం ఆదిలాబాద్ డీసీసీ కార్యాలయంలో ఘనంగా జరిగింది. ఈ కార్యక్రమంలో డీసీసీ అధ్యక్షుడు నరేష్ జాదవ్, జిల్లా ముఖ్య నాయకులతో కలిసి మార్కెట్ కమిటీ చైర్మన్ శ్రీకాంత్ రెడ్డి పాల్గొన్నారు. ఈ సందర్భంగా నూతన అధ్యక్షులకు నియామక పత్రాలను అందజేసి, వారిచేత ప్రమాణస్వీకారం చేయించి ఘనంగా సన్మానించారు. ఈ సమావేశంలో మాట్లాడిన కాంగ్రెస్ పార్టీ ముఖ్య నాయకులు, బీఆర్ఎస్ కార్యనిర్వాహక అధ్యక్షుడు కేటీఆర్ రైతుల మరణాలను కేవలం తన రాజకీయ స్వార్థం కోసమే వాడుకుంటున్నారని తీవ్రంగా ఖండించారు. గత పదేళ్ల బీఆర్ఎస్ పాలనతో పోలిస్తే, కాంగ్రెస్ ప్రభుత్వం రైతుల సంక్షేమానికి కట్టుబడి ఉందని గణాంకాలే నిదర్శనమని వారు పేర్కొన్నారు. కాంగ్రెస్ నాయకులు గణాంకాలు ఉటంకిస్తూ, గత పదేళ్ల బీఆర్ఎస్ ప్రభుత్వ హయాంలో కేవలం రూ. 349 కోట్ల విలువైన జొన్నలను మాత్రమే కొనుగోలు చేస్తే, కాంగ్రెస్ ప్రజా ప్రభుత్వం అధికారంలోకి వచ్చిన కేవలం రెండేళ్లలోనే రూ. 800 కోట్ల విలువైన జొన్నలను కొనుగోలు చేసి రికార్డు సృష్టించిందని గుర్తుచేశారు. ఇచ్చిన మాట ప్రకారం కాంగ్రెస్ ప్రభుత్వం అధికారంలోకి వచ్చిన వెంటనే 50,000 ప్రభుత్వ ఉద్యోగాలను భర్తీ చేయడంతో పాటు, రైతులకు రూ. 2 లక్షల రుణమాఫీని ఏకకాలంలో పూర్తి చేసి తన చిత్తశుద్ధిని చాటుకుందని స్పష్టం చేశారు. ఈ సందర్భంగా కొత్తగా బాధ్యతలు స్వీకరించిన మండల, పట్టణ అధ్యక్షులు ప్రభుత్వం అమలు చేస్తున్న సంక్షేమ పథకాలను ప్రజల్లోకి బలంగా తీసుకెళ్తూ, క్షేత్రస్థాయిలో పార్టీ బలోపేతానికి అంకితభావంతో కృషి చేయాలని పిలుపునిచ్చారు. ఈ కార్యక్రమంలో బోథ్ నియోజకవర్గ ఇన్‌చార్జ్ ఆడే గజేందర్, మాజీ టీపీసీసీ జనరల్ సెక్రటరీ గండ్రత్ సుజాత, మాజీ మార్కెట్ చైర్మన్ అల్లూరి సంజీవరెడ్డి, మాజీ డీసీసీ సాజిద్ ఖాన్, ఇచ్చోడ ఆత్మ కమిటీ చైర్మన్ కౌడాల నారాయణ, మాజీ డీసీసీబీ చైర్మన్ దామోదర్ రెడ్డి, జిల్లా కాంగ్రెస్ ఉపాధ్యక్షులు సుధాకర్ గౌడ్, మాధవ్ పటేల్, జనరల్ సెక్రటరీలు గౌలి సంజయ్, దేవిదాస్ చారి తదితరులు పాల్గొన్నారు.