परळी वैजनाथ तालुक्यातील कन्हेरवाडी येथे वसंत (बापू) मारोतीराव फड यांचे अल्पशा आजाराने दुःखद निधन झाले. त्यांच्या निधनाची बातमी समजताच पुणे विभागाच्या समाजकल्याण आयुक्त सौ. दीपाताई विश्वास मुधोळ-मुंडे (IAS) यांनी तात्काळ फड कुटुंबीयांची भेट घेऊन त्यांचे सांत्वन केले आणि दिवंगत आत्म्यास भावपूर्ण श्रद्धांजली अर्पण केली. कै. वसंत (बापू) फड हे कन्हेरवाडी येथील माजी ग्रामपंचायत सदस्य तसेच अंबाजोगाई दूध महासंघाचे माजी सदस्य होते. त्यांनी कन्हेरवाडीतील विविध कामांमध्ये आणि अनेक सामाजिक कार्यात मोठे योगदान दिले होते. ते अत्यंत मनमिळावू, धार्मिक स्वभावाचे आणि सर्वांशी आत्मीयतेने वागणारे व्यक्तिमत्त्व म्हणून परिचित होते, तसेच अनेक सामाजिक कार्यांमध्ये ते अग्रणी होते. बालासाहेब फड आणि सुरेश (नाना) फड यांचे ते वडील होते, तर माणिकभाऊ फड यांचे ते चुलते होते. त्यांच्या निधनाने फड कुटुंबावर दुःखाचा डोंगर कोसळला असून, संपूर्ण कन्हेरवाडी परिसरात हळहळ व्यक्त होत आहे. या दुःखद प्रसंगी फड कुटुंबीयांचे सांत्वन करताना सौ. दीपाताई मुधोळ-मुंडे म्हणाल्या की, "कै. वसंत (बापू) फड यांच्या निधनाची बातमी अत्यंत दुःखद आहे. त्यांच्या जाण्याने कुटुंबाने एक प्रेमळ, कर्तव्यदक्ष आणि जिव्हाळ्याचा आधारवड गमावला आहे." त्यांनी या दुःखाच्या प्रसंगी फड कुटुंबीयांच्या दुःखात आपण सहभागी असल्याचे सांगत, दिवंगत आत्म्यास ईश्वर चरणी सद्गती लाभो आणि परिवारास हे दुःख सहन करण्याचे बळ मिळो, अशी प्रार्थना केली. या प्रसंगी सामाजिक कार्यकर्ते माधवराव दहिफळे, फड परिवार आणि इतर मान्यवर उपस्थित होते.

M. p. gitte

परळी, बीड, महाराष्ट्र•

1 hr ago

परळी वैजनाथ तालुक्यातील कन्हेरवाडी येथे वसंत (बापू) मारोतीराव फड यांचे अल्पशा आजाराने दुःखद निधन झाले. त्यांच्या निधनाची बातमी समजताच पुणे विभागाच्या समाजकल्याण आयुक्त सौ. दीपाताई विश्वास मुधोळ-मुंडे (IAS) यांनी तात्काळ फड कुटुंबीयांची भेट घेऊन त्यांचे सांत्वन केले आणि दिवंगत आत्म्यास भावपूर्ण श्रद्धांजली अर्पण केली. कै. वसंत (बापू) फड हे कन्हेरवाडी येथील माजी ग्रामपंचायत सदस्य तसेच अंबाजोगाई दूध महासंघाचे माजी सदस्य होते. त्यांनी कन्हेरवाडीतील विविध कामांमध्ये आणि अनेक सामाजिक कार्यात मोठे योगदान दिले होते. ते अत्यंत मनमिळावू, धार्मिक स्वभावाचे आणि सर्वांशी आत्मीयतेने वागणारे व्यक्तिमत्त्व म्हणून परिचित होते, तसेच अनेक सामाजिक कार्यांमध्ये ते अग्रणी होते. बालासाहेब फड आणि सुरेश (नाना) फड यांचे ते वडील होते, तर माणिकभाऊ फड यांचे ते चुलते होते. त्यांच्या निधनाने फड कुटुंबावर दुःखाचा डोंगर कोसळला असून, संपूर्ण कन्हेरवाडी परिसरात हळहळ व्यक्त होत आहे. या दुःखद प्रसंगी फड कुटुंबीयांचे सांत्वन करताना सौ. दीपाताई मुधोळ-मुंडे म्हणाल्या की, "कै. वसंत (बापू) फड यांच्या निधनाची बातमी अत्यंत दुःखद आहे. त्यांच्या जाण्याने कुटुंबाने एक प्रेमळ, कर्तव्यदक्ष आणि जिव्हाळ्याचा आधारवड गमावला आहे." त्यांनी या दुःखाच्या प्रसंगी फड कुटुंबीयांच्या दुःखात आपण सहभागी असल्याचे सांगत, दिवंगत आत्म्यास ईश्वर चरणी सद्गती लाभो आणि परिवारास हे दुःख सहन करण्याचे बळ मिळो, अशी प्रार्थना केली. या प्रसंगी सामाजिक कार्यकर्ते माधवराव दहिफळे, फड परिवार आणि इतर मान्यवर उपस्थित होते.