జనగామ జిల్లా రఘునాథపల్లి మండలంలోని మండలగూడెం గ్రామంలో స్టేషన్ ఘన్‌పూర్ ఎమ్మెల్యే కడియం శ్రీహరి శనివారం పలు అభివృద్ధి పనులను ప్రారంభించారు. ఆయన రూ. 15 లక్షలతో నిర్మించిన సీసీ రోడ్డును, నూతనంగా నిర్మించిన ఇందిరమ్మ ఇళ్లను లబ్ధిదారులతో కలిసి ప్రారంభించడమే కాకుండా, మరో రూ. 10 లక్షలతో నిర్మించనున్న సీసీ రహదారి పనులకు శంకుస్థాపన చేశారు. రైతన్నల సంక్షేమానికి కాంగ్రెస్ ప్రభుత్వం అత్యంత ప్రాధాన్యత ఇస్తోందని, ప్రతి పంటకు సాగునీరు అందించేందుకు తాము కట్టుబడి ఉన్నామని ఈ సందర్భంగా ఆయన స్పష్టం చేశారు. సర్పంచ్ డేగల రాజశేఖర్ అధ్యక్షతన జరిగిన ఈ సభలో ఎమ్మెల్యే కడియం శ్రీహరి మాట్లాడుతూ, తాను ఎమ్మెల్యేగా ఎన్నికైన రెండున్నరేళ్లలో గ్రామానికి 33/11 కేవీ సబ్‌స్టేషన్ మంజూరు చేయించడంతో పాటు రూ. 20 లక్షలతో బొమ్మకూరు రిజర్వాయర్ నుండి కాలువ మరమ్మతులు చేపటించి మల్కి చెరువును గోదావరి జలాలతో నింపినట్లు వివరించారు. దీనివల్ల రైతులకు సాగునీరు అంది మెరుగైన దిగుబడులు వచ్చాయని చెప్పారు. గ్రామానికి మరో 20 ఇందిరమ్మ ఇళ్లతో పాటు రూ. 20 లక్షల విలువైన సీసీ రోడ్లను మంజూరు చేస్తానని ఆయన హామీ ఇచ్చారు. వర్షాభావ పరిస్థితులు ఉన్నప్పటికీ దేవాదుల ప్రాజెక్టు ద్వారా బొమ్మకూరు రిజర్వాయర్‌కు గోదావరి జలాలు అందించి రైతుల పంటలను కాపాడే బాధ్యత తనదేనని స్పష్టం చేశారు. ప్రస్తుత ప్రభుత్వం ఆర్థిక ఇబ్బందుల్లో ఉన్నప్పటికీ మహిళలకు ఉచిత బస్సు ప్రయాణం, 200 యూనిట్ల ఉచిత విద్యుత్, గ్యాస్ సిలిండర్ పంపిణీ, రేషన్ కార్డులు, ఇందిరమ్మ ఇళ్లు, రైతు భరోసా వంటి సంక్షేమ పథకాలను సమర్థవంతంగా అమలు చేస్తోందని ఎమ్మెల్యే పేర్కొన్నారు. ఈ కార్యక్రమంలో జిల్లా గ్రంథాలయ సంస్థ చైర్మన్ కూరపాటి రాంబాబు, జిల్లా ఉపాధ్యక్షుడు లింగాల అనిల్ రెడ్డి, మండల కాంగ్రెస్ అధ్యక్షుడు గాదె ముకుందరెడ్డి, నాయకులు కోలే రవి, లింగారెడ్డి, బోనగిరి క్రాంతి, మేకల హరీందర్, కాకతి భాస్కర్, పింగిరెడ్డి శ్రీనివాస్, పోచంపల్లికుంట సర్పంచ్ ఈర్య నాయక్ తదితరులు పాల్గొన్నారు.

Parushuram goud

Insurance Agent జనగాం, జనగాం, తెలంగాణ•

7 hrs ago

జనగామ జిల్లా రఘునాథపల్లి మండలంలోని మండలగూడెం గ్రామంలో స్టేషన్ ఘన్‌పూర్ ఎమ్మెల్యే కడియం శ్రీహరి శనివారం పలు అభివృద్ధి పనులను ప్రారంభించారు. ఆయన రూ. 15 లక్షలతో నిర్మించిన సీసీ రోడ్డును, నూతనంగా నిర్మించిన ఇందిరమ్మ ఇళ్లను లబ్ధిదారులతో కలిసి ప్రారంభించడమే కాకుండా, మరో రూ. 10 లక్షలతో నిర్మించనున్న సీసీ రహదారి పనులకు శంకుస్థాపన చేశారు. రైతన్నల సంక్షేమానికి కాంగ్రెస్ ప్రభుత్వం అత్యంత ప్రాధాన్యత ఇస్తోందని, ప్రతి పంటకు సాగునీరు

అందించేందుకు తాము కట్టుబడి ఉన్నామని ఈ సందర్భంగా ఆయన స్పష్టం చేశారు. సర్పంచ్ డేగల రాజశేఖర్ అధ్యక్షతన జరిగిన ఈ సభలో ఎమ్మెల్యే కడియం శ్రీహరి మాట్లాడుతూ, తాను ఎమ్మెల్యేగా ఎన్నికైన రెండున్నరేళ్లలో గ్రామానికి 33/11 కేవీ సబ్‌స్టేషన్ మంజూరు చేయించడంతో పాటు రూ. 20 లక్షలతో బొమ్మకూరు రిజర్వాయర్ నుండి కాలువ మరమ్మతులు చేపటించి మల్కి చెరువును గోదావరి జలాలతో నింపినట్లు వివరించారు. దీనివల్ల రైతులకు సాగునీరు అంది మెరుగైన దిగుబడులు

వచ్చాయని చెప్పారు. గ్రామానికి మరో 20 ఇందిరమ్మ ఇళ్లతో పాటు రూ. 20 లక్షల విలువైన సీసీ రోడ్లను మంజూరు చేస్తానని ఆయన హామీ ఇచ్చారు. వర్షాభావ పరిస్థితులు ఉన్నప్పటికీ దేవాదుల ప్రాజెక్టు ద్వారా బొమ్మకూరు రిజర్వాయర్‌కు గోదావరి జలాలు అందించి రైతుల పంటలను కాపాడే బాధ్యత తనదేనని స్పష్టం చేశారు. ప్రస్తుత ప్రభుత్వం ఆర్థిక ఇబ్బందుల్లో ఉన్నప్పటికీ మహిళలకు ఉచిత బస్సు ప్రయాణం, 200 యూనిట్ల ఉచిత విద్యుత్, గ్యాస్ సిలిండర్

పంపిణీ, రేషన్ కార్డులు, ఇందిరమ్మ ఇళ్లు, రైతు భరోసా వంటి సంక్షేమ పథకాలను సమర్థవంతంగా అమలు చేస్తోందని ఎమ్మెల్యే పేర్కొన్నారు. ఈ కార్యక్రమంలో జిల్లా గ్రంథాలయ సంస్థ చైర్మన్ కూరపాటి రాంబాబు, జిల్లా ఉపాధ్యక్షుడు లింగాల అనిల్ రెడ్డి, మండల కాంగ్రెస్ అధ్యక్షుడు గాదె ముకుందరెడ్డి, నాయకులు కోలే రవి, లింగారెడ్డి, బోనగిరి క్రాంతి, మేకల హరీందర్, కాకతి భాస్కర్, పింగిరెడ్డి శ్రీనివాస్, పోచంపల్లికుంట సర్పంచ్ ఈర్య నాయక్ తదితరులు పాల్గొన్నారు.