पोहरादेवी यात्रेत कचऱ्याचा स्फोट; प्रशासन झोपेत, नागरिकांच्या जीवाशी खेळ! मानोरा :-- श्रीक्षेत्र पोहरादेवी येथे रामनवमी यात्रेनंतर परिसरात कचऱ्याचे प्रचंड ढीग साचले असून प्रशासनाच्या हलगर्जीपणाचा कळस गाठला असल्याचे चित्र समोर आले आहे. यात्रेनंतर अनेक दिवस उलटूनही स्वच्छतेचा कोणताही ठोस उपाय न झाल्याने नागरिकांमध्ये संतापाची लाट उसळली आहे. यात्रेदरम्यान निर्माण झालेला प्लास्टिक, अन्नकचरा व इतर घाण परिसरात साचून राहिल्याने दुर्गंधी पसरली आहे. या अस्वच्छतेमुळे संसर्गजन्य आजारांचा धोका वाढला असून नागरिकांच्या आरोग्याशी थेट खेळ सुरू असल्याचा आरोप ग्रामस्थांकडून केला जात आहे. विशेष म्हणजे, मागील वर्षी जिल्हाधिकारी भुवनेश्वर एस यांनी स्वतः पुढाकार घेऊन स्वच्छता मोहीम राबवली होती. मात्र यंदा प्रशासन व संबंधित यंत्रणा पूर्णपणे निष्क्रिय ठरल्याचे दिसून येत आहे. प्लास्टिक पन्नी मोठ्या प्रमाणात पडून असल्याने जनावरांच्या जीवाला धोका निर्माण झाला आहे. तरीही प्रशासनाकडून कोणतीही तातडीची कारवाई होत नसल्याने नागरिकांनी तीव्र नाराजी व्यक्त केली आहे. यात्रा परिसर तात्काळ स्वच्छ करण्यात यावा, अन्यथा आंदोलनाचा इशारा ग्रामस्थांसह संजय महाराज,रमेश महाराज यांनी दिला आहे. प्रशासन आता तरी जागे होणार का, असा संतप्त सवाल नागरिक करत आहेत.

कु.मोनाली अनिल राठोड

पत्रकार मानोरा, वाशिम, महाराष्ट्र•

6 hrs ago

पोहरादेवी यात्रेत कचऱ्याचा स्फोट; प्रशासन झोपेत, नागरिकांच्या जीवाशी खेळ! मानोरा :-- श्रीक्षेत्र पोहरादेवी येथे रामनवमी यात्रेनंतर परिसरात कचऱ्याचे प्रचंड ढीग साचले असून प्रशासनाच्या हलगर्जीपणाचा कळस गाठला असल्याचे चित्र समोर आले आहे. यात्रेनंतर अनेक दिवस उलटूनही स्वच्छतेचा कोणताही ठोस उपाय न झाल्याने नागरिकांमध्ये संतापाची लाट उसळली आहे. यात्रेदरम्यान निर्माण झालेला प्लास्टिक, अन्नकचरा व इतर

घाण परिसरात साचून राहिल्याने दुर्गंधी पसरली आहे. या अस्वच्छतेमुळे संसर्गजन्य आजारांचा धोका वाढला असून नागरिकांच्या आरोग्याशी थेट खेळ सुरू असल्याचा आरोप ग्रामस्थांकडून केला जात आहे. विशेष म्हणजे, मागील वर्षी जिल्हाधिकारी भुवनेश्वर एस यांनी स्वतः पुढाकार घेऊन स्वच्छता मोहीम राबवली होती. मात्र यंदा प्रशासन व संबंधित यंत्रणा पूर्णपणे निष्क्रिय ठरल्याचे दिसून येत आहे. प्लास्टिक

पन्नी मोठ्या प्रमाणात पडून असल्याने जनावरांच्या जीवाला धोका निर्माण झाला आहे. तरीही प्रशासनाकडून कोणतीही तातडीची कारवाई होत नसल्याने नागरिकांनी तीव्र नाराजी व्यक्त केली आहे. यात्रा परिसर तात्काळ स्वच्छ करण्यात यावा, अन्यथा आंदोलनाचा इशारा ग्रामस्थांसह संजय महाराज,रमेश महाराज यांनी दिला आहे. प्रशासन आता तरी जागे होणार का, असा संतप्त सवाल नागरिक करत आहेत.