लातूर जिल्ह्यामध्ये पोलीस अधीक्षक श्री अमोल तांबे यांच्या मार्गदर्शनाखाली अवैध दारू व्यवसाय, हातभट्टी निर्मिती आणि बेकायदेशीर मद्यविक्री पूर्णपणे थांबवण्यासाठी जिल्हा पोलीस दलाकडून विशेष मोहीम राबवण्यात येत आहे. या मोहिमेअंतर्गत, अपर पोलीस अधीक्षक मंगेश चव्हाण यांच्या मार्गदर्शनाखाली आणि स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वाखालील पथकांनी दोन दिवसांत जिल्ह्यात एकाच वेळी कारवाया करत अवैध दारू व्यावसायिकांविरोधात सात स्वतंत्र गुन्हे दाखल केले आहेत. या कारवाईत हातभट्टी दारू, देशी दारू आणि हजारो लिटर गुळमिश्रित रसायन नष्ट करण्यात आले असून, अनेक आरोपींना ताब्यात घेण्यात आले आहे. या कारवाईदरम्यान, लातूर शहरातील गांधी चौक पोलीस ठाण्याच्या हद्दीतील अण्णाभाऊ साठे चौक परिसरात गजानन सदाशिव हेरकर (रा. नळेगाव, ता. चाकूर) याला ३५ लिटर हातभट्टी दारूसह, तर अलीम सत्तार शेख (रा. झिन्नत सोसायटी, नांदेड रोड, लातूर) याला ३८ लिटर हातभट्टी दारूसह रंगेहात पकडण्यात आले. कासार सिरसी पोलीस ठाणे हद्दीतील कोराळवाडी येथे लक्ष्मण तिपन्ना उमापुरे याच्या शेतातून सुमारे ५०० लिटर क्षमतेचे गावठी हातभट्टी दारू तयार करण्यासाठी वापरले जाणारे गुळमिश्रित रसायन जप्त करण्यात आले. चाकूर पोलीस ठाणे हद्दीतील गणेशनगर तांडा येथे नाथू रामभाऊ राठोड याच्या ताब्यातील सुमारे ३०० लिटर रसायन आणि शिलाबाई शिवाजी जाधव हिच्या शेतातून २५० लिटर क्षमतेच्या बॅरलमधील रसायन जप्त करण्यात आले. याव्यतिरिक्त, अहमदपूर उपविभागातील वाढवणा पोलीस ठाणे हद्दीत इरफान मुन्नुसाब अत्तार (रा. शेळगाव, ता. चाकूर) आणि गंगाराम रोहिदास माने (रा. वडगाव एक्की, ता. चाकूर) यांच्याविरुद्ध देशी दारूच्या अवैध विक्रीप्रकरणी प्रत्येकी ४८ बाटल्या 'भिंगरी संत्रा' देशी दारूसह कारवाई करण्यात आली. जळकोट पोलीस ठाणे हद्दीतील संगमेश्वर देबडवार यांच्या शेताजवळ शेख सलीम महेबुब (रा. नवी आबादी, जळकोट) याला २१ बाटल्या देशी दारूसह ताब्यात घेण्यात आले; तपासात तो कोणताही वैध परवाना नसताना चोरटी विक्री करत असल्याचे निष्पन्न झाले. जप्त करण्यात आलेल्या दारूचे व रसायनांचे नमुने रासायनिक विश्लेषणासाठी राखून ठेवण्यात आले असून, उर्वरित अवैध साठा नष्ट करण्यात आला आहे. संबंधित आरोपींविरुद्ध महाराष्ट्र दारूबंदी अधिनियम १९४९ अन्वये गुन्हे दाखल करण्यात आले आहेत. पोलीस अधीक्षक अमोल तांबे यांनी स्पष्ट केले की, लातूर जिल्ह्यात अवैध दारू विक्री, हातभट्टी निर्मिती आणि समाजविघातक धंद्यांविरोधात जिल्हा पोलीस दलाची कारवाई यापुढेही अधिक कठोरपणे सुरू राहणार आहे. नागरिकांच्या आरोग्याशी खेळणाऱ्या आणि कायद्याचे उल्लंघन करणाऱ्यांविरुद्ध कठोर कारवाई करण्यात येईल, असा इशारा त्यांनी दिला.

