परळी येथील ओंकार साखर कारखान्याने जाहीर केलेल्या ऊस दरात शेतकऱ्यांशी दगाबाजी केल्याचा आरोप करत, ऊस उत्पादक संघर्ष समितीने कारखान्यासमोर १ जूनपासून बेमुदत आंदोलन सुरू केले आहे. आज, या आंदोलनाचा दुसरा दिवस असून, मोठ्या संख्येने शेतकरी कारखान्यासमोर जमले आहेत. कारखान्याने सुरुवातीला प्रतिटन २९५० रुपये ऊस दर जाहीर केला होता, ज्यामुळे अनेक शेतकरी आकर्षित होऊन त्यांनी आपला ऊस ओंकार कारखान्याला दिला. मात्र, प्रत्यक्षात कारखान्याने शेतकऱ्यांच्या खात्यात केवळ १८०० रुपये प्रतिटन याप्रमाणे पैसे वर्ग करून शेतकऱ्यांना मोठा धोका दिल्याचे आंदोलकांचे म्हणणे आहे. या फसवणुकीमुळे ऊस उत्पादक आक्रमक व संतप्त झाले आहेत. यापूर्वी ८ मे रोजी ऊस उत्पादक संघर्ष समितीने जाहीर दराप्रमाणे ऊस बिले व वाहतूक ठेकेदारांची बिले देण्यासाठी कारखान्यासमोर ठिय्या सत्याग्रह आंदोलन केले होते. त्यावेळी कारखान्याने आंदोलकांना लेखी पत्र देत, २५ मे २०२६ पूर्वी जाहीर दराप्रमाणे बिले देऊ असे आश्वासन दिले होते. परंतु, ती तारीख उलटून गेल्यानंतरही बिले जाहीर दराप्रमाणे निघाली नाहीत. १८०० रुपये प्रतिटन दरात ऊस उत्पादनाचा खर्चही निघत नसल्याने, वर्षभर जोपासलेल्या पिकाचा भाव कवडीमोल ठरल्याने ओंकार साखर कारखान्याला ऊस देणारे शेतकरी आर्थिक संकटात सापडले आहेत. जोपर्यंत जाहीर केलेल्या दराप्रमाणे ऊस बिले व वाहतूक ठेकेदारांची बिले दिली जात नाहीत, तोपर्यंत हे आंदोलन सुरूच राहील, असा ठाम निर्धार ऊस उत्पादक संघर्ष समितीने व्यक्त केला आहे.

M. p. gitte

परळी, बीड, महाराष्ट्र•

4 hrs ago

परळी येथील ओंकार साखर कारखान्याने जाहीर केलेल्या ऊस दरात शेतकऱ्यांशी दगाबाजी केल्याचा आरोप करत, ऊस उत्पादक संघर्ष समितीने कारखान्यासमोर १ जूनपासून बेमुदत आंदोलन सुरू केले आहे. आज, या आंदोलनाचा दुसरा दिवस असून, मोठ्या संख्येने शेतकरी कारखान्यासमोर जमले आहेत. कारखान्याने सुरुवातीला प्रतिटन २९५० रुपये ऊस दर जाहीर केला होता, ज्यामुळे अनेक शेतकरी आकर्षित होऊन त्यांनी आपला ऊस ओंकार कारखान्याला दिला. मात्र, प्रत्यक्षात कारखान्याने शेतकऱ्यांच्या खात्यात केवळ १८०० रुपये प्रतिटन याप्रमाणे पैसे वर्ग करून शेतकऱ्यांना मोठा धोका दिल्याचे आंदोलकांचे म्हणणे आहे. या फसवणुकीमुळे ऊस उत्पादक आक्रमक व संतप्त झाले आहेत. यापूर्वी ८ मे रोजी ऊस उत्पादक संघर्ष समितीने जाहीर दराप्रमाणे ऊस बिले व वाहतूक ठेकेदारांची बिले देण्यासाठी कारखान्यासमोर ठिय्या सत्याग्रह आंदोलन केले होते. त्यावेळी कारखान्याने आंदोलकांना लेखी पत्र देत, २५ मे २०२६ पूर्वी जाहीर दराप्रमाणे बिले देऊ असे आश्वासन दिले होते. परंतु, ती तारीख उलटून गेल्यानंतरही बिले जाहीर दराप्रमाणे निघाली नाहीत. १८०० रुपये प्रतिटन दरात ऊस उत्पादनाचा खर्चही निघत नसल्याने, वर्षभर जोपासलेल्या पिकाचा भाव कवडीमोल ठरल्याने ओंकार साखर कारखान्याला ऊस देणारे शेतकरी आर्थिक संकटात सापडले आहेत. जोपर्यंत जाहीर केलेल्या दराप्रमाणे ऊस बिले व वाहतूक ठेकेदारांची बिले दिली जात नाहीत, तोपर्यंत हे आंदोलन सुरूच राहील, असा ठाम निर्धार ऊस उत्पादक संघर्ष समितीने व्यक्त केला आहे.