नागपूर जिल्ह्यातील दहेगाव रंगारी येथे भरदिवसा घडलेल्या थरारक घटनेत तीन अज्ञात हल्लेखोरांनी सराफा व्यापाऱ्यावर जीवघेणा हल्ला करून तब्बल 10 लाख रुपयांचे सोने-चांदीचे दागिने लुटले आहेत. वलनी वस्ती येथील मंगेश केशव मारोतकर असे पीडित व्यापाऱ्याचे नाव आहे. हल्लेखोरांनी प्रथम व्यापाऱ्याच्या पायावर गोळी झाडली आणि त्यानंतर गळ्यावर धारदार शस्त्राने वार केले. व्यापाऱ्याला रक्तबंबाळ करून आरोपी दागिन्यांची बॅग घेऊन फरार झाले असून या घटनेमुळे परिसरात भीतीचे वातावरण पसरले आहे. घटनेचे गांभीर्य लक्षात घेऊन पोलिसांनी तपासाची चक्रे वेगाने फिरवली असून फरार तिन्ही अज्ञात आरोपींचा शोध सुरू आहे.

Post by Rajesh Khurana

अजित दादांच्या जयंतीनिमित्त लाडक्या बहिणींना २६ वस्तूंचे गिफ्ट देण्यात येणार आहे. या भेटवस्तूंव्यतिरिक्त, लाडक्या बहिणींना जुलै महिन्याचा २१०० रुपयांचा हप्तादेखील मिळणार आहे.

मुल येथील तहसील कार्यालयात छत्रपती शिवाजी महाराज महसूल समाधान शिबिर अभियानाचे उद्घाटन करण्यात आले. या प्रसंगी आमदार सुधीर मुनगंटीवार यांनी प्रत्येक पात्र नागरिकापर्यंत शासनाच्या योजनांचा लाभ वेळेत व पारदर्शकपणे पोहोचविणे हेच अभियानाचे मुख्य उद्दिष्ट असल्याचे स्पष्ट केले. यासोबतच नागरिकांचे प्रलंबित अर्ज तत्काळ निकाली काढण्याचे निर्देश त्यांनी प्रशासनाला दिले. या कार्यक्रमात आमदार मुनगंटीवार यांनी संजय गांधी निराधार योजना, गोपीनाथ मुंडे अपघात विमा, वन्यप्राणी नुकसानभरपाई आणि शेत संरक्षण कुंपण योजनेसह अनेक लोकहिताच्या विषयांवर ठोस भूमिका मांडली. या सर्व योजनांच्या माध्यमातून पात्र लाभार्थ्यांना न्याय मिळवून देण्यासाठी सातत्याने पाठपुरावा करण्याची ग्वाहीही त्यांनी दिली.

नागपूरच्या लकडगंज पोलिसांनी ₹१.४३ लाख रुपयांच्या चोरीचा यशस्वी उलगडा करत रेकॉर्डवरील आरोपी ऑटोचालकाला अटक केली आहे. वर्धा जिल्ह्यातील समुद्रपूर येथील रहिवासी तक्रारदार नरेश नानाजी हिकपे (४१) हे २६ जून २०२६ रोजी ऑटो रिक्षाने अलजमजम हॉटेल परिसरात आले होते. यादरम्यान ऑटोचालक त्यांना एका अनोळखी ठिकाणी सोडून निघून गेला आणि त्यांच्या जवळील सोन्याचे दागिने, मोबाईल फोन व रोख रकमेसह एकूण ₹१.४३ लाखांचा मुद्देमाल चोरीला गेला. याप्रकरणी भारतीय न्याय संहितेच्या (BNS) कलम ३०३(२) अन्वये गुन्हा क्रमांक ४०५/२०२६ नोंदवून पोलिसांनी तपास सुरू केला होता. तपासादरम्यान लकडगंज पोलिसांनी घटनास्थळ आणि परिसरातील सीसीटीव्ही फुटेजचे बारीक विश्लेषण केले. तांत्रिक पुरावे आणि गुप्त माहितीच्या आधारे आरोपी अब्दुल आसिफ शेख गनी शेख (५१, रा. आझमशाह चौक, नागपूर) याची ओळख पटली. तो आपल्या घरातून आणि परिसरातून फरार झाला होता, परंतु २२ जुलै २०२६ रोजी मिळालेल्या माहितीवरून पोलिसांनी त्याला रात्री ११:४८ वाजता ताब्यात घेऊन रीतसर अटक केली. प्राथमिक तपासात आरोपीच्या नावावर आधीपासूनच गुन्हेगारी रेकॉर्ड असल्याची पुष्टी झाली असून तो इतर चोरीच्या घटनांमध्ये सहभागी आहे का, याचा शोध पोलीस घेत आहेत. ही कारवाई नागपूर शहराचे पोलीस आयुक्त, सह पोलीस आयुक्त, अपर पोलीस आयुक्त (गुन्हे), पोलीस उपायुक्त परिमंडळ-३ राहुल मदने, सहायक पोलीस आयुक्त (लकडगंज विभाग) शिवप्रसाद पारवे, वरिष्ठ पोलीस निरीक्षक मुकुंद कवाडे, पोलीस निरीक्षक मनोज चौधरी, सहायक पोलीस निरीक्षक अजहर नसीर शेख, पोलीस उपनिरीक्षक पोफळे तसेच डी.बी. अंमलदार शकील यांच्या मार्गदर्शनाखाली पार पडली.

