लातूर जिल्हा स्थानिक गुन्हे अन्वेषण शाखेने अवैध धंद्यांविरोधातील मोहिमेदरम्यान चाकूर तालुक्यातील वडवळ-जानवळ मार्गावर मोठी कारवाई करत ९ लाख १२ हजार ४५० रुपये किमतीचा प्रतिबंधित गुटखा आणि तंबाखूजन्य पदार्थांचा साठा एका कारसह जप्त केला आहे. या प्रकरणी दोन व्यक्तींविरुद्ध गुन्हा दाखल करण्याची प्रक्रिया सुरू करण्यात आली असून, एका आरोपीला ताब्यात घेण्यात पोलिसांना यश आले आहे. जप्त केलेल्या मुद्देमालामध्ये २ लाख १२ हजार ४५० रुपये किमतीचा प्रतिबंधित गुटखा व तंबाखूजन्य पदार्थ आणि वाहतुकीसाठी वापरलेली ७ लाख रुपये किमतीची मारुती सुझुकी इरटीगा कार (क्र. एमएच-२४ बीएक्स-१४८५) यांचा समावेश आहे. पोलिसांनी किशोर लक्ष्मण भदाडे (वय २४, रा. जानवळ, ता. चाकूर) या कारचालकाला ताब्यात घेतले आहे. चौकशीदरम्यान, भदाडेने हा माल वाहन मालक नरसिंग राजेंद्र करडीले (रा. जानवळ, ता. चाकूर) याचा असल्याची माहिती दिली. करडीले सध्या फरार असून, पोलीस त्याचा शोध घेत आहेत. स्थानिक गुन्हे शाखेच्या पथकाला चाकूर पोलीस ठाणे हद्दीतील वडवळ येथे गोपनीय बातमीदारामार्फत माहिती मिळाली होती की, वडवळ ते जानवळ मार्गावरून एका पांढऱ्या इरटीगा कारमधून मोठ्या प्रमाणात प्रतिबंधित गुटखा विक्रीसाठी वाहतूक केला जात आहे. या माहितीची खातरजमा करून पथकाने वडवळ-जानवळ रस्त्यावर सापळा रचला आणि संशयित कार अडवून तपासणी केली असता, कारच्या आतील भागात आणि डिकीत पोत्यांमध्ये व बॉक्समध्ये प्रतिबंधित तंबाखूजन्य पदार्थ आढळून आले. पोलीस अधीक्षक अमोल तांबे आणि अतिरिक्त पोलीस अधीक्षक मंगेश चव्हाण यांच्या मार्गदर्शनाखाली, तसेच स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वात पोउपनि अमर केंद्रे, पोलीस अंमलदार मनोज खोसे, साहेबराव हाके, अर्जुन राजपूत, रियाज सौदागर, आनंद हाल्लाळे, प्रवीण कोळसुरे यांनी ही कारवाई केली. याप्रकरणी आरोपींविरुद्ध भारतीय न्याय संहिता कलम १२३, २७४, २७५, २२३, ३(५) तसेच अन्न सुरक्षा व मानके अधिनियम २००६ च्या कलम ५९ अन्वये गुन्हा दाखल करण्याची प्रक्रिया सुरू करण्यात आली आहे. पोलीस प्रशासनाने दिलेल्या माहितीनुसार, अवैध गुटखा, तंबाखू आणि इतर बेकायदेशीर धंद्यांविरोधातील कारवाया यापुढेही अधिक तीव्र करण्यात येणार आहेत.

Laxman Ugile

उदगीर, लातूर, महाराष्ट्र•

4 hrs ago

लातूर जिल्हा स्थानिक गुन्हे अन्वेषण शाखेने अवैध धंद्यांविरोधातील मोहिमेदरम्यान चाकूर तालुक्यातील वडवळ-जानवळ मार्गावर मोठी कारवाई करत ९ लाख १२ हजार ४५० रुपये किमतीचा प्रतिबंधित गुटखा आणि तंबाखूजन्य पदार्थांचा साठा एका कारसह जप्त केला आहे. या प्रकरणी दोन व्यक्तींविरुद्ध गुन्हा दाखल करण्याची प्रक्रिया सुरू करण्यात आली असून, एका आरोपीला ताब्यात घेण्यात पोलिसांना यश आले आहे. जप्त केलेल्या मुद्देमालामध्ये २ लाख १२ हजार ४५० रुपये किमतीचा प्रतिबंधित गुटखा व तंबाखूजन्य पदार्थ आणि वाहतुकीसाठी वापरलेली ७ लाख रुपये किमतीची मारुती सुझुकी इरटीगा कार (क्र. एमएच-२४ बीएक्स-१४८५) यांचा समावेश आहे. पोलिसांनी किशोर लक्ष्मण भदाडे (वय २४, रा. जानवळ, ता. चाकूर) या कारचालकाला ताब्यात घेतले आहे. चौकशीदरम्यान, भदाडेने हा माल वाहन मालक नरसिंग राजेंद्र करडीले (रा. जानवळ, ता. चाकूर) याचा असल्याची माहिती दिली. करडीले सध्या फरार असून, पोलीस त्याचा शोध घेत आहेत. स्थानिक गुन्हे शाखेच्या पथकाला चाकूर पोलीस ठाणे हद्दीतील वडवळ येथे गोपनीय बातमीदारामार्फत माहिती मिळाली

होती की, वडवळ ते जानवळ मार्गावरून एका पांढऱ्या इरटीगा कारमधून मोठ्या प्रमाणात प्रतिबंधित गुटखा विक्रीसाठी वाहतूक केला जात आहे. या माहितीची खातरजमा करून पथकाने वडवळ-जानवळ रस्त्यावर सापळा रचला आणि संशयित कार अडवून तपासणी केली असता, कारच्या आतील भागात आणि डिकीत पोत्यांमध्ये व बॉक्समध्ये प्रतिबंधित तंबाखूजन्य पदार्थ आढळून आले. पोलीस अधीक्षक अमोल तांबे आणि अतिरिक्त पोलीस अधीक्षक मंगेश चव्हाण यांच्या मार्गदर्शनाखाली, तसेच स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वात पोउपनि अमर केंद्रे, पोलीस अंमलदार मनोज खोसे, साहेबराव हाके, अर्जुन राजपूत, रियाज सौदागर, आनंद हाल्लाळे, प्रवीण कोळसुरे यांनी ही कारवाई केली. याप्रकरणी आरोपींविरुद्ध भारतीय न्याय संहिता कलम १२३, २७४, २७५, २२३, ३(५) तसेच अन्न सुरक्षा व मानके अधिनियम २००६ च्या कलम ५९ अन्वये गुन्हा दाखल करण्याची प्रक्रिया सुरू करण्यात आली आहे. पोलीस प्रशासनाने दिलेल्या माहितीनुसार, अवैध गुटखा, तंबाखू आणि इतर बेकायदेशीर धंद्यांविरोधातील कारवाया यापुढेही अधिक तीव्र करण्यात येणार आहेत.