સુરત શહેરના પાંડેસરા વિસ્તારમાંથી એક સનસનાટીભર્યા હત્યાનો મામલો સામે આવ્યો છે, જ્યાં પાંડેસરાના પ્રેમનગર ખાડી કિનારે એક યુવકે સામાન્ય બાબતમાં પોતાના જ મિત્રની હત્યા કરી નાખી. પાંડેસરા પોલીસ સ્ટેશનની ટીમે તાત્કાલિક કાર્યવાહી કરીને આ ગુનાના મુખ્ય આરોપી સની જાધવની ધરપકડ કરી લીધી છે. પોલીસ તપાસ મુજબ, મૃતક યુવકનું નામ અમોલ સાલ્વે હતું. આરોપી સની જાધવ અને અમોલ સાલ્વે બંને મિત્રો હતા. પ્રેમનગર ખાડી નજીક કોઈ અગમ્ય કારણોસર બંને વચ્ચે ઉગ્ર બોલાચાલી થઈ હતી. આ વિવાદ એટલો વધી ગયો કે સની જાધવે અમોલ સાલ્વે પર જીવલેણ હુમલો કર્યો અને તેને મોતને ઘાટ ઉતારી દીધો. ઘટનાની જાણ થતાં જ પાંડેસરા પોલીસે ગુનો નોંધી કાયદેસરની કાર્યવાહી હાથ ધરી હતી અને ગણતરીના સમયમાં જ આરોપી સની જાધવને ઝડપી પાડ્યો હતો.

સુરત જિલ્લા પંચાયત શિક્ષણ સમિતિ સંચાલિત પલસાણા તાલુકાના અંભેટી ગામે બુધવારે કન્યા કેળવણી મહોત્સવ, શાળા પ્રવેશોત્સવ અને નવા શાળા ભવનના લોકાર્પણ સહિતનો ભવ્ય 'ત્રિવેણી કાર્યક્રમ' યોજાયો હતો. આ કાર્યક્રમ પૂર્વ કેબિનેટ મંત્રી અને બારડોલીના ધારાસભ્ય ઈશ્વરભાઈ (અનિલભાઈ) પરમારની અધ્યક્ષતામાં સંપન્ન થયો, જ્યાં અંદાજે ₹1 કરોડ 16 લાખ 60 હજારના ખર્ચે નિર્માણ પામેલા અંભેટી પ્રાથમિક શાળાના નવા ભવનનું તેમના વરદ હસ્તે લોકાર્પણ કરવામાં આવ્યું. આધુનિક સુવિધાઓથી સજ્જ આ નવું શાળા ભવન વિદ્યાર્થીઓને ગુણવત્તાસભર અને સુવિધાયુક્ત શિક્ષણનું ઉત્તમ વાતાવરણ પૂરું પાડશે તેવી આશા વ્યક્ત કરાઈ. આ પ્રસંગે જિલ્લા સંગઠન ઉપપ્રમુખ મોહનભાઈ આહીર, પલસાણા તાલુકા પંચાયત પ્રમુખ અશ્વિનીબેન વાંસિયા, તાલુકા પંચાયત સદસ્ય બિનલબેન આહીર, અંભેટી ગામના સરપંચ સુનિલભાઈ રાઠોડ, તાલુકા પ્રાથમિક શિક્ષણાધિકારી વિરલભાઈ, પૂર્વ મહામંત્રી ધર્મેન્દ્રસિંહ મેઘાત સહિત અનેક રાજકીય આગેવાનો, શિક્ષણ વિભાગના અધિકારીઓ, ગ્રામ પંચાયતના સભ્યો, શિક્ષકો, વાલીઓ અને મોટી સંખ્યામાં ગ્રામજનો ઉપસ્થિત રહ્યા હતા. શાળા પ્રવેશોત્સવ અંતર્ગત, નવા પ્રવેશ મેળવનાર વિદ્યાર્થીઓનું તિલક કરી, પુષ્પગુચ્છ અને મીઠાઈ આપી હર્ષોલ્લાસ સાથે સ્વાગત કરવામાં આવ્યું. મહેમાનોએ પોતાના સંબોધનમાં બાળ શિક્ષણ, કન્યા કેળવણી અને સરકારી શાળાઓમાં ગુણવત્તાસભર શિક્ષણને વધુ મજબૂત બનાવવા સૌના સહયોગની જરૂરિયાત પર ભાર મૂક્યો. કાર્યક્રમ બાદ, અંભેટી ગામના સરપંચ સુનિલભાઈ રાઠોડના હસ્તે શાળાના વિકાસમાં આર્થિક અને અન્ય રીતે સહયોગ આપનાર દાતાશ્રીઓનું સન્માનપત્ર અને શાલ ઓઢાડી સન્માન કરાયું, અને શાળા પરિવારે તમામ દાતાશ્રીઓનો જાહેર આભાર માન્યો. અંભેટી ખાતેનો કાર્યક્રમ પૂર્ણ થયા પછી, પૂર્વ કેબિનેટ મંત્રી ઈશ્વરભાઈ પરમારે પલસાણા તાલુકાના લાખણપોર અને પુણી ગામોની પ્રાથમિક શાળાઓમાં આયોજિત શાળા પ્રવેશોત્સવ અને કન્યા કેળવણી મહોત્સવમાં પણ હાજરી આપી વિદ્યાર્થીઓને અભિનંદન પાઠવ્યા. તેમણે શિક્ષણને પ્રાથમિકતા આપવા અપીલ પણ કરી હતી. સમગ્ર કાર્યક્રમ ઉત્સાહપૂર્ણ અને પ્રેરણાદાયી વાતાવરણમાં સંપન્ન થયો, જેમાં ગ્રામજનો અને વાલીઓએ મોટી સંખ્યામાં હાજરી આપી શિક્ષણ પ્રત્યે પોતાની પ્રતિબદ્ધતા વ્યક્ત કરી.

