ధర్మ సమాజ్ పార్టీ రాష్ట్ర అధ్యక్షులు, తెలంగాణ రాష్ట్ర బీసీ–ఎస్సీ–ఎస్టీ జేఏసీ చైర్మన్ డాక్టర్ విశారదన్ మహారాజు శనివారం భద్రాద్రి కొత్తగూడెం జిల్లా భద్రాచలంలో పర్యటించారు. ఈ సందర్భంగా హరిత హోటల్ నుంచి అంబేద్కర్ సెంటర్ వరకు భారీ ర్యాలీ నిర్వహించారు. అనంతరం భారత రాజ్యాంగ నిర్మాత డాక్టర్ బి.ఆర్. అంబేద్కర్ విగ్రహానికి పూలమాలలు సమర్పించి ఘనంగా నివాళులర్పించారు. ఈ సందర్భంగా డాక్టర్ విశారదన్ మహారాజు మాట్లాడుతూ, దేశంలో అత్యధిక జనాభా కలిగిన బీసీ, ఎస్సీ, ఎస్టీ వర్గాలకు రాజకీయ, సామాజిక, ఆర్థిక రంగాల్లో సముచిత ప్రాతినిధ్యం లభించినప్పుడే నిజమైన ప్రజాస్వామ్యం బలపడుతుందని అన్నారు. రాజ్యాంగం కల్పించిన హక్కులను పూర్తిస్థాయిలో అమలు చేసి, బహుజన వర్గాలకు రాజ్యాధికారం దక్కేలా రాజకీయ చైతన్యం పెంపొందించాల్సిన అవసరం ఉందని పేర్కొన్నారు. డాక్టర్ బి.ఆర్. అంబేద్కర్ ఆశయాలకు అనుగుణంగా సమానత్వం, సామాజిక న్యాయం, స్వాభిమానం సాధించేందుకు బీసీ, ఎస్సీ, ఎస్టీ వర్గాలు ఐక్యంగా ముందుకు రావాలని పిలుపునిచ్చారు. విద్య, ఉపాధి, భూమి, రాజకీయ పదవులు, పాలనలో భాగస్వామ్యం వంటి అన్ని రంగాల్లో బహుజన వర్గాలకు తగిన అవకాశాలు కల్పించాలని ప్రభుత్వాలను డిమాండ్ చేస్తూ, రాజ్యాంగ పరిరక్షణతో పాటు సామాజిక న్యాయం కోసం ఉద్యమాన్ని కొనసాగిస్తామని స్పష్టం చేశారు. ఈ కార్యక్రమంలో ధర్మ సమాజ్ పార్టీ జిల్లా అధ్యక్షురాలు రవ్వ భద్రమ్మ, మండల కన్వీనర్ ఏర్పుల వెంకన్న, మాదిగ జాగృతి సంఘం జిల్లా కన్వీనర్ ముదిగుండ్ల వేణు మహారాజ్, కో కన్వీనర్ కొప్పుల వెంకట మహారాజ్, దుమ్ముగూడెం మండల కన్వీనర్ క్రాంతి, దళిత సంక్షేమ సంఘం వ్యవస్థాపక అధ్యక్షుడు ముద్దా పిచ్చయ్య, బీసీ–ఎస్సీ–ఎస్టీ జేఏసీ రాష్ట్ర కార్యదర్శి రాంబాబు, తెలంగాణ మాదిగ దండోరా జిల్లా అధ్యక్షుడు గురజాల వెంకటేశ్వర్లు, భద్రాచలం మాదిగ జేఏసీ ఎగ్జిక్యూటివ్ సభ్యుడు ఈటె రాజేశ్వరరావు, భద్రాచలం డివిజన్ బీసీ ఐక్యవేదిక నాయకులు బోలిశెట్టి రంగారావు, అనుగోజు నరసింహ చారి, భద్రాచలం మాదిగ జేఏసీ నాయకుడు బొక్క రాంబాబుతో పాటు వివిధ ప్రజా సంఘాల ప్రతినిధులు, అంబేద్కర్ అభిమానులు, కార్యకర్తలు పెద్ద సంఖ్యలో పాల్గొన్నారు.

