ৰঙিয়াৰ হৰিয়ানদাৱত যোৱা নিশা দুৰ্বৃত্তই ৰাজহুৱা পুখুৰীত বিষ দি কেবালক্ষ মূল্যৰ পোহনীয়া মাছ নিধন কৰাৰ ঘটনাই অঞ্চলটোত চাঞ্চল্যৰ সৃষ্টি কৰিছে। স্থানীয় লোকে আজি পুৱাৰ ভাগত লক্ষাধিক মূল্যৰ মাছ পানীত ভাহি থকা প্ৰত্যক্ষ কৰাৰ পিছতে এই ঘটনা পোহৰলৈ আহে। উল্লেখ্য যে, এই ৫ বিঘা ভূমিৰ ৰাজহুৱা পুখুৰীটো স্থানীয় নৱজিত নাথ নামৰ এজন যুৱকে তিনি বছৰৰ বাবে চুক্তিত লৈ মৎস্য পালন কৰি আহিছিল। নিশা কোনো দুৰ্বৃত্তই পুখুৰীৰ পানীত বিষ ঢালি মাছ নিধন কৰাৰ ষড়যন্ত্ৰত লিপ্ত হোৱাৰ ধাৰণা কৰা হৈছে। ইতিমধ্যে ঘটনাৰ বুজ ল'বলৈ আৰক্ষীৰ লোক ঘটনাস্থলীত উপস্থিত হৈ অনুসন্ধান আৰম্ভ কৰিছে। কি উদ্দেশ্যৰে দুৰ্বৃত্তই এই দুষ্কাৰ্য সংঘটিত কৰিছে, সেই ৰহস্য আৰক্ষীৰ তদন্তৰ পিছতহে পোহৰলৈ আহিব বুলি ধাৰণা কৰা হৈছে।

BHASKAR KALITA

সাংবাদিক ৰঙিয়া পিটি, কামৰূপ, অসম•

1 hr ago

ৰঙিয়াৰ হৰিয়ানদাৱত যোৱা নিশা দুৰ্বৃত্তই ৰাজহুৱা পুখুৰীত বিষ দি কেবালক্ষ মূল্যৰ পোহনীয়া মাছ নিধন কৰাৰ ঘটনাই অঞ্চলটোত চাঞ্চল্যৰ সৃষ্টি কৰিছে। স্থানীয় লোকে আজি পুৱাৰ ভাগত লক্ষাধিক মূল্যৰ মাছ পানীত ভাহি থকা প্ৰত্যক্ষ কৰাৰ পিছতে এই ঘটনা পোহৰলৈ আহে। উল্লেখ্য যে, এই ৫ বিঘা ভূমিৰ ৰাজহুৱা পুখুৰীটো স্থানীয় নৱজিত নাথ নামৰ এজন যুৱকে তিনি বছৰৰ বাবে চুক্তিত লৈ মৎস্য পালন কৰি আহিছিল। নিশা কোনো দুৰ্বৃত্তই পুখুৰীৰ পানীত বিষ ঢালি মাছ নিধন কৰাৰ ষড়যন্ত্ৰত লিপ্ত হোৱাৰ ধাৰণা কৰা হৈছে। ইতিমধ্যে ঘটনাৰ বুজ ল'বলৈ আৰক্ষীৰ লোক ঘটনাস্থলীত উপস্থিত হৈ অনুসন্ধান আৰম্ভ কৰিছে। কি উদ্দেশ্যৰে দুৰ্বৃত্তই এই দুষ্কাৰ্য সংঘটিত কৰিছে, সেই ৰহস্য আৰক্ষীৰ তদন্তৰ পিছতহে পোহৰলৈ আহিব বুলি ধাৰণা কৰা হৈছে।