સુરતના કરેલાદરવાજા ખાતે મોહરમના દસમા ચાંદ નિમિત્તે ટેમ્પો ચાલક વેલફેર એસોસિએશન દ્વારા એક છબીલનું આયોજન કરવામાં આવ્યું હતું. આ પ્રસંગે મોટી સંખ્યામાં લોકોએ શરબત, પાણી અને બિસ્કિટનો લાભ લીધો હતો. ટેમ્પો ચાલક વેલફેર એસોસિએશનના પ્રમુખ અયુબભાઈ શેખ અને તેમની ટીમે આ આયોજનને સુંદર રીતે પાર પાડી સેવાભાવી કામગીરીનું ઉત્તમ ઉદાહરણ પૂરું પાડ્યું. આ સેવાભાવી કાર્યક્રમ દ્વારા સુરત શહેરમાં કોમી એકતા, ભાઈચારો અને માનવસેવાનું સુંદર પ્રતીક જોવા મળ્યું.

સુરત ક્રાઈમ બ્રાન્ચને એક મોટી સફળતા મળી છે, જેમાં ૨૨ વર્ષથી ચોરીના ગુનામાં ફરાર એક આરોપીને મહારાષ્ટ્રમાંથી ઝડપી પાડવામાં આવ્યો છે. આ આરોપી ઘણા લાંબા સમયથી પોલીસની પકડથી દૂર હતો, અને તેની ધરપકડને સુરત ક્રાઈમ બ્રાન્ચની મહત્વપૂર્ણ કાર્યવાહી તરીકે જોવામાં આવી રહી છે.

એક હુમલાની ઘટના બાદ આરોપીઓ સ્થળ પરથી ફરાર થઈ ગયા હતા, જ્યારે ઘાયલ થયેલા વ્યક્તિને તાત્કાલિક સારવાર અર્થે હોસ્પિટલમાં ખસેડવામાં આવ્યો હતો. આ ઘટનાની જાણ થતાં ડિંડોલી પોલીસ તાત્કાલિક સ્થળ પર પહોંચી અને તપાસનો ધમધમાટ શરૂ કર્યો. પોલીસે હુમલાખોરોની ઓળખ કરવા તેમજ હુમલા પાછળના કારણને જાણવા માટે CCTV ફૂટેજ અને અન્ય ઉપલબ્ધ પુરાવાઓના આધારે ઊંડાણપૂર્વક તપાસ હાથ ધરી છે. આ ઘટનાને કારણે સમગ્ર વિસ્તારમાં ભયનો માહોલ વ્યાપી ગયો છે.

