लातूर ग्रामीणमधील मौजे वानवाडा येथे अचानक आलेल्या वादळ वाऱ्यासह अवकाळी पावसाने अल्पभूधारक शेतकरी काशिनाथ सिद्धू निकम यांच्या कुटुंबाचा संसार पूर्णपणे उध्वस्त झाला. शनिवारी झालेल्या या नैसर्गिक आपत्तीत निकम यांचे घर आणि त्यालगतचे व्यवसाय पूर्णपणे उद्ध्वस्त झाले, ज्यामुळे हे कुटुंब उघड्यावर आले. सर्वजण मृगाच्या पावसाची वाट पाहत असतानाच आलेल्या या अवकाळी पावसाने अनेक ठिकाणी मोठ्या प्रमाणात नुकसान झाले. अत्यंत गरीब असलेल्या निकम कुटुंबाने कष्टातून उभे केलेले किराणा दुकान, पानटपरी आणि शुद्ध पाणीपुरवठ्याचा (आरओ प्लांट) छोटासा व्यवसाय या वादळामुळे मोठ्या प्रमाणात बाधित झाला. घरावरील संपूर्ण पत्र्याचे शेड उखडले, बाजूच्या भिंती कोसळल्या आणि घरातील अन्नधान्य, कपडे, अंथरूण-पांघरूण तसेच संसारोपयोगी भांडीकुंडी पूर्णपणे भिजून खराब झाली. निकम कुटुंबीय आपल्या उपजीविकेसाठी या छोट्या-मोठ्या उद्योगांवर अवलंबून होते. या गंभीर नैसर्गिक आपत्तीत मदतीचा हात म्हणून, लातूर ग्रामीणचे आमदार श्री रमेशआप्पा कराड यांनी तात्काळ निकम कुटुंबीयांना आधार दिला. भाजपाच्या लातूर येथील संवाद कार्यालयात आमदार कराड यांनी काशिनाथ निकम यांच्या पत्नी सुमनबाई निकम आणि मुलगा बळीराम निकम यांना संसारोपयोगी सर्व प्रकारची भांडीकुंडी, दैनंदिन वापराचे कपडे, अंथरूण-पांघरूण तसेच तातडीने आवश्यक असलेले अन्नधान्य देऊन मोठा आधार दिला. यावेळी जिल्हा परिषदेचे सदस्य महादेव साळुंखे, रेणापूर तालुका संगायो अध्यक्ष सतीश आंबेकर, वानवडा येथील सरपंच फुलचंद अंधारे, उपसरपंच दीपक काळे, लिंबराज सोमवंशी, राजेंद्र घोडके, नितीन अंधारे यांच्यासह इतर अनेक मान्यवर उपस्थित होते. आमदार रमेशआप्पा कराड यांनी तातडीने केलेल्या या मदतीबद्दल निकम कुटुंबीयांनी त्यांचे मनःपूर्वक आभार व्यक्त केले.

Sunil Gawali

शिरूर-अनंतपाळ, लातूर, महाराष्ट्र•

1 hr ago

लातूर ग्रामीणमधील मौजे वानवाडा येथे अचानक आलेल्या वादळ वाऱ्यासह अवकाळी पावसाने अल्पभूधारक शेतकरी काशिनाथ सिद्धू निकम यांच्या कुटुंबाचा संसार पूर्णपणे उध्वस्त झाला. शनिवारी झालेल्या या नैसर्गिक आपत्तीत निकम यांचे घर आणि त्यालगतचे व्यवसाय पूर्णपणे उद्ध्वस्त झाले, ज्यामुळे हे कुटुंब उघड्यावर आले. सर्वजण मृगाच्या पावसाची वाट पाहत असतानाच आलेल्या या अवकाळी पावसाने अनेक ठिकाणी मोठ्या प्रमाणात नुकसान झाले. अत्यंत गरीब असलेल्या निकम कुटुंबाने कष्टातून उभे केलेले किराणा दुकान, पानटपरी आणि शुद्ध पाणीपुरवठ्याचा (आरओ प्लांट) छोटासा व्यवसाय या वादळामुळे मोठ्या प्रमाणात बाधित झाला. घरावरील संपूर्ण पत्र्याचे शेड उखडले, बाजूच्या भिंती कोसळल्या आणि घरातील अन्नधान्य, कपडे, अंथरूण-पांघरूण तसेच संसारोपयोगी भांडीकुंडी पूर्णपणे भिजून खराब झाली. निकम कुटुंबीय आपल्या उपजीविकेसाठी या छोट्या-मोठ्या उद्योगांवर अवलंबून होते. या गंभीर नैसर्गिक आपत्तीत मदतीचा हात म्हणून, लातूर ग्रामीणचे आमदार श्री रमेशआप्पा कराड यांनी तात्काळ निकम कुटुंबीयांना आधार दिला. भाजपाच्या लातूर येथील संवाद कार्यालयात आमदार कराड यांनी काशिनाथ निकम यांच्या पत्नी सुमनबाई निकम आणि मुलगा बळीराम निकम यांना संसारोपयोगी सर्व प्रकारची भांडीकुंडी, दैनंदिन वापराचे कपडे, अंथरूण-पांघरूण तसेच तातडीने आवश्यक असलेले अन्नधान्य देऊन मोठा आधार दिला. यावेळी जिल्हा परिषदेचे सदस्य महादेव साळुंखे, रेणापूर तालुका संगायो अध्यक्ष सतीश आंबेकर, वानवडा येथील सरपंच फुलचंद अंधारे, उपसरपंच दीपक काळे, लिंबराज सोमवंशी, राजेंद्र घोडके, नितीन अंधारे यांच्यासह इतर अनेक मान्यवर उपस्थित होते. आमदार रमेशआप्पा कराड यांनी तातडीने केलेल्या या मदतीबद्दल निकम कुटुंबीयांनी त्यांचे मनःपूर्वक आभार व्यक्त केले.