पुणे जिल्ह्यात विषारी दारूमुळे बळी गेलेल्यांची वाढती संख्या पाहता लातूर पोलीस यंत्रणा सतर्क झाली आहे. पोलीस अधीक्षक अमोल तांबे आणि अतिरिक्त पोलीस अधीक्षक मंगेश चव्हाण यांच्या मार्गदर्शनाखाली लातूर जिल्हा पोलीस दलाने अवैध दारू व्यवसाय, हातभट्टी निर्मिती आणि बेकायदेशीर मद्यविक्री हद्दपार करण्याच्या उद्देशाने विशेष मोहीम हाती घेतली आहे. स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वाखालील पथकांनी जिल्ह्यात एकाच वेळी अनेक कारवाया करत अवैध दारू व्यावसायिकांविरोधात सात स्वतंत्र गुन्हे दाखल केले आहेत. या कारवाईत मोठ्या प्रमाणात हातभट्टी दारू, देशी दारू तसेच गावठी दारू तयार करण्यासाठी वापरण्यात येणारे गुळमिश्रित रसायन जप्त करून पंचासमक्ष नष्ट करण्यात आले. अनेक आरोपींना ताब्यातही घेण्यात आले आहे. गांधी चौक पोलीस ठाण्याच्या हद्दीतील अण्णाभाऊ साठे चौक परिसरात गजानन सदाशिव हेरकर याला ३५ लिटर हातभट्टी दारूसह, तर अलीम सत्तार शेख याला ३८ लिटर हातभट्टी दारूसह रंगेहात पकडण्यात आले. कासार सिरसी पोलीस ठाणे हद्दीतील कोराळवाडी येथे लक्ष्मण तिपन्ना उमापुरे याच्या शेतातून सुमारे ५०० लिटर क्षमतेचे गावठी हातभट्टी दारूचे रसायन जप्त करण्यात आले. चाकूर पोलीस ठाणे हद्दीतील गणेशनगर तांडा येथे नाथू रामभाऊ राठोड याच्या ताब्यातील सुमारे ३०० लिटर रसायन आणि शिलाबाई शिवाजी जाधव हिच्या शेतातून २५० लिटर क्षमतेच्या बॅरलमध्ये साठवलेले रसायन जप्त करण्यात आले. अहमदपूर उपविभागातील वाढवणा पोलीस ठाणे हद्दीत इरफान मुन्नुसाब अत्तार याच्याविरुद्ध देशी दारूच्या अवैध विक्रीप्रकरणी कारवाई करून "भिंगरी संत्रा" कंपनीच्या ४८ बाटल्या जप्त करण्यात आल्या, तसेच गंगाराम रोहिदास माने याच्याविरुद्धही कारवाई करत देशी दारूच्या ४८ बाटल्या जप्त करण्यात आल्या. जळकोट पोलीस ठाणे हद्दीतील संगमेश्वर देबडवार यांच्या शेताजवळ शेख सलीम महेबुब याला देशी दारूच्या २१ बाटल्यांसह ताब्यात घेण्यात आले. त्याने कोणताही वैध परवाना नसताना दारूची चोरटी विक्री केल्याचे निष्पन्न झाले आहे. या सर्व कारवायांमध्ये जप्त करण्यात आलेल्या दारूचे व रसायनांचे नमुने रासायनिक विश्लेषणासाठी राखून ठेवण्यात आले असून, उर्वरित अवैध साठा नष्ट करण्यात आला आहे. संबंधित आरोपींविरुद्ध महाराष्ट्र दारूबंदी अधिनियम १९४९ अन्वये गुन्हे दाखल करण्यात आले आहेत. पोलीस अधीक्षक अमोल तांबे यांनी सांगितले की, लातूर जिल्ह्यात अवैध दारू विक्री, हातभट्टी निर्मिती आणि समाजविघातक धंद्यांविरोधात जिल्हा पोलीस दलाची कारवाई यापुढेही अधिक कठोरपणे सुरू राहणार आहे. नागरिकांच्या आरोग्याशी खेळणाऱ्या आणि कायद्याचे उल्लंघन करणाऱ्यांविरुद्ध कठोर कारवाई केली जाईल, असेही त्यांनी स्पष्ट केले.