સુરત શહેરમાં એક હૃદયદ્રાવક ઘટના બની છે, જ્યાં ડિંડોલી વિસ્તારની પ્રયોશા પાર્ક સોસાયટીમાં પોતાના ઘર પાસે રમી રહેલી ચાર વર્ષીય બાળકી સ્નેહાને બેફામ રીતે કાર ચલાવી રહેલા એક ચાલકે કચડી નાખતા તેનું કરુણ મોત થયું છે. કાર ચાલક નીતિન મિશ્રા, જે સોસાયટીનો જ રહેવાસી છે, તેણે બાળકીના ઘર પાસે વળાંક લેતી વખતે તેને અડફેટે લીધી હતી. સ્નેહાના રડવાનો અવાજ સાંભળીને તેનો પરિવાર અને સોસાયટીના અન્ય લોકો તાત્કાલિક ઘટના સ્થળે દોડી આવ્યા હતા. બાળકીને સારવાર માટે હોસ્પિટલ લઈ જવામાં આવી હતી, જ્યાં તબીબે તેને મૃત જાહેર કરી હતી. બાળકીના પરિવારે આક્ષેપ કર્યો છે કે કાર ચાલક નીતિન મિશ્રા ફોન પર વાત કરતા કરતા કાર ચલાવી રહ્યો હતો, જેના કારણે આ ગંભીર અકસ્માત સર્જાયો. પરિવારે આ ઘટના માટે જવાબદાર કાર ચાલક વિરુદ્ધ કડકમાં કડક કાર્યવાહી કરવાની માંગ કરી છે. ઘટનાની જાણ થતા જ ડિંડોલી પોલીસ તાત્કાલિક સ્થળ પર પહોંચી હતી અને કાર ચાલક નીતિન મિશ્રાની ધરપકડ કરી હતી. પોલીસે આરોપી વિરુદ્ધ ગુનો નોંધીને આગળની કાયદેસરની કાર્યવાહી હાથ ધરી છે.

સુરતના ભેસ્તાન-ઊન વિસ્તારમાં મોહર્રમનો જુલુસ શાંતિપૂર્ણ રીતે સંપન્ન થયો છે. આ જુલુસ કડક પોલીસ સુરક્ષા વ્યવસ્થા વચ્ચે યોજાયો હતો, જેમાં અમન અને ભાઈચારાનો સચોટ સંદેશ ગુંજ્યો હતો.

સુરત શહેરના ડીંડોલી વિસ્તારમાં બજરંગ દળના એક કાર્યકર પર જીવલેણ હુમલો થતાં સમગ્ર વિસ્તારમાં સનસનાટી ફેલાઈ ગઈ છે. સૂત્રો પાસેથી મળતી માહિતી મુજબ, અજાણ્યા હુમલાખોરોએ યુવકની પીઠ પર ચાકુના અનેક ઘા માર્યા હતા અને ઘટનાસ્થળેથી ફરાર થઈ ગયા હતા. આ ઘટના બાદ ઘાયલ યુવકને તાત્કાલિક હોસ્પિટલમાં દાખલ કરવામાં આવ્યો છે, જ્યાં તેની સારવાર ચાલી રહી છે. આ મામલાની જાણ થતા જ ડીંડોલી પોલીસ ઘટનાસ્થળે પહોંચી હતી અને તપાસ શરૂ કરી હતી. હાલ પોલીસ ફરાર આરોપીઓની શોધખોળ કરી રહી છે, અને હુમલા પાછળનું કારણ જાણવા માટે વધુ તપાસ ચાલુ છે.

સુરત શહેરના પાંડેસરા વિસ્તારમાંથી એક સનસનાટીભર્યા હત્યાનો મામલો સામે આવ્યો છે, જ્યાં પાંડેસરાના પ્રેમનગર ખાડી કિનારે એક યુવકે સામાન્ય બાબતમાં પોતાના જ મિત્રની હત્યા કરી નાખી. પાંડેસરા પોલીસ સ્ટેશનની ટીમે તાત્કાલિક કાર્યવાહી કરીને આ ગુનાના મુખ્ય આરોપી સની જાધવની ધરપકડ કરી લીધી છે. પોલીસ તપાસ મુજબ, મૃતક યુવકનું નામ અમોલ સાલ્વે હતું. આરોપી સની જાધવ અને અમોલ સાલ્વે બંને મિત્રો હતા. પ્રેમનગર ખાડી નજીક કોઈ અગમ્ય કારણોસર બંને વચ્ચે ઉગ્ર બોલાચાલી થઈ હતી. આ વિવાદ એટલો વધી ગયો કે સની જાધવે અમોલ સાલ્વે પર જીવલેણ હુમલો કર્યો અને તેને મોતને ઘાટ ઉતારી દીધો. ઘટનાની જાણ થતાં જ પાંડેસરા પોલીસે ગુનો નોંધી કાયદેસરની કાર્યવાહી હાથ ધરી હતી અને ગણતરીના સમયમાં જ આરોપી સની જાધવને ઝડપી પાડ્યો હતો.