शिरूर { डेली न्यूज पोस्ट टीम 24}जिल्हा विधी सेवा प्राधिकरण, पुणे यांच्या सौजन्याने व तालुका विधी सेवा समिती, घोडनदी-शिरूर यांच्या वतीने शनिवार (दि. १२) जिल्हा व अतिरिक्त सत्र न्यायालय, घोडनदी-शिरूर येथे आयोजित राष्ट्रीय लोकअदालतीत तब्बल ९ हजार ८२७ दाखलपूर्व प्रकरणे निकाली काढण्यात आली. या प्रकरणांतून ७ कोटी ९१ लाख ५८ हजार ५९३ रुपयांची वसुली झाली. तसेच न्यायालयातील ४४ प्रकरणे सामंजस्याने निकाली काढण्यात आली असून, त्यातून ४ कोटी ५४ लाख २८ हजार ३७३ रुपयांची तडजोड झाली. लोकअदालतीचे उद्घाटन जिल्हा व अतिरिक्त सत्र न्यायाधीश-१ एन. एस. मोमीन यांच्या हस्ते झाले. यावेळी ‘न्याय आपल्या दारी’ या संकल्पनेनुसार विधी सेवा प्राधिकरण नागरिकांपर्यंत पोहोचत असून, पक्षकारांनी लोकअदालतीच्या माध्यमातून प्रलंबित प्रकरणे निकाली काढून वेळ व पैसा वाचवावा, असे आवाहन मोमीन यांनी केले. लोकअदालतीमध्ये वाहनांवरील दंड, दिवाणी व फौजदारी दावे, दाखलपूर्व बँक वसुली प्रकरणे, ग्रामपंचायत, महावितरण, पतसंस्था व फायनान्स कंपन्यांशी संबंधित प्रकरणे तडजोडीसाठी ठेवण्यात आली होती. चार पॅनलच्या माध्यमातून दोन्ही बाजूंचे म्हणणे ऐकून घेत समेट घडवून आणण्याचे प्रयत्न करण्यात आले. यावेळी दिवाणी न्यायाधीश वरिष्ठ स्तर एच. आर. पाटील, द्वितीय सह दिवाणी न्यायाधीश कनिष्ठ स्तर सी. एम. खारकर व ए. जी. तांबोळी, घोडनदी वकील बार असोसिएशनचे अध्यक्ष ॲड. विकास फडतरे, सचिव ॲड. अक्षय पाचर्णे, तसेच लोकअदालत पॅनल सदस्य ॲड. बेंद्रे, ॲड. पाटील व ॲड. मैड उपस्थित होते. लोकअदालत यशस्वी करण्यासाठी वकील, पोलीस अधिकारी व कर्मचारी, न्यायालयीन कर्मचारी, पंचायत समिती, बँका, ग्रामपंचायती, महावितरण, पतसंस्था, फायनान्स कंपन्या व पक्षकारांचे सहकार्य लाभले.

Satish Dhumal

Media house शिरूर, पुणे, महाराष्ट्र•

22 hrs ago

शिरूर { डेली न्यूज पोस्ट टीम 24}जिल्हा विधी सेवा प्राधिकरण, पुणे यांच्या सौजन्याने व तालुका विधी सेवा समिती, घोडनदी-शिरूर यांच्या वतीने शनिवार (दि. १२) जिल्हा व अतिरिक्त सत्र न्यायालय, घोडनदी-शिरूर येथे आयोजित राष्ट्रीय लोकअदालतीत तब्बल ९ हजार ८२७ दाखलपूर्व प्रकरणे निकाली काढण्यात आली. या प्रकरणांतून ७ कोटी ९१ लाख ५८ हजार ५९३ रुपयांची वसुली झाली. तसेच न्यायालयातील ४४ प्रकरणे सामंजस्याने निकाली काढण्यात आली असून, त्यातून ४ कोटी ५४ लाख २८ हजार ३७३ रुपयांची तडजोड झाली. लोकअदालतीचे उद्घाटन जिल्हा व अतिरिक्त सत्र न्यायाधीश-१ एन. एस. मोमीन यांच्या हस्ते झाले. यावेळी ‘न्याय आपल्या दारी’ या संकल्पनेनुसार विधी सेवा प्राधिकरण नागरिकांपर्यंत पोहोचत असून, पक्षकारांनी लोकअदालतीच्या माध्यमातून प्रलंबित प्रकरणे निकाली काढून वेळ व पैसा वाचवावा, असे आवाहन मोमीन यांनी केले. लोकअदालतीमध्ये वाहनांवरील दंड, दिवाणी व फौजदारी दावे, दाखलपूर्व बँक वसुली प्रकरणे, ग्रामपंचायत, महावितरण, पतसंस्था व फायनान्स कंपन्यांशी संबंधित प्रकरणे तडजोडीसाठी ठेवण्यात आली होती. चार पॅनलच्या माध्यमातून दोन्ही बाजूंचे म्हणणे ऐकून घेत समेट घडवून आणण्याचे प्रयत्न करण्यात आले. यावेळी दिवाणी न्यायाधीश वरिष्ठ स्तर एच. आर. पाटील, द्वितीय सह दिवाणी न्यायाधीश कनिष्ठ स्तर सी. एम. खारकर व ए. जी. तांबोळी, घोडनदी वकील बार असोसिएशनचे अध्यक्ष ॲड. विकास फडतरे, सचिव ॲड. अक्षय पाचर्णे, तसेच लोकअदालत पॅनल सदस्य ॲड. बेंद्रे, ॲड. पाटील व ॲड. मैड उपस्थित होते. लोकअदालत यशस्वी करण्यासाठी वकील, पोलीस अधिकारी व कर्मचारी, न्यायालयीन कर्मचारी, पंचायत समिती, बँका, ग्रामपंचायती, महावितरण, पतसंस्था, फायनान्स कंपन्या व पक्षकारांचे सहकार्य लाभले.