Laxman Ugile

उदगीर, लातूर, महाराष्ट्र•

4 hrs ago

पुणे जिल्ह्यात विषारी दारूमुळे बळी गेलेल्यांची वाढती संख्या पाहता लातूर पोलीस यंत्रणा सतर्क झाली आहे. पोलीस अधीक्षक अमोल तांबे आणि अतिरिक्त पोलीस अधीक्षक मंगेश चव्हाण यांच्या मार्गदर्शनाखाली लातूर जिल्हा पोलीस दलाने अवैध दारू व्यवसाय, हातभट्टी निर्मिती आणि बेकायदेशीर मद्यविक्री हद्दपार करण्याच्या उद्देशाने विशेष मोहीम हाती घेतली आहे. स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वाखालील पथकांनी जिल्ह्यात एकाच वेळी अनेक कारवाया करत अवैध दारू व्यावसायिकांविरोधात सात स्वतंत्र गुन्हे दाखल केले आहेत. या कारवाईत मोठ्या प्रमाणात हातभट्टी दारू, देशी दारू तसेच गावठी दारू तयार करण्यासाठी वापरण्यात येणारे गुळमिश्रित रसायन जप्त करून पंचासमक्ष नष्ट करण्यात आले. अनेक आरोपींना ताब्यातही घेण्यात आले आहे. गांधी चौक पोलीस ठाण्याच्या हद्दीतील अण्णाभाऊ साठे चौक परिसरात गजानन

सदाशिव हेरकर याला ३५ लिटर हातभट्टी दारूसह, तर अलीम सत्तार शेख याला ३८ लिटर हातभट्टी दारूसह रंगेहात पकडण्यात आले. कासार सिरसी पोलीस ठाणे हद्दीतील कोराळवाडी येथे लक्ष्मण तिपन्ना उमापुरे याच्या शेतातून सुमारे ५०० लिटर क्षमतेचे गावठी हातभट्टी दारूचे रसायन जप्त करण्यात आले. चाकूर पोलीस ठाणे हद्दीतील गणेशनगर तांडा येथे नाथू रामभाऊ राठोड याच्या ताब्यातील सुमारे ३०० लिटर रसायन आणि शिलाबाई शिवाजी जाधव हिच्या शेतातून २५० लिटर क्षमतेच्या बॅरलमध्ये साठवलेले रसायन जप्त करण्यात आले. अहमदपूर उपविभागातील वाढवणा पोलीस ठाणे हद्दीत इरफान मुन्नुसाब अत्तार याच्याविरुद्ध देशी दारूच्या अवैध विक्रीप्रकरणी कारवाई करून "भिंगरी संत्रा" कंपनीच्या ४८ बाटल्या जप्त करण्यात आल्या, तसेच गंगाराम रोहिदास माने याच्याविरुद्धही कारवाई करत देशी दारूच्या ४८ बाटल्या जप्त करण्यात

आल्या. जळकोट पोलीस ठाणे हद्दीतील संगमेश्वर देबडवार यांच्या शेताजवळ शेख सलीम महेबुब याला देशी दारूच्या २१ बाटल्यांसह ताब्यात घेण्यात आले. त्याने कोणताही वैध परवाना नसताना दारूची चोरटी विक्री केल्याचे निष्पन्न झाले आहे. या सर्व कारवायांमध्ये जप्त करण्यात आलेल्या दारूचे व रसायनांचे नमुने रासायनिक विश्लेषणासाठी राखून ठेवण्यात आले असून, उर्वरित अवैध साठा नष्ट करण्यात आला आहे. संबंधित आरोपींविरुद्ध महाराष्ट्र दारूबंदी अधिनियम १९४९ अन्वये गुन्हे दाखल करण्यात आले आहेत. पोलीस अधीक्षक अमोल तांबे यांनी सांगितले की, लातूर जिल्ह्यात अवैध दारू विक्री, हातभट्टी निर्मिती आणि समाजविघातक धंद्यांविरोधात जिल्हा पोलीस दलाची कारवाई यापुढेही अधिक कठोरपणे सुरू राहणार आहे. नागरिकांच्या आरोग्याशी खेळणाऱ्या आणि कायद्याचे उल्लंघन करणाऱ्यांविरुद्ध कठोर कारवाई केली जाईल, असेही त्यांनी स्पष्ट केले.