Nitin Chalak

Media company शिरूर-अनंतपाळ, लातूर, महाराष्ट्र•

1 hr ago

लातूर जिल्ह्यामध्ये पोलीस अधीक्षक श्री अमोल तांबे यांच्या मार्गदर्शनाखाली अवैध दारू व्यवसाय, हातभट्टी निर्मिती आणि बेकायदेशीर मद्यविक्री पूर्णपणे थांबवण्यासाठी जिल्हा पोलीस दलाकडून विशेष मोहीम राबवण्यात येत आहे. या मोहिमेअंतर्गत, अपर पोलीस अधीक्षक मंगेश चव्हाण यांच्या मार्गदर्शनाखाली आणि स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वाखालील पथकांनी दोन दिवसांत जिल्ह्यात एकाच वेळी कारवाया करत अवैध दारू व्यावसायिकांविरोधात सात स्वतंत्र गुन्हे दाखल केले आहेत. या कारवाईत हातभट्टी दारू, देशी दारू आणि हजारो लिटर गुळमिश्रित रसायन नष्ट करण्यात आले असून, अनेक आरोपींना ताब्यात घेण्यात आले आहे. या कारवाईदरम्यान, लातूर शहरातील गांधी चौक पोलीस ठाण्याच्या हद्दीतील अण्णाभाऊ साठे चौक परिसरात गजानन सदाशिव हेरकर (रा. नळेगाव, ता. चाकूर) याला ३५ लिटर हातभट्टी दारूसह, तर अलीम सत्तार शेख (रा. झिन्नत सोसायटी, नांदेड रोड, लातूर) याला ३८ लिटर हातभट्टी दारूसह रंगेहात पकडण्यात आले. कासार सिरसी पोलीस ठाणे हद्दीतील कोराळवाडी येथे लक्ष्मण तिपन्ना उमापुरे याच्या शेतातून सुमारे ५०० लिटर क्षमतेचे गावठी हातभट्टी दारू तयार करण्यासाठी वापरले जाणारे गुळमिश्रित रसायन जप्त करण्यात आले. चाकूर पोलीस ठाणे हद्दीतील गणेशनगर तांडा येथे नाथू रामभाऊ राठोड याच्या

ताब्यातील सुमारे ३०० लिटर रसायन आणि शिलाबाई शिवाजी जाधव हिच्या शेतातून २५० लिटर क्षमतेच्या बॅरलमधील रसायन जप्त करण्यात आले. याव्यतिरिक्त, अहमदपूर उपविभागातील वाढवणा पोलीस ठाणे हद्दीत इरफान मुन्नुसाब अत्तार (रा. शेळगाव, ता. चाकूर) आणि गंगाराम रोहिदास माने (रा. वडगाव एक्की, ता. चाकूर) यांच्याविरुद्ध देशी दारूच्या अवैध विक्रीप्रकरणी प्रत्येकी ४८ बाटल्या 'भिंगरी संत्रा' देशी दारूसह कारवाई करण्यात आली. जळकोट पोलीस ठाणे हद्दीतील संगमेश्वर देबडवार यांच्या शेताजवळ शेख सलीम महेबुब (रा. नवी आबादी, जळकोट) याला २१ बाटल्या देशी दारूसह ताब्यात घेण्यात आले; तपासात तो कोणताही वैध परवाना नसताना चोरटी विक्री करत असल्याचे निष्पन्न झाले. जप्त करण्यात आलेल्या दारूचे व रसायनांचे नमुने रासायनिक विश्लेषणासाठी राखून ठेवण्यात आले असून, उर्वरित अवैध साठा नष्ट करण्यात आला आहे. संबंधित आरोपींविरुद्ध महाराष्ट्र दारूबंदी अधिनियम १९४९ अन्वये गुन्हे दाखल करण्यात आले आहेत. पोलीस अधीक्षक अमोल तांबे यांनी स्पष्ट केले की, लातूर जिल्ह्यात अवैध दारू विक्री, हातभट्टी निर्मिती आणि समाजविघातक धंद्यांविरोधात जिल्हा पोलीस दलाची कारवाई यापुढेही अधिक कठोरपणे सुरू राहणार आहे. नागरिकांच्या आरोग्याशी खेळणाऱ्या आणि कायद्याचे उल्लंघन करणाऱ्यांविरुद्ध कठोर कारवाई करण्यात येईल, असा इशारा त्यांनी दिला.