दिल्लीत तरुण आंदोलकांवर पोलिसांनी केलेल्या कारवाईचे नागपूर जिल्ह्यातील भिवापूर येथे तीव्र पडसाद उमटले असून या घटनेचा जोरदार निषेध करण्यात आला आहे. या कारवाईच्या विरोधात नायब तहसीलदार यांना निवेदन सादर करून आपला रोष व्यक्त करण्यात आला आहे.

साखरेच्या रुग्णांसाठी नव्या औषध आणि इन्सुलिन इंजेक्शनच्या माध्यमातून मोठा दिलासा मिळण्याची माहिती देण्यात आली आहे. डॉ. मेहेर अब्बास यांच्याकडून आरोग्य समस्यांवर योग्य आणि सुरक्षित समाधानाचा दावा करण्यात आला असून, योग्य सल्ल्याने निरोगी आयुष्याची सुरुवात करण्याचे आणि स्वतःच्या आरोग्याची काळजी घेण्याचे आवाहन करण्यात आले आहे. या उपक्रमांतर्गत मधुमेह, हृदयविकार, मूत्रपिंडाचे आजार, यकृताचे आजार आणि फुफ्फुसाचे विकार (दमा व टीबी) यांसारख्या विविध आजारांवर उपचारांचा सल्ला दिला जात आहे. यात वीकली इन्सुलिन, बेसल इन्सुलिन, डेली इन्सुलिन आणि इन्सुलिन पेन यांसारख्या सुविधांचा समावेश आहे. योग्य सल्ल्यासाठी आणि अपॉइंटमेंट बुक करण्यासाठी +91 9125734374 या क्रमांकावर संपर्क साधण्याचे सूचित करण्यात आले आहे.

बल्लारपूर येथे आयोजित करण्यात आलेल्या छत्रपती शिवाजी महाराज महसूल समाधान शिबिर अभियानात आमदार सुधीर मुनगंटीवार यांनी उपस्थित राहून नागरिकांना मार्गदर्शन केले. यावेळी मार्गदर्शन करताना आ. मुनगंटीवार यांनी नमूद केले की, शासनाच्या योजना आणि सेवा समाजातील शेवटच्या घटकापर्यंत प्रभावीपणे पोहोचवणे हेच या अभियानाचे मुख्य उद्दिष्ट आहे. गरजू नागरिकांची प्रलंबित कामे वेळेत पूर्ण होणे आणि प्रत्येक नागरिकाच्या चेहऱ्यावर समाधानाचे हास्य फुलणे यावर त्यांनी या प्रसंगी विशेष भर दिला.

नागपूर जिल्ह्यातील दहेगाव रंगारी येथे भरदिवसा घडलेल्या थरारक घटनेत तीन अज्ञात हल्लेखोरांनी सराफा व्यापाऱ्यावर जीवघेणा हल्ला करून तब्बल 10 लाख रुपयांचे सोने-चांदीचे दागिने लुटले आहेत. वलनी वस्ती येथील मंगेश केशव मारोतकर असे पीडित व्यापाऱ्याचे नाव आहे. हल्लेखोरांनी प्रथम व्यापाऱ्याच्या पायावर गोळी झाडली आणि त्यानंतर गळ्यावर धारदार शस्त्राने वार केले. व्यापाऱ्याला रक्तबंबाळ करून आरोपी दागिन्यांची बॅग घेऊन फरार झाले असून या घटनेमुळे परिसरात भीतीचे वातावरण पसरले आहे. घटनेचे गांभीर्य लक्षात घेऊन पोलिसांनी तपासाची चक्रे वेगाने फिरवली असून फरार तिन्ही अज्ञात आरोपींचा शोध सुरू आहे.