Shivaram

Voice of people Bhadrachalam, Bhadradri Kothagudem•

4 hrs ago

ధర్మ సమాజ్ పార్టీ రాష్ట్ర అధ్యక్షులు, తెలంగాణ రాష్ట్ర బీసీ–ఎస్సీ–ఎస్టీ జేఏసీ చైర్మన్ డాక్టర్ విశారదన్ మహారాజు శనివారం భద్రాద్రి కొత్తగూడెం జిల్లా భద్రాచలంలో పర్యటించారు. ఈ సందర్భంగా హరిత హోటల్ నుంచి అంబేద్కర్ సెంటర్ వరకు భారీ ర్యాలీ నిర్వహించారు. అనంతరం భారత రాజ్యాంగ నిర్మాత డాక్టర్ బి.ఆర్. అంబేద్కర్ విగ్రహానికి పూలమాలలు సమర్పించి ఘనంగా నివాళులర్పించారు. ఈ సందర్భంగా డాక్టర్ విశారదన్ మహారాజు మాట్లాడుతూ, దేశంలో అత్యధిక జనాభా కలిగిన బీసీ, ఎస్సీ, ఎస్టీ వర్గాలకు రాజకీయ, సామాజిక, ఆర్థిక రంగాల్లో సముచిత ప్రాతినిధ్యం లభించినప్పుడే నిజమైన ప్రజాస్వామ్యం బలపడుతుందని అన్నారు. రాజ్యాంగం కల్పించిన హక్కులను పూర్తిస్థాయిలో అమలు చేసి, బహుజన వర్గాలకు రాజ్యాధికారం దక్కేలా రాజకీయ చైతన్యం పెంపొందించాల్సిన అవసరం ఉందని పేర్కొన్నారు. డాక్టర్ బి.ఆర్. అంబేద్కర్ ఆశయాలకు అనుగుణంగా సమానత్వం, సామాజిక న్యాయం, స్వాభిమానం సాధించేందుకు బీసీ, ఎస్సీ, ఎస్టీ వర్గాలు ఐక్యంగా ముందుకు రావాలని పిలుపునిచ్చారు. విద్య, ఉపాధి, భూమి, రాజకీయ పదవులు,

పాలనలో భాగస్వామ్యం వంటి అన్ని రంగాల్లో బహుజన వర్గాలకు తగిన అవకాశాలు కల్పించాలని ప్రభుత్వాలను డిమాండ్ చేస్తూ, రాజ్యాంగ పరిరక్షణతో పాటు సామాజిక న్యాయం కోసం ఉద్యమాన్ని కొనసాగిస్తామని స్పష్టం చేశారు. ఈ కార్యక్రమంలో ధర్మ సమాజ్ పార్టీ జిల్లా అధ్యక్షురాలు రవ్వ భద్రమ్మ, మండల కన్వీనర్ ఏర్పుల వెంకన్న, మాదిగ జాగృతి సంఘం జిల్లా కన్వీనర్ ముదిగుండ్ల వేణు మహారాజ్, కో కన్వీనర్ కొప్పుల వెంకట మహారాజ్, దుమ్ముగూడెం మండల కన్వీనర్ క్రాంతి, దళిత సంక్షేమ సంఘం వ్యవస్థాపక అధ్యక్షుడు ముద్దా పిచ్చయ్య, బీసీ–ఎస్సీ–ఎస్టీ జేఏసీ రాష్ట్ర కార్యదర్శి రాంబాబు, తెలంగాణ మాదిగ దండోరా జిల్లా అధ్యక్షుడు గురజాల వెంకటేశ్వర్లు, భద్రాచలం మాదిగ జేఏసీ ఎగ్జిక్యూటివ్ సభ్యుడు ఈటె రాజేశ్వరరావు, భద్రాచలం డివిజన్ బీసీ ఐక్యవేదిక నాయకులు బోలిశెట్టి రంగారావు, అనుగోజు నరసింహ చారి, భద్రాచలం మాదిగ జేఏసీ నాయకుడు బొక్క రాంబాబుతో పాటు వివిధ ప్రజా సంఘాల ప్రతినిధులు, అంబేద్కర్ అభిమానులు, కార్యకర్తలు పెద్ద సంఖ్యలో పాల్గొన్నారు.