Post by Mahindra Magi

संगमनेर येथे विदेशी दारूची वाहतूक करणाऱ्या इसमाकडून ₹3,72,000/- किमतीचा मुद्देमाल जप्त स्थानिक गुन्हे शाखा, अहिल्यानगरची कारवाई अहिल्यानगर जिल्ह्यातील अवैध धंद्यांवर प्रभावी कारवाई करण्याबाबत मा. श्री. सोमनाथ घार्गे, पोलीस अधीक्षक, अहिल्यानगर यांनी दिलेल्या आदेशानुसार स्थानिक गुन्हे शाखेकडून कारवाई करण्यात आली. पोलीस निरीक्षक श्री. किरणकुमार कबाडी यांच्या नेतृत्वाखाली पोलीस उपनिरीक्षक महादेव गुट्टे व पथकातील अधिकारी/अंमलदार गणेश लोंढे, संतोष खैरे, विजय पवार, योगेश कर्डीले, बाळासाहेब गुंजाळ, अमृत आढाव व चालक उत्तरेश्वर मोराळे यांचे विशेष पथक तयार करण्यात आले होते. दिनांक 15 एप्रिल 2026 रोजी संगमनेर शहर परिसरात पेट्रोलिंग दरम्यान संगमनेर-अकोले रोडवर जोर्वेकर विटभट्टीसमोर एक विना नंबरची ऍपे रिक्षा संशयास्पद स्थितीत आढळून आली. चौकशी केली असता चालकाने आपले नाव सुनिल रामनाथ मोरे (वय 42, रा. गुंजाळवाडी, ता. संगमनेर) असे सांगितले. रिक्षाची तपासणी केली असता त्यामध्ये विदेशी कंपनीच्या दारूचे बॉक्स आढळून आले. अधिक चौकशीदरम्यान सदर दारू ही गणेश पंढरीनाथ मोरे (रा. पिंपळगाव कोझिंरा, ता. संगमनेर – फरार) यांची असून त्याच्या सांगण्यावरून वेदांत वाईन्स शॉप, संगमनेर-नाशिक रोड (फरार) येथून खरेदी केल्याची माहिती आरोपीने दिली. या कारवाईत आरोपीकडून ₹72,000/- किमतीची विदेशी दारू व ₹3,00,000/- किमतीची ऍपे रिक्षा असा एकूण ₹3,72,000/- किमतीचा मुद्देमाल जप्त करण्यात आला. याप्रकरणी पो. कॉ. बाळासाहेब अशोक गुंजाळ (स्थानिक गुन्हे शाखा, अहिल्यानगर) यांच्या फिर्यादीवरून संगमनेर शहर पोलीस ठाणे गु.र.नं. 314/2026 अन्वये महाराष्ट्र दारुबंदी कायदा कलम 65(अ)(ई), 83 प्रमाणे गुन्हा दाखल करण्यात आला असून पुढील तपास संगमनेर शहर पोलीस करीत आहेत. सदर कारवाई मा. पोलीस अधीक्षक श्री. सोमनाथ घार्गे यांच्या मार्गदर्शनाखाली स्थानिक गुन्हे शाखेच्या पथकाने यशस्वीरीत्या पार पाडली.

Post by शेख महेशर ताहेर(पञकार)

सरकारने रद्द केलेल्या 5 टक्के आरक्षणावर पुनर्विचार करावा शेख अनिस सर यांचे मत.बीड शहरात 17 तारखेला एल्गार मोर्चा काढण्यात आला होता

Post by Rathod Baburao

#voteforVahiniDada #voteforajitdada

श्री वडमाऊली यात्रा निमित्त सर्वांना हार्दिक शुभेच्छा जिल्हा बीड तालुका केज राहणार रोड माऊली दहिफळ येथे दिनांक 14/04/2026 या दिवशी मोठ्या उत्साहात यात्रा साजरी करण्यात आली आहे

रुग्णवाहिका की मद्यपींचा अड्डा? शासकीय वाहनात बसून चालक व टेक्निशनचे धाब्यावर मद्यप्राशन 📍 अहमदनगर (प्रतिनिधी) रुग्णांचे प्राण वाचवण्याची जबाबदारी ज्यांच्यावर आहे, त्यांनीच माणुसकीला काळीमा फासणारी गंभीर घटना समोर आली आहे. महाराष्ट्र शासनाच्या नावाची रुग्णवाहिका वापरत असताना चालक आणि टेक्निशन हे ड्युटीवरच धाब्यावर बसून मद्यप्राशन करत असल्याचा धक्कादायक प्रकार उघडकीस आला आहे. ही संपूर्ण घटना ‘महानुज’च्या कॅमेऱ्यात कैद झाली असून संबंधित कर्मचाऱ्यांची बेफिकीरी स्पष्टपणे दिसून येत आहे. 📌 नेमकी घटना MH 16 CD 1093 क्रमांकाची पेशंट ट्रान्सफर रुग्णवाहिका घेऊन चालक आणि टेक्निशन हे सेवेसाठी असताना रस्त्यातील एका धाब्यावर थांबले. मात्र रुग्णसेवा देण्याऐवजी दोघेही तेथे उघडपणे मद्यपान करत बसल्याचे निदर्शनास आले. विशेष म्हणजे, ‘महाराष्ट्र शासन’ असे स्पष्ट लिहिलेल्या वाहनातून अशा प्रकारे मद्यप्राशन केल्याने नागरिकांमध्ये संतापाची लाट उसळली आहे. ⚠️ उपस्थित झालेले गंभीर प्रश्न रुग्णांच्या जीवाशी खेळ: मद्यधुंद अवस्थेत असलेले कर्मचारी आपत्कालीन स्थितीत योग्य सेवा देऊ शकतील का? शासनाची प्रतिमा मलिन: शासकीय वाहनाचा असा उघड गैरवापर कसा सहन केला जातो? प्रशासनाची भूमिका काय?: संबंधितांवर निलंबन किंवा कठोर कारवाई होणार का? 🗣️ जनतेची मागणी या घटनेमुळे संपूर्ण आरोग्य यंत्रणेवर प्रश्नचिन्ह निर्माण झाले आहे. संबंधित चालक व टेक्निशनवर तात्काळ निलंबनाची आणि चौकशीची मागणी नागरिकांकडून जोर धरत आहे. “रुग्णवाहिका ही देवदूतासारखी असते, पण या घटनेमुळे त्या प्रतिमेला धक्का बसला आहे. आता प्रशासन काय कारवाई करते, याकडे सर्वांचे लक्ष लागले आहे.”